¹ Ngue runi cadxi de ca fariseu ne escriba guyee ca ra nú Jesús dede Jerusalen; ne rabi ca be la. ² "¿Xi ñee ca discípulu xtiu que runi ca ni bi'ni ca binni gola xti nu de dxi quee ya? laaca be la? que riguibi ná' ca be ora go' ca be". ³ Jesús bicabi lacabe ne na:"Laatu ya, ¿Xi ñee que ru zuuba tu ca diidxa xti Diuxi runi ca ni zeda yuni tu de dxi quee ya? ⁴ Ti Diuxi gunÍ:" GUCANÉ JÑOU NE BIXHOZO; NE TU LA' GUINÍ NI NADXABA DE BIXHOZE O JÑIA LA?, ZATI. ⁵ Huaxa laatu ri ní tu:'Tutica ni gabi bixhoze o jñia,"Intiica ni gaca nia lii la? naca ni ti ............ ni guicaa Diuxi ",binni di cadi caquiiñe di cagané bixhoze ne jñaa." ⁶ Ne ndi la? laatu que nuzuuba tu diidxa xti Diuxi runi ca ni zeda yuni tu de dxi quee. ⁷ Laatu binni ni ri ní neza deche xtobi, biasi guní Isaías ora bidii diidxa de laatu, ⁸ 'CA BINNI DI RUSISACA CA NAA DE RUA´SI CA, HUAXA LADXIDÓ CA NUU ZITU DE NAA. ⁹ LAACA NEZASI RUSISACA CA NAA, TI LAACA RUSIIDI CA CASI NA BINNI GUIDXILAYÚ. ¹⁰ Ngue runi, bicaa be riidxi guiraa xixé binni que, rabi be laaca, la gucá diaga ne la guiéne, ¹¹ Cadi ni guiú ndani rua' tobi nga runi yuudxu la. Ni jmá jneza ni nga, ni ri ree ndani rua' tobi, nga nga runi yuudxu binni." ¹² Ora que ca discípulu guyee ca ra nuu Jesús ne gudxi ca be la':¿Nannu de que ca Fariseu bidxi'chi ca ora binadiagaca ca diidxa di la? ¹³ Jesús bicabi laacabe ne na:" Guiraa yaga ni Bixhoze ni nuu guibá que nudxiiba la? ziaxha ca ni. ¹⁴ La guixale de laacabe; que ru'ya ca be ra zizaa ca be. Pa ti ni que ru'ya zi zaa ne xtobi ni que ru'ya la? guiropa ca be ziaba ca be ndani ti guiru yú". ¹⁵ Pedru bicabi ne rabi be Jesús:" bisiidi laadu ejemplu ca." ¹⁶ Jesús gudxi laacabe:"¿De yanna caru guiene tu la? ¹⁷ ¿Cadi ru'ya tu guinticasi ni chee ndani rua' tu ridiidi ni ndani tu ne ri guiaba ni ra riga'chi ni na yuudxu la? ¹⁸ Huaxa ca ni ri ree de ndani rua' tu zaa ca ni de ndani ladxidó to. Ca ndi nga ni runi yu'dxu binni. ¹⁹ De ndani ladxidó tobi nga zaa ni nadxaba', ca guenda ruti', guenda riú né ni cadi xhela, cani ri ní ique chuu ne xhela binni, guenda riba'na, cani rindisa diidxa ni cadi dxandí lu guiá xtobi, ne guenda ruguu di'. ²⁰ Ca ndi nga ca ni runi yu'dxu tobi. Huaxa ora goo binni ne que quibi ná' la? que ziu'dxu di. ²¹ Ne ora que Jesús biree chu' de laacabe ne guyé guidxi xti Tiro ne Sidón. ²² Ra que', ti gunaa' Cananea biree ndani guidxi que. Laa' bizulú biguá riidxi ne na: ''Gu'pa xilase de naa, Señor, xiiñi David; xiiñe iza cayuniná binnidxaba lá.'' ²³ Huaxa, Jesús nin ti diidxa que niní. Ca discípulu xti be beeda ca ne bigá ca laabe ne na ca: "Gudxi laabe chee be, ti cayuni ru be riidxi nanda be laadu." ²⁴ Huaxa Jesús bicabi ne na: "Cadi bisenda di cabe Naa ra nuu tuuxa, ra nuu si ca dendxu ni biniti' ndani liidxi Israel.'' ²⁵ Huaxa gunaa' que bidxiiña ne bizuxiibi xa ñee be, ne na:"Señor, gucané naa." ²⁶ Laabe bicabi be ne naa be: ''Cadi xneza di guicaa tuuxa pan xti ca xiiñi ne gusabi ni lú ca bicu huini.'' ²⁷ Na gunaa' que: "Biasi, Señor, huaxa ca bicu huini la? roo ca' ca biguu ni riaba xana mexa xti xpixuana ca.'' ²⁸ Ne ora que Jesús bicabi ne gudxi laabe: "Gunaa', na rooba pe nga guenda runi cré xtiu'. Zaca ni casi culuí la'dxi lu ca."Ne xiiñi be que bianda oraque ca. ²⁹ Jesús biree de ra que' ne guyé gaxha de nisado' xti Galilea. Ne ora que gudxiba' be lu ti dani ne gurii be ra que'. ³⁰ Bidxiña xtale binni laabe; Bedané ca ni nachi'ta ñee, ni que ruuya, ni que riní, ni que gapa ná', binni ni que ri zaa ne xtale ni huará. Bichi'ña cabe laaca xa ñee Jesús, ne Laa bisianda laacabe. ³¹ Bidxagayaa guiraa ca binni que ora bi'ya ca cani que rin'i que caní ca, cani que rizaa que bianda ca, cani nachi'ta ñee que cana zaa ca ne cani que ruuya que cayuuya ca. Bisisaca ca be Diuxi xti Israel. ³² Jesús bicaa riidxi ca Discípulu xti ne rabi be laaca: ''Biaya' guiraa binni di, ti ma guzananda cabe naa chonna dxi ne que gaapa cabe xi goo' cabe. Que naya' dia' cué lacabe de rarí sin que goo' cabe, ti zaca' que zudii lacahui' laacabe ora ma zee cabe neza.'' ³³ Ca discípulu que rabi ca laabe: ''¿Paraa zanda guidxeladu' xtale pan, ni guya'na du guiraa binni di ndani ti desiertu casi ndi ya?'' ³⁴ Jesús gudxi laacabe: '' ¿Panda' pan napa tu? Na ca: " Gadxe, ne xtale benda huini.'' ³⁵ Ora que Jesús gudxi be guiraa ca binni que cuí ca layú que. ³⁶ Laabe gucuabe gadxe pan que ne ca benda que, biluxe bidii si be xquixe Diuxi la? , gundá be cani ne bidii be cani ca discípulu que. De laaca la? bidii cani guiraa ca binni que. ³⁷ Guiraa ca binni que gudó ca ne bidxa' ca. Ora que laacabe bitopa cabe ca nandahui' ni bia'na que, bichaa cabe gadxe dxumi. ³⁸ Cani gudó que la? bia' tapa bixhiapa nguiu', sin gunaa' ne xcuidi. ³⁹ Ora que Jesús gudxi be ca binni que chee ca ne Laabe la? zee be guidxi xti Magdala lú ti balaaga.