¹ Ca dxi que' Jesús zidiidi lu ti layú ni biaba biní dxi guenda riziila'dxi. Ca discipulu xtibe ma candaana ca ne bizulu ca gundadi ca ne gudoo ca. ² Huaxa ra ca Fariseu bi'ya ca ndi, gudxicabe Jesús: " Ma biiyu' la?, ca discipulu xtilu cayuni ca ni cadi ca lu ley xti Moises ga'ca dxi guenda riziila'dxi.'' ³ Huaxa Jesús gudxi laaca be: '' ¿Ca'ru guundatu' ni biini David, dxi laa bindaana ne ca xpinni ni nuu ne laa que la? ⁴ Laa biu' ndaani lidxi Diuxi ne gudoo guenda roo ni ma guyuu ndaaya, ni ca di jneza goo be nin ca cadi jneza di goo ca xpinni be, huaxa ca sacerdote si zanda goo ca ni. ⁵ ¿Ne que huayuundatu ni ca lu Ley xti Moises, ra caní de dxi guenda riziila'dxi ca sacerdote nuu ndaani yu'du que riziila'dxi di ca be ne que riguiba donda ique ca la? ⁶ Huaxa naa cayabe laatu nu Tobi rarí ni jma nandxó que yu'du di. ⁷ Ne pa ñannatu' xi rini' ndi' la?: NAA RACALADXE GUIÁ TU BINNI NE CADI CA MANI HUIINI RUUTITU', que nudxiiba tu donda ique ni que guzabi. ⁸ Ne Jesús Xiiñi Binni Guidxilayú nga Señor xti dxi guenda riziila'dxi. ⁹ Ne ra que ru Jesús biree de ra que ne guyuu ndani yu'du xti cabe ¹⁰ Ne ra que nuu ti nguiiu' nabidxi ti chu' ná'. Ca Fariseu gunaba diidxa ca' Jesús: ''¿Ñee jneza gusianda cabe dxi guenda riziila'dxi la?'' ti zacá gapa ca xi nee gudxiiba ca donda ique be. ¹¹ Jesús gudxi laacabe: ''¿Tu nguiu' ni nuu lade tu, pa ñapa' ti dendxu' si, ne pa dendxu di ñaba ndani ti guiru yú guizá guete' dxi guenda riziila'dxi, que nica lame ne nibee lame de ra que la? ¹² ¡Ñe cadi jma rizaca ti binni que ti dendxu' la?! Yanna la? biasi nga gaca jneza dxi guenda riziila'dxi.'' ¹³ Ne ra que ru Jesús gudxi nguiiu que: ''bisigaa ná'.'' Ne laa bisigaa ná' ne bianda ni casi ca xti chu' ná' be que ¹⁴ Ne ca Fariseu biree ca' ne yení' xtiidxa ca. Laaca cuyubi ca xi zanda guni ca ti gati be. ¹⁵ Ra Jesús beda ganna ndi, bixele be de raque'. Xtale binni zinanda Laabe ne Laabe bizianda be guira xixe ca. ¹⁶ . Laabe biinda be lú ca' cadi chigüi ca de Laabe ra nuu xtudxi binni, ¹⁷ Ti ma gaca' ni gunii profeta Isaias, ra na: ¹⁸ '' LAGUUYA, NI RUNI DXIÑA XTINE NI NAA GULIÉ; NI RUZIECHE LADXIDUÁ, NAA ZABAQUE ESPIRITU XTINE LUGUIA BE, NE LAABE ZIUI NE BE CA BINNI NI CADI JUDIU DE DXI GUZABA NÁ' DIUXI GUIDXILAYÚ. ¹⁹ LAABE QUE ZUCAA LÚ BE NE QUE ZUCAA BE RIDXI; NIN CA QUE ZUNADIAGA CA BE XTIDXI BE NDANI CA NEZA CA. ²⁰ LAABE QUE ZAGUZADI BE NIN TI NITE NI MA GUCA NA; LAABE QUE SUSUÍDI BE NIN Tl DO GUIRI NI CABEE GUXHU DEDE QUE LAABE GU'YA BE GACA NI JNEZA. ²¹ NE CA NI CADI JUDIU ZUNI CREE CA LAABE." ²² Malasi beda nee ca be ra nuu Jesús tobi ni que rinni ne ni que ru'ya, ti nuu binidxaba laa. Laabe bisianda be laa nee ni beda gudiini nga nguiu que biiya ne gunii ²³ Guira xixe binni que bidxagaya' ca ne naa ca': ''¿cadi Laabe nga xiiñi David la?'' ²⁴ Ra ca Fariseu binadiaga ca de guenda nandxó' di', na ca: ''Nguiu di que ribee di be binidxaba pa cadi ne xtidxa Belcebú, principe xti ca' binidxaba. '' ²⁵ Huaxa Jesús ma racabia be ni caní ique cabe ne rabi be laaca: ''Guira reinu ni guindaa saa ca la? ziaana xtubi ca ne ca binni guidxi ni guilá saa di la? que zandaa di. ²⁶ Pa binidxaba cue sa binidxaba la?, ma gundaa saa laca lá:¿Xhimodo guindaa reinu xtibe ya? ²⁷ Ne pa Naa nibee binidxaba lu lá Belcebú la?: ¿Ne tu xtidxa ribee ca ni riza nanda laabe ca binidxába ya? Nga runi, laaca gabi ca laatu pa jneza cayunitu'. ²⁸ Huaxa pa Naa ri bee binidxaba ne xtidxa