¹ Kenha ki é un ómi sabidu? Kenha ki sabe kuze ki iventus di vida siginifika? Sabiduria na un ómi ta faze se rostu brilha, y se rostu runhu muda. ² N ta konsedja-u pa bu obidese ordi di rei, trokadu di juramentu ki bu faze dianti di Deus di pruteje-l. ³ Ka bu ten presa di sai di se prizensa y ka bu apoia kuza mariadu, pamodi rei ta faze kuze ki e ta dizeja. ⁴ Palavra di rei é suberanu; Nton kenha ki ta fla-l: Kuze ki bu sa ta faze? ⁵ Kenha ki ta guarda mandamentu di rei ta ivita danu. Kurason di un ómi sabidu ta konxe direson sertu y tenpu izatu pa aji ⁶ Pa tudu purgunta ten un rusposta y un tenpu sertu pa rusponde-l, pamodi difikuldadis di ómi é grandi. ⁷ Ningen sabe kuze ki ta ben dipos. Kenha ki ta konta-l kuze ki sta pa ben? ⁸ Ningen ta kontrola se respirason ti pontu di faze-l kaba, [Alguns verson ta traze: "Ningen ta kontrola bentu, di forma pa faze-l kaba"] y ningen ten puder sobri dia di se morti. Ningen ta tradu di izersitu duranti un gera, y maldadi ka ta salva kes ki é ses skravu. ⁹ N odja tudu kel-li, y N aplika nha kurason na tudu tipu di trabadju ki ta fazedu dibaxu di sol. Ten un tenpu oras ki un pesoa ta oprimi kelotu pa se propi nfilisidadi. [Alguns verson mudernu ta traze: "pa se nfilisidadi" (di algen ki ta sufri opreson). Testu ebraiku pode ser nterpretadu di es dos forma.] ¹⁰ Nton, N odja matansa publiku di kes maus. Es tradu di lugar santu, matadu, y izaltadu pa algen di sidadi undi es rializa obra mariadu. Keli tanbe kabali. [Alguns verson mudernu ta traze otu konprenson des difisil virsikulu: "N odja algen mou ta bai ta ben pa lugar santu. Es ta fala ku orguliu sobri kuzas ki algen mou fazeba na sidadi. Keli tanbe kabali." Otus verson ta traze: "N odja algen mou ta bai ta ben pa lugar santu. Es lovadu na sidadi pa kuzas kes faze. Keli tanbe kabali."] ¹¹ Ora ki un sentensa kontra un krimi runhu y ka kabadu kua-L faxi, keli ta induzi kurason di ser umanu pa faze mal. ¹² Mesmu ki un pekador faze mal mas di sen bes, y vivi pa txeu tenpu, N sabe ma kuzas ta kore dretu pa kes ki ta ruspeta Deus, ki ta onra Se prizensa ku es. ¹³ Ma é ka si pa ómi runhu; se vida ka ta ser prolongadu. Ses dia ta ser sima sonbra pasajeru pamodi e ka ta onra Deus. ¹⁴ Ten otu kuza sen xintidu ki ta kuntise na tera. Kuze ki ta kuntise ku algen justu tanbe ta kuntise ku njustu, y kuze ki ta kuntise ku algen njustu ta kuntise ku algen justu. N ta fla nhos ki kel-li tanbe é iluzon. ¹⁵ Purtantu, N ta rekumenda filisidadi, pamodi ka ten kuza midjor pa un ómi dibaxu di sol di ki kume, bebe y ser filis. É filisidadi ki ta kunpanha-l na se trabadju pa tudu dia di se vida, ki Deus ten dadu pa el dibaxu di sol. ¹⁶ Kantu N dikika nha kurason pa konxe sabiduria y ntende trabadju ki ta fazedu na tera, ki é senpri, sen diskansu pa odju di noti o di dia, ¹⁷ N kunsidera tudu obras ki Deus faze, y ki ómi ka ta pode ntende trabadju ki ta fazedu dibaxu di sol. Ka ta nporta kantu bes ki un ómi ta trabadja pa atxa rusposta, sime e ka ta atxa-s. Sikre un ómi sabidu kridita ma e konxe, na verdadi, e ka konxe.