¹ Dipos, N vira y N labanta nhas odju, y N odja un pergaminhu ta bua! ² Anju fla pa mi: " Kuze ku sa odja?". N risponde: " N sa odja un pergaminhu ta bua, di vinti kutubelu di kunprimentu y des kutubelu di largura". ⁴ Nton, E fla-L: "Keli ke maldison ki ta sai pa tudu tera: tudu ladron ta spulsadu, sima maldison ki fladu, pa n ladu, y tudu kes ki faze juramentu falsu ta spulsadu ku basi na kel ki fladu, pa otu ladu, di akordu ku ses palavra. ⁵ Anju ki staba ta papia ku mi sai y fla-m: Labanta bus odjus y odja kuzas ki sa ta ben! ⁶ N fla: Kel-li é kuze? E rusponde: É un balai ki tini efa, ki sa ta ben. Kes-li é bus malvadeza riba di tudu tera. [Alguns verson antigu y na maioria di muderna ta traze "ses malvadeza". Testu ebraiku traze "bu odju", ma é anplamenti kunsideradu un eru] ⁷ Nton, tanpa di txunbu ki ta kubriba tradu di balai, y dentu di el staba un mudjer xintadu. ⁸ Anju fla: Kel é inpiedadi! Y e torna pu-l dentu balai, y pui riba bai abertu tanpa di txunbu. ⁹ N labanta nhas odju, N odja dos mudjer ta ben na nha direson, y bentu staba riba ses aza; es tenba azas sima azas di sigonha. Y es labanta balai na meiu di tera ku séu. ¹⁰ Nton, N fla pa anju ki staba ta falaba ku mi: Pa undi ki es sa ta leba balai? ¹¹ E fla-m: Pa kunstrui tenplu na tera di Sinar, pamodi, ora ki tenplu fika prontu; balai ta pudu na lugar ki sta priparadu pa el.