¹ Ra Jesús biluxe bizidi ca chii ne chupa discipulu xti, Laabe bireebe de raque zeebe ziusiidibe ne zigüibe de xtidxa Diuxi ca guidxi xtibe. ² Yanna ra binadiaga Juan de ranu ndani lidxiguiiba que' de guiraa ni canayuni Cristu que', laabe bisendabe' ti didxa ne ca discipulu Xtibe que' ³ lagabi Laabe: "¿Lii nga ni guedaa ca' , o naquiiñe cuezadu xtobi laa? " ⁴ Jesús bicabi ne na: "Lachee ne la chitidxi Juan de ca ni cayuuyatu ne ni cayunadiagatu. ⁵ Ca ni nacheepa lú ma ruuya ca', ni nachi'ta ñee ma rizaa ca', ni napa lepra ma bianda ca', ca ni nacuaata diaga ca' ma runadiaga ca', ca ni ma guti' ribigueta ca' lu xquendanabani ca' ne ca ni que gapa gaxti' cacaa ca' diidxa nacubi xti Diuxi. ⁶ Ne guiaba ndaaya ni laa cadi guni Naa guirenda ñee ne guiaba ⁷ Casi pe biree ca' nguiu di ze ca', bizulú ca Jesús biuí ne guira xixe binni que de Juan: "¿Xhi yeguuya tu lu desiertu - ti nite biniibi' dxa'cha bi la? ⁸ Ne, ¿xi ndi ye guyatu' - ti ngiu' nacu' lari sicarú la? dxandi pe, canni racu' lari sicarú la? nabeza ca' ndaani lidxi ca rey. ⁹ Ne, ¿xi yeguuya tu - ti profeta la? A nja', ne zabe laatu, nacabe jma que ti profeta. ¹⁰ Laabe nga ni cá lu gui'chi: 'BIIYA, NAA CUZEENDA NI ZINEE XTIDXA SA NIRU LÚ LU' CUAQUI CHAAHUI NEZA TIDI LU.' ¹¹ De guidubi ladxidúa cayabe laatu, lade guiraa ca' ni gule de gunaa, guirutidi jma risaca que Juan Bautista. Ninsi ne nga ni huaxie' risaca ndani ra runi mandar Diuxi guibá' jma risaca que laabe. ¹² De dxi xti Juan Bautista ne de yanna, ra runi mandar xti Diuxi guibá' riasa tu rucalu la' ne ca nguiu nadxibalu' runica xtipa ne ricaa cani. ¹³ Cani guní' ca profeta ne cani cá lu Ley caní' cani xi chigaca dede dxi xti Juan. ¹⁴ Ne pa latu na tu guicaa tu ndi la?, laabe nga Elías, xa ni maca nexhe gueeda que. ¹⁵ Ni naya'ni diaga ra gunadiaga la?, gucá diaga chahui. ¹⁶ ¿Xi zanda gusaca ca binni nuu yanna di? Naca cabe casi xcui'di caguite ca ra luguiá, ribí ca ne rucá ridxi lisaa ca laca. ¹⁷ Ne ná ca: 'Laadu bixhidxi du gueere ti nuyaa tu, ne latu que niná tu nuyaa tu. Bixhidxi du saa gue'tu, ne latu que ñuuna tu. ¹⁸ Ti Juan cadi zeedatodi be ne cadi zeedaguedi be, ne laaca be naacabe: 'nuu ti binixhaba laabe'. ¹⁹ Xiñi Diuxi zeda yo ne zedaye' ne lacabe nacabe:'¡Laguya, Laabe nacabe ti Nguiu ni nalaa ne ti binnigüe', xhamigu Be cani ruquixhe bidxichi xti guidxi ne cani ruchee! huaxa guenda' nu xpiani ca rihuinni ni lu cani cayuni be ca'. ²⁰ Raquee' Jesús bizulu gudindene Be ca binni de ca guidxi ra labe ma biini be ca guendanandxó' xtibe que, ti laaca caru guibigueta ca de lu guendaruche xti' ca'. ²¹ "¡xhi gaca de lii Corazin! ¡xhi gaca de lii Betsaida! ti pa ñaca guira guendanandxó' ni guca luguiatu ñaca cani Tiro ne Sidon, laaca be de dxiqué ma nibi gueta caabe de lú guenda ruchee xticaabe ne lari ni naraya ne dee. ²² Huaxa zapa xpiabe jma Tiro ne Sidon que laatu dxi guzaba naabe binni guixdi layú. ²³ Lii Capernaum, ¿ ñeè rabu xou zusi zaca caabe lii guibá' la? co', lii la? zielu ndaani gabia; ti pa ndani guidxi sodoma ñaca guiraa guenda nandxó' ni guca luguia lu la?, guidxi ca ñuuru ni de yanna. ²⁴ Huaxa cayabe laatu jma cadi naná ziaba naa Sodoma que laatu'. ²⁵ De ca dxique Jesús guni': "naa rusisaca lii, Bixhoze, xaique xti guibá' ne guidxilayú, ti Lii bicaachi' lu ca ndi neza lú ca ni nuu xpiani ne ca ni nanna ne ca ni ca'ru guizidi la?, biluílu ca ni laaca, casi ca xcuidi ni nahuiini'. ²⁶ Ajá, Bixhoze, ti zaca biiyalu ni Sícaru. ²⁷ Guiraani Bixhoze nga bisigapa cani Naa. ne guiruti ru runibiaa Xiiñi pa cadi Bixhoze, ne guiruti ru runibiaa Bixhoze pa cadi Xiiñi, ne tutica laa guluiiladxi Xiiñi be güine de laabe. ²⁸ Lata' Ranuaa', guiraa ca ni ma bidxaga de guni dxiiña ne ca ni nua xtale xizaa , ne Naa zudiee laaca guizila'dxi ca. ²⁹ La chi nee' ayubu xtine ne la guiziidi de Naa, ti Naa nadúa ne nachahui ladxidúa, ne laatu zadxelatu guendariziiladxi dede ndaani ladxidó to. ³⁰ Ti ayubu xtine la? cadi nagana ni ne ni Naa uguaya laatu nasisi.