¹ Ne ora que Jesús ne ca discípulu xti yenda ca gaxha de Jerusalén ne beda ca be Betfagé, lu Daani xti Olivo, ne ora que Jesús bisenda chuppa discípulu, ² ne gudxi be laaca: "La ché ndani xti guidxi nuu gaxha de latu ne zadxela ca tu ti burra huini liibi ra que' ne ti burru nuu né laame. Laa guxhague lacame ne latané lacame ra nua'. ³ Ne pa chu' tu gabi laatu xixa de ni cayuni tu di la?, latu la gabi lacabe, "Señor caquíñe lacame", ne binni ca oraca'ca zusenda lacame ne laatu." ⁴ Yanna ma bedandá dxi gaca ni guní xa profeta que. Ne na: ⁵ "GUDXI XIÑI' XTI SION: BIIYA, XAIQUE LU ZEEDA RA NÚ LU, NACHAHUI' NE DXIBA' LU TI BURRU, NE TI BURRU HUINI', XHIÑI' BURRA QUE." ⁶ Ne ora que la? ca discípulu guyé ca ne bíni ca modo Jesús gudxi laca guni ca. ⁷ Bedané ca be burra que ne burru huini que, ne gulu chahui' ca be asientu luguia' came, ne ora que la? Jesús gudxiba lame. ⁸ Ne casi guiraa binni que la? bichiaa ca be lari xti ca be lu neza' que, ne xtudxi cuga' ca tindaa yaga ne cuchiaa ca ni lu neza que. ⁹ Ne guiraa binni ni zaa niru que Jesús ne ca ni nanda ru laabe que la?, cuguá ca ridxi, ne na ca: "¡LA GUSISACA XIÑI' DAVID! , ¡SICARÚ CHE NI ZEEDA DE SEÑOR. LA GUSISACA LAABE RA' NA SOO!". ¹⁰ Ne ora Jesús guyú ndani guidxi Jerusalén que la?, guidubi naca guidxi que biguá ca be ridxi ne na ca: "¿Tu'ndi pue?" ¹¹ Ne guiraa binni que bicabi ca: "Ndi nga Jesús, xa profeta que, de guidxi xti Nazaret ni nuu Galilea" ¹² Ne ora que Jesús guyú ndani yu'du xti Diuxi. Ne Laabe gulee be guiraa xixé ca ni cazi' ne cani cuto' ca ndani yu'du que. Ne bitixhi be jmexa ca ni cucha' bidxichi' ne bangu xti ca ni cuto' paloma. ¹³ Ne Laabe gudxi be laaca: "Ca' lu guichi, 'LIDXE' ZA REE LÁ' NI YOO RA RINÍ NE CA BE DIUXI; HUAXA LAATU MA BÍNI TU NI LIDXI GUBAANA" ¹⁴ Ne ora que guiraa ca ni que ruya' ne ca ni que riza' beeda ca be ra nuu be ndani yu'du que la? ne Laabe bisianda be laaca. ¹⁵ Huaxa ora xaique ca sacerdote ne escriba biiya cabe guiraa ca guenda nandxo' ni Laabe bíni be que la?, lacabe binadiaga ca be ca xcuidi' que cuguá ca be ridxi ndani yu'du que ne na ca: "La gusisaca Xiñi' David", ne lacabe bidxá ca be de xiana'. ¹⁶ Ne gudxi ca be Laabe: "¿Ñee cuca' diagalu ni caní ca binni di la?" Jesús bicabi lacabe ne na: "¡Ya!" ¿Huaxa que huayu'nda tu ra na: 'DE RUA' CA NI NAHUINI NE CA DE NI RADXI XHIDXI JÑA MA BISIIDI LU LACABE XIMODO GUSISACABE LII" ¹⁷ Ne Jesús bisana lacabe ne guyé ndani guidxi xti Betania ne gusibe ra que. ¹⁸ Ora biraa gueela, laga cabigueta be ndani guidxi que la?, Laabe bindana be. ¹⁹ Ne biiya be ti yaga duga zuhua' guriá neza que; guyé be ra nuu ni, huaxa que nidxela di be gaxti, bandaga si, Ora que rabi de la': "Que zaree ru' cuananaxhi de lii". Ne oraque'ca yaga duga que bibidxi ni. ²⁰ Ne ora ca discípulu biiya ca be ndi la?, bidxagaya' ca be ne gudxi ca be Laabe: "¿Ximodo nga yaga duga ca oraque'ca bibidxi ni pue? ²¹ Jesús bicabi lacabe: "De dxandi Naa zabe laatu, pa laatu guni cré tu sin guiní iquetu' pa biasi ni cayunitu' la?, ca di zunisitu' ni Naa ma bi'ne nia' yaga duga di, laga zabitu' dani ca , 'Biaxha de ra ca' ne guyé ndani nisadó ca', ne za ca' zaca ni. ²² Ne guiraa ni li guinabalu Diuxi ora ma caní neu la' ne guni cré lu la?, za caa lu ni''. ²³ Ne ora Jesús guyé ndani yu'du, ca xaique sacerdote ne ca binni gola de guidxi que la? beeda ca be ra nuu be ora cusiidi be que ne na ca:'' Ne xi guenda' li runni lu ca ndi pue?