¹ Nta sta na nha postu di vijia y N ta toma pozison na tori di guarda, y N ta observa ku atenson pa N hodja kuze ke ta fla-m, y modi ki N debi aji ku nha kexa. ² Nhordes responden y e fla-m: " Grava vizon, y skrebi karamenti na tabuas pa kenha ki pasa ta kori pa le. ³ Pamode vizon inda e pa futuru, y el ta prunusia na fin, y e ka ta fadja. Si krê e atraza, spera-l! Pamode, ku serteza, el ta ben e ka ta tarda ⁴ Odja! Kes ki deseju e ka kuretu e arogante; Ma kel justu ta vivi pa se fe. ⁵ Sima vinho e traidor, omi aroganti ka ta permanesi. Se ganansia sima morti, ki nunca kasta satisfeitu. E ta djunta pa el tudo nasons y e ta kodji pa el tudu povu. ⁶ Por akazu, es ka ta kria tudo es un kuza pa trosa kuel y um musica de txokota kontra el, y es ta fla: " Ai di kel ki ta akumula kuze ki ka di sel. Pamode ti ki tempo nhos ta akumula garantia, kuze bu tem tomadu? ⁷ Por akasu, es kata labanta di repenti kes ki ta mordeu, e ta disperta kes ki ta po-u medu? Bo bu ta torna un vitima pa es!. pamode bu roba munti nasons, tudu restanti di povu ta roba-u. ⁸ Pamode bu derama sangi umanu y bu aji ku violensia kontra tera, kes sidades e tudu ses abitantis. ⁹ "Ai di kel ki kubisa ganhu dizonestu ne se kaza, a fin di pui si ninhu na altura pa fika siguru na mon de mal!" ¹⁰ Bo bu planeja mal pa bu kaza, pamode bu limina munti alguen, e bu peka bo me. ¹¹ Pamode kes pedras ta klama na paride, e kes viga di madera ta responde-s: ¹² Ai di kel ki ta labanta un sidade ku sangui, i ki ta stablesi um vila ku maldadi! ¹³ Kata ben di Nhordes di ezersitu ki povus trabadja pa fogu ki tudo ôtus nasons kanta en von? ¹⁴ Mesmo asi, tera ta ser xeiu de konhesimentu di gloria di Nhordes, sima água ta kubri mar. ¹⁵ "Ai di kel ki ta insentiva si kunpanheru a bebe, Bo ke ta aumenta bu ira, y pu-s fika moku pa podi odja se nunpriti!" ¹⁶ Bu ta ser xeiu di vergonha, in ves de gloria. Gosi e bu ves! Bebe, y bu ta mostra bu insirkunsizon! Kel kalise di mon direita di Nhordes ta passa pa bo y disgrasa ta kubri bu gloria. ¹⁷ Kel violensia ki fazedu pa Líbanu ta ben kubriu, y distuison di limarias pa spanta-ua pamode bu derama sangui umanu y bu aji ku violensia kontra tera, kontra sidades, y kontra tudu ses moradores. ¹⁸ Ki proveitu ten kil imagen di madera pa bo? Pamode kel ki faze-l o kenha ki ta molda imagen de fero fundido, e un pursor di mintiras; pamode el kunfia na obra di se propi mon, oras ke faze kes deuses mudus. ¹⁹ "Ai di kel ki fala pa medera: disperta! o pedra mudu: labanta! Por akasu es kuzas ta inxina? Odja, sta kubertu di uru y di prata, mas nes kasta folgu nenhun. ²⁰ Mas, Nhordes na se santu templu! Ki tudu tera ta kala diante del.