¹ Ti guenda runi mandar xtii ca guibá' nacani casi xpixuana ti layú ni biree tela yúru' zi yúbi tu gúni dxiña layú uva xtii ² Ne bitagu diidxa né si be cani runi dxiña que quixe be laaca ti denariu ti dxi' la? bisenda be laaca lu layú uva xtiibe. ³ Xti tiru biree be zee biá ga xigaaba ne biiya be xcaadxi ni runi dxiiña nuu ca luguiaa ne gaxti cayúni ca. ⁴ Ne candii la? gudxibe laaca: laatu laca la ché lu layú uva xtinne' ne zaguixe' laatu biási. Ngue runi ze' ca ca' zi gúni ca dxiiña. ⁵ Ne biree be xti tiru ze' bia' galaa dxii, ne xti tiru lú chonna xigaba huadxi' ne zaque'ca biini be ne xcadxi'. ⁶ Ne xti tiru biree be ma yaca gudii gaayu' xigaba huadxi' ne bidxéla be xcadxi gasti cayúni ca, rabi be laaca: ¿xiñee guidubi dxi nuu si'tu rarí qui gúni tu xiixa pue'?. ⁷ Laca rabi ca laabe ti guiruti ñanna laadu. Laabe rabibe laaca laatu laca: ''Laatu laca la ché lu layú uva xtinne'. ⁸ Ne casipe' bixhinni, xpixuana layú uva que gúdxi be ni rapa xpidxi'chi be:'Gulídxi' cani ni biini dxiiña ca ne gudiixe laacabe, bizulú ne cani de'ru biuuca de chinda' lu ne cani guza' niru.' ⁹ Ne ora beeda cani biini dxiña cani gunnabe ma gaayu' xigaba que, tobi tobi gucuaa ca ti denariu. ¹⁰ Ra beedanda' ca ni guzá niru biini dxiña que la?, guní ique ca ziaxa ca jmá, laga laaca la'ca ti denariu gucuá tobi tobi ca. ¹¹ Ne ora gucaa cabe ni biaxa cabe que la? gunii xhatané ca xpixuana layú que. ¹² Rabi cabe laa: cani biini dxiiña de xquí di ti xigaba si dxi biini cabe dxiiña, huaxa lii gudiixu laaca be bia' gudiixu laadu, laanda du biinidu xtipa guidubi dxi ne lú gubidxa bidxuí du. ¹³ Ne ni xtii ra que' bicabi , na rabi tobi de laaca be: Xhamigua' na qui zusiguiee lii. ¿Ñee cadi biaana nu ti denariu la? ¹⁴ Gucuaa bia' ma nexhe guicou, ne biaaba neeza xtiu: naa ridxa' ladxidua' gudiee cani gunna de xquí di biado'si casi bidiee lii. ¹⁵ ¿Ñee cadi jneza gune niá ca xtinne ni naa guluí laadxe la? o ca guie' lú lu cayúya guenda na dxaaba ti naa nacháhue la? ¹⁶ Nga runi cani beeda de xquí zaca ca' niru neca ni zá niru la? zeeda ca de xquí." ¹⁷ Ne ra Jesús gudxiiba Jerusalén la?, gulee chú be chii ne chuppa que, ne neeza zee ca be rabi be laaca, ¹⁸ Lagúya chuunu Jerusalén, ne zudiicabe Xiñi' Diuxi ca xaique xti ca Sacerdote ne ca Escriba, ne laaca zudxiiba ca dónda ique Be ti gáti Be . ¹⁹ Ne zudii ca laabe cani cadi judiu ti gusituí ca lú Be, quiñeca laabe ne charrión ne gúcaa ca Laabe lu cruz, xuaxa ra guionna gubidxa zia'sa be." ²⁰ Ne ra que jñaa ca xiñi' Zebedeu beeda ra nuu Jesús ne ca xiñi', laabe bizuxibi be xañee ne gunaba be laa gudii xixa laabe. ²¹ Jesús rabi laabe: "¿xi racala'dxu?" Gunaa que rabi laabe: "Bidii xtidxalu de que ca xiiñe di cui' cabe, tobi neza ndiga Xtiu' ne xtobi neza biga Xtiu', ra lii gúnu mandar. ²² Ne Jesús bicabi laabe ne na: "Laatu qui ganna tu xi canaba tu. ¿Ñe zanda gue' tu rua' vasu ni ma yaca chi guee di la?" Laaca rabi ca laabe: "Zanda laadu". ²³ Laabe rabi be laaca: "Dxandipe, zee' tu rua vasu Xtine. Huaxa cui' tu ladu ndiga náya ne neza biga náya la? cadi de Naa nuu gudié ni, laga xti cani ma gulii Bixhoze guicaa ca ni. ²⁴ Ne ora xti xhii de ca discípulu binadiaga ca ndi la? izá bidxichi né ca be guiropa biichi que. ²⁵ Huaxa Jesús bicaa riidxi laacabe gueeda cabe ra Nuu ne na: " Laatu nana tu de que ca xaique xti ca Gentil raniná' ca binni, né ca xpini ca ni jmá risaca laca runi mandar ca' ca binni que. ²⁶ Ne laade tu cadi naquiñe gaca ni saca'. jmá jneza, ni gacaladxi guisaca lade tu la? naquiiñe gunibe xhiiña tu, ²⁷ ne ni racaladxi saa niru lade tu la? naquiñe guni xhiiña tu. ²⁸ Casi ca Xiñi' Diuxi cadi beeda ti gunitu dxiña xtii, laga beeda guni dxiiña xtii tu, ne beeda gudi guenda nabani xti ti guilá xtale." ²⁹ Laga ziree cabe Jericó, xtale binni zinanda Laabe. ³⁰ Ne biiya cabe chuppa ni nache'pa lú zuba guriá neza que, ra binadiaga ca Jesús ngue zidiidi neza que la?, bigua' ca ridxi, na ca: " Señor, Xiñi' David, gupa xilase de laadu." ³¹ Huaxa ca binni que gudindené ca laacabe , rabi ca laacabe igaani cabe. Laga, laaca biguá ca ridxi jmá nadipa, na ca: "Señor, Xiñi' David, gupa xilase de laadu!." ³² Ora que Jesús bizuhua'dxi ne bisendaca' laacabe ne na: "Xi racala'dxi tu gune nia' laatu?" ³³ Laaca rabi ca Laabe: "Señor, ca guie' lú du guixale cani." ³⁴ Ne raque ru biniibi ladxido' Jesús ne bia' laacabe, guda'na ca guie' lú cabe. Oraque'ca gucuaa cabe guenda rúya xtii cabe ne zinanda cabe Jesús.