1 Kantu ki muru tirmina y N pui portas na lugar, y porteirus, kantoris y livitas numiadu; 2 N da nha irmon Anani kontroli riba Jiruzalen, djuntu ku Ananias ki era xefi di fortaleza, pamodi era un ómi fiel y ki ta temeba Deus mas di ki monti. 3 Y M fla-s: Ka nhos abri portons di Jiruzalen ti ki sol kema. Timenti porteirus sta di guarda, nhos pode fitxa porta y inpidi entrada. N dizigina guarda di kes ki ta mora na Jiruzalen, alguns na se postu di guarda y otus na frenti di ses propri kaza. 4 Sidadi era anplu y grandi, ma tenba poku algen na el y ninhun kaza ka staba kunstruidu inda, 5 Nha Deus pui, na nha kurason, di djunta nobris, ofisiais y povu pa rejistra-s di akordu ku ses familia. Y N atxa livru di jinealojia di kes ki voltaba prumeru y na livru N atxa skrebedu asi: 6 Kel-li é povu di pruvinsia ki sai di kativeru, ki Nabukodonozor, rei di Babilonia, leba pa izíliu. Es volta pa Jiruzalen y Juda, kada un pa se sidadi. 7 Es ben ku Zorobabel, Jezua, Neemias, Azarias, Raamias, Naamani, Mardokeu, Bilsan, Mispereti, Bigivai, Neun y Baana. Númeru di ómis di povu di Israel inkluiba: 8 disendenti di Paros, dos mil y sentu y sasenta y dos; 9 disendenti di Safatias, trezentu y stenta y dos; 10 disendenti di Ara, seisentus y sinkuenta y dos; 11 disendenti di Paati-Muabi, pa meiu di disendensia di Jezua y di Juabi, dos mil y oitusentus y dizoitu; 12 disendeti di Elon, mil y duzentus y sinkuenta y kuatu; 13 disendenti di Zatu, oitusentus y kuarenta y sinku; 14 disendenti di Zakai, setusentu y stenta; 15 disendenti di Binui, seisentu y kuarenta y oitu; 16 disendenti di Bebai, seisentus y vinti y oitu; 17 disendenti di Asgadi, dos mil trezentus y vinti y dos; 18 disendenti di Adonikon, seisentus y sasenta y seti 19 disendenti di Bigivai, dos mil y sasenta y seti; 20 disendenti di Adin, seisentus y sinkuenta y sinku; 21 disendenti di Ater, di Izekias, noventa y oitu; 22 disendenti di Azun, trizentus y vinti y oitu; 23 disendenti di Bezai, trizentus y vinti y kuatu; 24 disendenti di Arifi, sentu y duze; 25 disendenti di Gibeon, noventa y sinku; 26 ómis di Belen y di Netofa, sentu y oitenta y oitu. 27 ómis di Anatoti, sentu y vinti y oitu; 28 ómis di beti-Asmaveti, kuarenta y dos; 29 ómis di Kiriati-Jiarin, Sefira y Beeroti, setusentus y kuarenta y tres; 30 ómis di Rama ku Geba, seisentus y vinti y un; 31 ómis di Mikimas, sentu y vinti y dos; 32 ómis di Betel ku Ai, sentu y vinti y tres; 33 ómis di otu Nebu, sinkuenta y dos; 34 povu di otu Elon, mil duzentus y sinkuenta y kuatu; 35 ómis di Arin, trizentus y vinti; 36 ómis di Jeriko, trizentus y kuarenta y sinku; 37 ómis di Lodi, Adidi y Onu, setusentus y vinti y un; 38 ómis di Senaa, tres mil novisentus y trinta. 39 Saserdotis: disendenti di Jedaias (di kaza di Jezua), novisentus y stenta y tres; 40 disendenti di Imer, mil y sinkuenta y dos; 41 disendenti di Pazur, mil duzentus y kuarenta y seti; 42 disendenti di Arin, mil y dizaseti. 43 Livitas: disendenti di Jezua, pa meiu di Kadimiel, di disendensia di Binui y di Odeva, stenta y kuatu [Na lugar di "disendensia di Binui y di Odeva", alguns verson mudernas ta adota "disendensia di Odeva".] 