¿Ne tu bidii li guenda' di?'' ²⁴ Jesús bicabi lacabe ne na:"Naa laca chi' ginaba'didxa laatu. Pa gabi tu naa la?, naa laca zaca'ca zabe laatu ne xi guenda' rune nia ca ndi. ²⁵ Ora biu' nisa Juan, ¿De pade' zeeda be de guibá' la' o de ca binni?'' Lacabe guní lisaa ca be, ne na ca '' Pa lannu guiní nu, de guibá' Laabe la?, zabi Be lannu, '¿Xi ñee que ñunni cré tu laabe yá?' ²⁶ Huaxa pa guiní nu, 'De biini la' napanu' xtale binni, ti lacabe ruya ca be Juan casi ti profeta. ²⁷ Yanna lacabe bicabi ca be Jesús ne rabi cabe laa, ''Ladu que ganna didu' ''. Laabe bicabi be laaca: ''Ninca Naa que zabe dia' laatu xi né guenda rune nia ca ndi. ²⁸ Huaxa, ¿xi rabi tu ya? tobi hombre gupabe chuppa xiñi' be. Laabe guyé be ra nu niru do' que ne gudxi be la: 'Xiñe', guyé ne biini dxiiña layú ra rudxiba ca be uva'. ²⁹ Ne xiñi' be que bicabi laabe ne na, 'Que zia' dia', huaxa bichaa be ni guní iqué be que ne guyé be. ³⁰ Ne ora que la? hombre que guyé ra nuu guiropa xiñi' be que, ne gudxibe laa laca ca didxa que. Ne xiñi' be di bicabi laabe ne na: 'Ya Señor, na zia' huaxa que ñe' di. ³¹ ¿Tu de ca xiñi' be di biini ni na bixhoze que ya? Ne lacabe na ca be: 'niru que' "Jesús gudxi lacabe, "De dxandí Naa cayabe laatu, de que cani ruquixe ca impuestu ne ca gunna dxaba' ziu' ca nirudo' ndani guenda runi mandar xti Diuxi ante que latu. ³² Pue Juan beeda ra nuu tu lu neza guenda nacha'hui, huxa laatu que ñuni cré di tu laabe; laga ca ni ruquixe impuestu ne ca gunna dxaba' bini cré ca laabe. Ne laatu, ora biiya tu ni guca di la?, que ni bí saa tu de lu guenda ruché xtitu' ti ñanda ñu ni cré tu laabe. ³³ La gucadiaga xti ejemplu di. Guyú tobi hombre, ni gupa ti layú na rooba'. Ne bidxiiba uva ne guluu be bindii guidubi naca ni, ne bíni be ti pila ra rutu ñee cabe uva, bini be ti yoo soo ra quiba' ni gapa', ne biquixe be cani cadxi ni rudxiiba uva. Ne ora que laabe guyé be xti guidxi. ³⁴ Ora beda nda dxi ma chi guica' uva la?, laabe bisenda be ca ni runi xhiña be chee ca ra nuu ca ni rudxiiba uva que ne chee ca chi yubi ca uva xti ca. ³⁵ Huaxa ca ni rudxiiba uva que la? gucua' ca cani runi xhiña be que, gudiñe ca tobi de lacabe, xtobi que bitica be, ne xtobi que bicha' ca be guie' laa. ³⁶ Xti bieque, xaique xti layú que bisenda xcadxi ni runi xhiña be, ne jmá xtale que niru que', huaxa ca ni rudxiiba uva que zaca'ca bini ca ne laacabe. ³⁷ Gudidi si ndi la?, xaique xti layú que bisenda xiñi' ra nuu ca be, ne na: Lacabe zuna ca be xiñe'.' ³⁸ Huaxa ora ca ni rudxiiba uva que biiya ca xiñi' xaique que la?, guní lisaa ca: 'Ndi nga ni chi gaca xtí ca ndi; lata', gu'tinu laabe ne guiana né nu ni chi gusana ne xaique xtinu laabe. ³⁹ Zaca' yené cabe laabe, ne gule' ca be laabe de lu layú ra ca uva que, ne bi'ti ca be laabe. ⁴⁰ Yanna, ora gueda xaique xti layú ra caa ca uva ca la?, ¿Xi zuni be ca ni rudxiba uva ca ya?''. ⁴¹ Ca binni que cayabi laabe: "Laabe zundúxe be ca binni ni que iquiñe que naná ne zudii be layú uva que xcadxi binni ru'ni dxiña, binni ni quixhe laabe ora ma guirugu ca uva que". ⁴² Gudiidi si ngue la? Jesús rabi lacabe: Ñee que huayúnda tu ni caa lu xquichi Diuxi:' XA GUIE NI BISA'BI CA NI CUCUÍ YOO QUE LA?, BEDA GACA NI GUIE NI NAAZE INTERU NACA' YOO QUE. NDI GUCA NDI XTI SEÑOR, NE NACANI GUENDA RIDXAGAYA' NEZA LÚ NU'? ⁴³ Nga runi cayabe laatu, ziaxha be guenda runi mandar Diuxi ne za caa ti guidxi ni gudii cuananaxhi ni. ⁴⁴ Tuticasi la guiaba lu guie di la'?zaru'xe bigu huini. Huaxa tuticasi lá guiaba guie' que luguiá lá? zusi xhaata ni la'. ⁴⁵ Ora ca ni jmá risaca lade ca sacerdote ne ca Fariseu bina'diaga ca ejemplu di la?, laaca biiya ca de que Laabe caní be de laaca. ⁴⁶ Huaxa ora gucala'dxi ca nibaqui ná' luguia' Be la?, laaca bidxibi ca' ca binni ni nuu ra que', ti ca binni que ru'ya ca laabe casi ti profeta.