¹ Keli e palavra di Nhordes, diklaradu riba tera di Adraki y Damasku. Pamodi odju di Nhordes sta riba tudu umanidadi, y tanbe riba tudu kes dozi tribu di Israel. ² Es diklarason li tanbe e sobri Amati, ki se fin ta stendi ti Damasku, y sobri Tiru y Sidon, inbora es sta txeu sabidu. ³ Tiru idikifa pa el un fortaleza, y E djunta prata sima puera y oru puru sima lama di rua. ⁴ Odja! Nhordes ta ben tra, y distrui se forsa na mar; asi ta ser konsumidu na lumi. ⁵ Askelon ta odja-L y ta ser spantadu! Gaza tanbe ta ten grandi medu! Ekron, ses espetativa ta ser frustradu! Rei ta more na mon di Gaza, y Askelon ka ta bira un moradia! ⁶ Pirigrinu ta faze ses moradia na Asdodi, y orguliu di filisteus ta ser distruidu. " ⁷ Pamodi N ta tra bu sangi di se mon y ses injustisa di ses denti" Nton, es ta ser ristanti di povu pa nos Deus, sima un tribu na Juda, y Ekron ta bira sima jibuzeus. ⁸ "N ta akanpa na ridor di Nha tera, kontra forsa inimigu, pa ningen ka sai o entra; pamodi ninhun otoritariu ka ta pasa pa el. Purkuantu, gosi, N ta vijia riba Nha tera ku Nhas propi odju! ⁹ Izulta ku grandi aligia, o fidja di Sion! Izulta ku alegria, ó fidja di Jiruzalen! Pamodi bu Rei sta ben na bo, ku justisa, pa risgata-bu. El e umildi, y E ta ben muntadu na un jumenta, kria di un jumenta. ¹⁰ Nton N ta kaba ku karu di Ifrain y kabalu di Jiruzalen, y arku ta kabadu kual na gera; purkantu E ta pruklama pas pa nason, y Se duminiu ta ser di mar pa mar, y di riu pa fin di tera! ¹¹ Asi moda bo, pamodi sangi di Nha Aliansa ku bo, N ta liberta bus skravu di abismu sen agu. ¹² Nhos volta pa fortaleza, nhos skravu di speransa! Oji me N diklara ki N ta ristitui nhos dobradu, ¹³ purtantu N kurva Juda sima Nha arku. N intxi nha bolsa ku Ifrain. N mutiva bus fidju, Sion, kontra bus fidju, Gresia, y N faze na bo, Sion, sima spada di valenti!". ^{14 15} Nhordes ta parse pa es, y Ses flexa ta sai sima raiu! Pamodi nha Nhordes di Izersitu ta faze sopru y ta avansa sima tenpestadi ki ben di Teman. Nhordes di Izersitu ta ta bai difende-S, y es ta rabenta-S y ta derota kes pedra fundu. Nton, es ta bebe y ta grita sima omi moku ku vinhu, y es ta ser xeiu di vinhu sima basia, sima kantu di altar. ¹⁶ Nton, na kel dia, Nhordes, ses Deus, ta bai risgata-s; ta bira sima un ribanhu di Se povu, pamodi es ta ser sima joia di un kuroa, ta limia riba di tera. ¹⁷ Ton grandi e bu bondadi y ton grandi e bu beleza, des! Jovens ta florese sima sereal y kes mininasnsima vinhu dosi!