44 Kantoris: disendenti di Azafi, sentu y kuarenta y oitu. 45 Porteirus di disendenti di Salun, disendenti di Ater, disendenti di Talmon, disendenti di Akubi, disendenti di Atita, disendenti di Sobai, sentu y trinta y oitu. 46 Servus di tenplu: disendenti di Zia, disendenti di Azufa, disendenti di Tabaoti, 47 disendenti di Keros, disendenti di Sai, disendenti di Padon, 48 disendenti di Lebana, disendenti di Agaba, disendenti di Salmai, 49 disendenti di Anan, disendenti di Gidel, disendenti di Gaar; 50 disendenti di Reaías, disendenti di Rezin, disendenti di Nekoda, 51 disendenti di Gazon, disendenti di Uza, disendenti di Pazeia, 52 disendenti di Bezai, disendenti di Meunin, disendenti di Nefuzezin; 53 disendenti di Bakebuki, desendenti di Akufa, disendenti di Arur, 54 disendenti di Basliti, disendenti di Meida, disendenti di Arsa, 55 disendenti di Barkus, disendenti di Sízera, disendenti di Tama, 56 disendenti di Nezias, disendenti di Atifa. 57 Disendenti di servus di Salumon: disendenti di Sotai, disendenti di Sofereti, disendenti di Perida, 58 disendenti di Jaala, disendenti di Darkon, disendenti di Gidel, 59 disendenti di Sefatias, disendenti di Atil, disendenti di Pokireti-Azebain, desendenti di Amon. 60 Tudu servus di tenplu y disendenti di servus di Salumon, era trizentus y noventa y dos. 61 Kes-li é kes ki ben di Tel-Mela, Tel-Arsa, Kerubi, Adon y Imer, ma es ka pode prova ki es o ses antipasadus era disendenti di Israel: 62 disendenti di Delaías, disendenti di Tubias y disendenti di Nekoda, seisentus y kuarenta y dos. 63 Y di saserdoti: disendenti di Obaías, di Akos y Barzilai, ki toma pa ser se spoza un di kes fidja di Barzilai, kel gileadita, y pasa ta ser txomadu pa se nomi. 64 Kes-li buska ses rejistru na meiu di kes ki rejistradu di akordu ku se jenialojia, ma ka atxadu, y purisu es tradu di saserdosiu pamodi es atxadu inpuru. 65 Y guvernador fla-s ki es ka debe ser otorizadu pa kume partt di kumida dentu si sakrifisiu ki ta dadu pa saserdotis, ti ki labantadu un saserdoti ku Urin y Tumin. 66 Tudu asenbleia ki staba djuntadu era kuarenta y dos mil trizentus y sasenta, 67 alen di ses servus y di ses servas, ki era seti mil trizentus y trinta y seti. Es tenba duzentus y kuarenta y sinku kantoris ku kantoras. 68 Es tenba setusentus y trinta y seti kabalus; duzentus y kuarenta y sinku mulas; 69 kuatusentus y trinta y sinku kamelus y sais mil setusentus y vinti jumentus. 70 Algusn xefis di kes familia paterna da oferta pa obra. Guvernador da pa tizoraria mil dárikus di oru, sinkuenta basia y kinhentus y trinta bistidon saserdotal. [Testu ebraiku rejistra "trinta bistidon saserdotal", ma é difisil di intende. Maioria di verson muderna ta adota "kinhentus y trinta bistidon saserdotal". Ma, alguns ta sujeri le sima "trinta bistidon saserdotal y kinhentus minas di prata"]. 71 Alguns di xefis di kes familia paterna da pa tizoraria di obra vinti mil dárikus di oru y dos mil y duzentus minas di prata. 72 Restu di povu da vinti mil dárikus di oru, dos mil minas di prata y sasenta y seti bistidon saserdotal. 73 Saserdoti, livitas, porteirus, cantoris, alguns di povu, servus di tenplu y tudu Israel, es stabelese na ses sidadi. Na sétimu mes, povu di Israel staba instaladu na ses sidadi.