¹ Abri bus porta, Libanu, pa ki lumi kume bus madera! ² Nhos txora, arvi, pa arvi ki kai! Kel ki staba xeiu di grandeza es kaba kual! Nhos txora, arvi di Basa, kel floresta firmi bai di baxu. ³ Kes pastoris txora pamodi se gloria dje-s kaba kual! Kes lion ta grita, pamodi orguliu di riu Jordon sja distruidu! ⁴ Si ki Nhordes, nha Deus fla: "Sima un pastor, ta kuida di karneru distinadu pa abate! ⁵ (Kes ki kunpra-s, es ta mata-s y es ka ta dadu kastigu, y kes ki ta bende-s ta fla: 'Filis e Nhordes, pamodi N bira riku!' pamodi kes pastoris ki trabadja pa donu di kes karneru ka ten pena des.) ⁶ Pamodi gosi N ka ta ten pena di moradoris di tera! si ki diklara Nhordes. Odja! Ami me N sta pa ntrega kada un na mon di se prosimu y na mon di se rei, y es ta distrui tera, y N ka ta libra ninhun des." ⁷ Asi, N ta fika pastor di kes karneru pa abati, pa kes ki ta kunpra kes karneru. N toma dos xikoti; un N txoma "Grasa" y otu di "Unidadi." E si ki N djobi nhas karneru. ⁸ Na un mes, N kaba ku kes pastoris. N perdi paxenxa ku es, y es odia-M. ⁹ Nton, N fla kes donu: "N ka ta trabadja mas pa nhos sima pastor. Kes karneru ki sa ta mori, dexa-s mori; kes karneru ki sa ta distruidu, dexa-s ser distruidu. Nhos dexa kes restanti di karneru kume karni di se prosimu." ¹⁰ N toma xikoti txomadu "Grasa" y N kebra-L pa kaba ku aliansa ki N faze ku tudu nhas tribu. ¹¹ Na kel dia, es kaba ku aliansa, y kes ki ta kunpra karneru, y kes ki staba ta vijia-M, es fika ta sabi ma era palavra di Nhordes fla. ¹² Ami N fla-U: "Se bon pa bo, paga nha salariu. Ma si nou, ko faze kela." Nton es peza nha salariu (trinta mueda di prata). ¹³ Nton, Nhordes fla-M: "Pui kel prata na kel tisoru, pamodi kel bon presu la e bali!" Asi, N pega kes trinta mueda di prata y N poi na tisoru di Kaza di Nhordes. ¹⁴ Nton, N kebra nha sugundu vara, "Unidadi," pa kebra nha irmandadi entri Juda y Israel. ¹⁵ Nhordes fla-M: Pega otu bes kel matirial di pastor ki ka bali pa bo, ¹⁶ pamodi, odja, N sta ben pui na tera un pastor. E ka ta kuida di karneru perdidu, ka ta djobi karneru perdidu, nen ka ta kura karneru manku. E ka ta da kumida pa karneru forti, ma e ta kume karni di karneru gordu, y E ta ratxa-s ti ses pata. ¹⁷ Koitadu di pastor, ki ka ta sirvi, ki ta larga ses animal! Ki spada kai riba se brasu y riba se odju ndreta! Ki se brasu seka y ki se odju ndreta fika segu!"