¹ Gudi'disi xhopa dxi Jesús gucuaa Pedro, Jacobo (Santiago) ne Juan bi'chi be, lási cabe gudxi'ba cabe lu ti dani na soo. ² Laabe bichaabe neza lú ca'. Lú Be bizaani casi ruzaani gubidxa ne xhaba Be que bizaani cani casi ruzaani biaani. ³ Málasi la?, ra nuu cabe que beeda guihuini Moisés ne Elías caní né ca Laabe. ⁴ Pedru bicabi ne gudxi Jesús: "Señor, galan nga nuu nu rarí. Pa racaládxu la?, naa zune chona yoo huini, tobi Xtiu, tobi xti Moises ne tobi xti Elías." ⁵ Laga caní ru be que, málasi, ti za' cuzaani bichii laacabe, ne málasi, biree ti diidxa lade za' que ne na: "Ndi nga Xiiñe ni nadxié, ni cayeche nia', lagucaa diaga laabe". ⁶ Ora ca discípulu que binadiaga ca Laabe la?, biaba rilú ca' ne bidxibi ca' xtale. ⁷ Ne ora que Jesús beeda ne guda'na laacabe ne na: "Laguiasa ne cadi guidxibi tu." ⁸ Ne ora que biyadxí cabe luguia' ne que ñuuya di cabe guiruti, Jesús si. ⁹ Laga ziye'te cabe de lu dani que la?, Jesús gudxi' laacabe xi guni cabe, na: "Cadi gabitu gaxti guiruti de ni biiya tu di, dede guendanda dxi xiiñi Diuxi guiasa de lade ca gue'tu". ¹⁰ Ca discípulu Be gunabadiidxa ca' laabe, na ca: "¿Xiñee ga ca escriba na ca Elías nga naquiiñe saa niru ya?" ¹¹ Jesús bicabi ne na: "Elías dxandi'pe zeeda ne zabaqui cha'hui guira xixé ni cayaca di . ¹² Huaxa cayabe ca laatu, Elías ma beeda, huaxa que ñunibia' tu laa; laga bi'ni tu ni gupatu ganna ne laabe. Zaca'ca, Xiiñi Diuxi laca zadiidi nagana lu ná' tu". ¹³ Ora que ru' ca discípulu que biéne ca' de que Laabe cayuÍ né be laaca de Juan ni Ruguu nisa. ¹⁴ Ra yendá cabe ra nuu guiraa binni que la?, tobi hombre bidxiña laabe, bizuxi'bi ra lú Be, ne rabi laabe: ¹⁵ "Señor, biáa xiiñe, ti rudii ataque laabe ne nabé riuuba be. Nabé riaba be lu gui' o lu nisa. ¹⁶ Naa yenia' laabe ra nuu ca discípulu Xtiu, huaxa que ñanda di nusianda ca laabe." ¹⁷ Jesus bicabi ne na: "Binni ni nuu yanna ni que runi cre ne ni que guiqui'ñe ca, ¿pabia' ru nga naquiiñe guiana nia' laatu pue? ¿pabia' ru nga naquiiñe gapa xpiáya laatu pue? Latané laabe Naa rarí." ¹⁸ Jesús gudindené laabe ne binidxaba que biree de laabe. Xa xcuidi que bianda ca oraque'ca. ¹⁹ Ne ora que ca discípulu que beeda ca ra nuu Jesús naga'chi ne na ca: "Xiñee laadu que ñanda nibee du binidxaba ca pue?" ²⁰ Jesús rabi laacabe: "Ti huaxié guenda runi cré xti tu xa. Ti dxandí pe' gabe laatu, pa ñaca ñuni tu cré neca bia' ti biidxi mostaza la?, laatu ñabitu dani ca: 'Biduuba de rarí ne guyé raríca', niniibi ni. Gaxti ñaca naganna para laatu. ²¹ Huaxa binidxaba sicari la? que riee di' pa cadi ne oración ne ayunu. ²² Laga laacabe biaana cabe Galilea la?, Jesús rabi ca discípulu xti: "Xiiñi Diuxi zuudicabe laa lu na' binni, ²³ ne laaca zuuti ca laabe, ne lu guiona gubidxa Laabe ziasabe." Ca discípulu que nabé nagundu guyuu ca. ²⁴ Ora yendá cabe Capernaúm la?, ca hombre rutopa bidxichi xti yu'du' que beeda ca ra nuu Pedru ne na ca: "¿Ñee maixtru xtiu que riguixe impuestu xti yudu di la? Laabe guní be: "Riguixe." ²⁵ Huaxa ora Pedru biuu ndani yoo que, Jesús niiru guni'ne laabe ne rabi laabe. "¿Xi na lu, Simón? Ca ni rigui'ba la'pa ique xti guidxilayú, ¿tu xti ca impuestu ricaa cabe o rusisaca laacabe? ¿Xti xpinni cabe la o xti binni zeeda de xti guidxi?" ²⁶ Ora Pedru guní: "Xti ca ni zeeda de xti guidxi", Jesús rabi laabe: "Yanna ca xpini cabe cadi naqui'ñe quixe ca. ²⁷ Huaxa ti que guni laanu ca ni ruquixe bidxichi guchee ca la?, guyé ra nisado' ca, bindaa ansuelu xtiu, ne gunaaze niru benda gueeda. Ora ma bixhale lu ruaame la? , zadxe'lu cadxi domi' bia' riaxa cabe tapa gubidxa. Gucuaa ni ne bidiini ca ni ruquixe bidxichi, Xtine la? ne xtiu'."