¹ Keli e diklarason di palavra di Nhordes ki ta fala di Israel - un diklarason di Nhordes, ki stendi seu y pui fundamentu di tera, ki forma spritu di omi dentu de-L: ² "Odja! N sta na pontu di faze Jiruzalen un kalisi di tontura, ta leba tudu povu pa serkadu y mudadu na se volta. Tanbe ta ser asi pa Juda duranti serku di Jiruzalen. Na ³ kel dia, N ta faze di Jiruzalen un pedra pizadu pa tudu povu. Kenha ki labanta es pedra, ta maxuka txeu, y tudu nason di tera ta djunta kontra kel sidadi. ⁴ Na kel dia - keli e diklarason di Nhordes -, N ta da golpi na tudu kabalu ku medu y kada kabaleru ku furia N ta ben odja pa kaza di Juda; n ta da golpi tudu kabalu di izersitu ku segera. ⁵ Nton, lideris di Juda ta fla na ses kurason: 'Moradoris di Jiruzalen e nos forsa pamodi Nhordes di Izersitu, Deus des'. ⁶ Na kel dia, N ta ben faze ku kes lideris di Juda ta bira sima braseru na meiu di madera y sima toxa ki ta kema na gron, pamodi es ta konsumi tudu povu vizinhu na se ndreta y na se skerda. Jiruzalen ta volta vivi na se propi lugar". ⁷ Nhordes ta salva prumeru tenda di Juda, pa ki onra di kaza di Juda y onra di kes ki vivi na Jiruzalen ka ta ser maior di kes di restanti di Juda. ⁸ Na kel dia, Nhordes ta bira difensor di moradoris di Jiruzalen, y na kel dia kes ke fraku entri es ta bira sima Davi, inkuantu kaza di Davi ta bira sima Deus, sima anju di Nhordes dianti des. ⁹ "Na kel dia, N ta kumesa distrui tudu nason ki ta ben kontra Jiruzalen; ¹⁰ ma, N ta dirama un spiritu di konpaxon ku suplika na kaza di Davi y na moradoris di Jiruzalen, pa kes odja pa Mi, Kel ki es firi-L. Es ta ben txora pa mi, sima ke sa txora pa un fidju uniku; y es ta txora amargamenti pa El sima kes ki ta txora pa morti di fidju mas grandi. ¹¹ Na kel dia, kes txoru di Jiruzalen ta bira sima txoru di Adadi-Rimon na planisi di Mejidu. ¹² Tera ta txora, tribu a parti di kunpanheru. Kel tribu di kaza di Davi a parti di ses sposas ta ben sta siparadu di omis. Tribu di kaza di Nata a parti y ses sposas ta ben sta siparadu di omis. ¹³ Tribu di kaza di Livi a parti y ses sposas ta ben sta siparadu. Tribu di Simion a parti y ses sposas ta ben sta siparadu di omis. ¹⁴ Kada tribu di tribus ristanti, kada tribu a parti y ses sposas ta ben sta siparadu di omis".