espiritu xti Diuxi la?, guenda runi mandar xti Diuxi ma bedandá ra nuu tu. ²⁹ ¿Ne ximodo tobi zanda chuu ndani lidxi ti nguiu ni nadipa ne cuana be ni napa cadi naquiñe niru do' gundiibi be lá la? Ne laabe zabaana be cani napa ngue ra lidxi. ³⁰ Ni cadi nuu né naa la?, nudxii deche naa, ne ni que gacané naa la?, na'ca ni ruchechendase. ³¹ Nga runi, Naa cayabe latu, ca guenda ruche ne guenda riguu dí xti binni la? za xiá donda xti, huaxa guenda riguu dí Espíritu la? que za xiá di donda xti. ³² Ne tu tica laa gulaa diidxa Jesús la? za xiá donda xti. Huaxa tu tica laa gulaa diidxa Espiritu Santu la?, nga la? que za xiá di donda xti, nin ndani guidxilayu' di la?, ne ninca ni zeda ca. ³³ Pa gapu ti yaga cha'hui la? cuananaxhi cha'hui zudii ni, ne pa gapu ti yaga que iquiñe la? cuananaxhi que iquiñe zudii ni, ti ti' yaga la? zaca biá cabeni de ca cuananaxhi gudii ni. ³⁴ Laatu zaa tu de beenda, ti laaca naca ca nadxaba',¿ Ximodo ga ganda guinii tu diidxa naxhi ya? Ti ni nuu ndani ladxidó tobi nga riní. ³⁵ Binni nachahui la?, de ni jmá risaca ni nuu ndani ladxidó, ri bee guenda nacha'hui, ne binni ni nadxaba la? de ni jmá nadxaba ni nuu ndani ladxidó, ribe guenda nadxaba. ³⁶ Ne Naa cayabe laatu dxi gusaba ná' Diuxi binni guidxilayú la? laaca zabé rua' ca de ca diidxa ni que naquiñe ninii ca. ³⁷ Ti de ca diidxa ni guní ca zalá ca la? o guiana donda ique ca." ³⁸ Ngue runi caadxi de ca escriba ne ca fariseu bicabi ca be Jesús ne gunii ca: "Maistru, raca la'dxidu' guiduuyadu ti guenda nandxó xti lu. ³⁹ "Huaxa Jesús bicabi ne gudxi laaca be:" Laatu binni de yanna di ni nadxaba ne ni ruchee ne Diuxi cuyubi tu guuya tu ti guenda nandxó la?. Huaxa nin ti guenda nandxó que zuuya tu pa cadi ni biini si profeta Jonás. ⁴⁰ Ti casi ca Jonás guyuu chonna dxi ne chonna gueela ndaani benda ro' que la? zaqueca Jesús ziu chonna dxi ne chonna gueela ndani ladxidó guidxilayú. ⁴¹ Ca binni de Nínive ziasa ca dxi gusaba ná' Diuxi binni guidxilayú ne zugaani ca be donda ique binni de yanna di. Ti laaca bisaana ca guenda ruchee xtica ne xtidxa Diuxi ni yegüí ne Jonás laaca, ne la guuya, tobi ni jmá nandxó' que Jonás nga nuu rari'. ⁴² Gunaa xa ique xti neza guete ziasa dxi gusaba ná' Diuxi binni guidxilayú ne zugaani be donda ique binni nuu yanna di. Laabe beeda be de guidxi zitu ti gucadiagabe guenda nu xpiani xti Salomón, ne la guuya, ni jmá nandxó' que Salomón nuu rari'. ⁴³ Ora ti binidxaba' ma biree de ti binni, ridiidi ra nabidxi ne ruyubi ra guizila'dxi', huaxa cadi cadxela di'. ⁴⁴ Raque ru na: Zabigueta ralidxe' ra naa biree. Ne ra bigueta be la?, bidxelabe' yoo' que' ma biluuba ne ma nexhe chaahui'. ⁴⁵ Raque ru biree be ne bigueta né be xcadxe binidxaba jmá que iquiiñe' que laabe, ne guira ca reeda ca ne runi liidxi ca ra que'. Yanna modo gueeda guiluxe binni que la?, zaca be jmá que iquiiñe que dxi bizu lú be. Zacaca gueda guizaaca ca binni que iquiiñe nuu yanna di'." ⁴⁶ Lága Jesús cani' né ru guiraa binii que, ra que, jñaa be ne ca bi'chi be nuu ca raque, cuyubi ca guini' ne ca Laabe. ⁴⁷ Guyuu tu gudxi Laabe: "biiya jñoou ne ca bi'chi lu nuu ca rari' , cuyubica guini' ne ca Lii." ⁴⁸ Huaxa Jesús rabi be ni gudxi ni laa be que: "¿Tu nga jñaa ya? ¿ne tu nga ca bi'che ya?" ⁴⁹ Ne ra que biluí' ná' be ra nu ca discipulu xti be ne naa be': "¡laguuya, rarí' nuu jñaa ne ca bi'che! ⁵⁰ Ti tu ticasi laa ni guni ni na Bixhoze ni nuu guibá', laa nga naca bi'che, bizana ne jñaa."