¹ Ak kiguut iriambunyi malaikaiyatab mut. Ak kiogeer kekeliet ne kibunu kipsengwet ko kakobutyi ng’weny. Ak kigigochi inendet yateiywot ne bo kebenet ne lo missing amatinye let. ² Ak kiyaat kebenonoto matinye let, ak kilany iyeto komong’une kebenonoto, ne u iyeto ne bo mat ne o missing. Ak koimenit asista ak soet amu iyetab kebenonoto. ³ Ak kimong’une chereng’enyinik iyeto kobwa ng’weny, ak kigigochi ichek kimnatet ne u ne bo takolikab ng’ony. ⁴ Ak kiging’at icheket komang’em suswekab ng’weny anan ko kiy age tugul ne nyalil anan ko ketit age tugul, ago bichoto ichegei che kimatinye ng’oksetab Jehova eng’ togochikwai. ⁵ Ak kiging’at icheket keleji amat kobar bichoto, ago si kobiit konyalil icheket arawek mut. Ak ki u kanyalileng’wai kanyalitetab takoliet, yo kasus chito. ⁶ Ak tun cheng’e biko meet eng’ betusiechoto ako mogoi nyor. Isori biko ko machei komeiyo, ak komweei meiyat eng’ icheket. ⁷ Ak ki u itonwekab chereng’enyisiechoto mbartanyisiek che chobotin koba boriet. Ak ki u yo mi metowekwai kutwesiekab tahabu ak togochikwai ko kigerge ak togochikab biko. ⁸ Ak kitinye sumeek che u sumeekab chepyoso, ak ki u kelekwai kelekab ng’etunyik. ⁹ Ak kitinyei garik che kiilaakyini teget ko u che bo karnok; ak ki u cheetab kebebaikwai cheetab karisiek che bo mbartanyisiek che chang’ che ruaei kobendi boriet. ¹⁰ Ak kitinye saruraik che u che bo takolaik; ak eng saruraikwai ko kitinye kimnatet kosus biko eng’ arawek mut. ¹¹ Ak kitinye icheket laitoriat ne bou, noto ko malaikaiyatab kebenet ne mang'ete let. Ne kainenyi eng’ kutitab Hebranik ko abnandon, ak eng yunanik ko Apollyon. ¹² Kagosiirto bwo ne bo tai. Okeer anyun! Ye ibata kobwanii nyasutik alak aeng’u. ¹³ Ak kiguut malaikaiyatab lo iriambunyi, ak kiagas tuget ne mongune kuinoikab kapkorosutab tahabu ne mi taitab Jehova, ¹⁴ komwachini malaikaiyandanato bo lo, ne kitinye iriambut, kolech, "Itiach malaikaisiek ang’wan che ratotin eng’ ainet ne o ne bo Euphrate." ¹⁵ Ak kigitiach malaikaisiechoto ang’wan, che kiga kechob ogobo kasarata, ak betut, ak arawet, ak eng kenyinoto ketiach kobar kebebertab agenge eng’ somok ne bo biko. ¹⁶ Ak kiek koitetab askarikab luget che kikalany mbartanyisiek 200,000,000. Ak kiagas koitengwai. ¹⁷ Ak kiageer anyun ko u noto mbartanyisiek eng ng’ang’utiet ak icheget che kikete: Kokitinye garik che kilaakyini tegetik che u mat, ak che u haukinto ak che songi ko u koik che laldos. Ak ki u metowekab mbartanyisiek metowekab ng’etunyik, ak komong’une kutuswekwai mat, ak iyeto, ak koik che laldos. ¹⁸ Ak kibar tiong’ichu somogu kebeberta agenge eng somok ne bo biko, eng’: mat, iyeto ak eng’ koik che laldos che kimong’une kutuswekwai. ¹⁹ Amu kimi kimnatetab mbartanyisiechoto kutuswekwai, ak saruraikwai-- amu kikergei sarurikwai ak erenok, amu kitinye metowek che kisuse biko kot konyor mook. ²⁰ Ak biko che king’et , che kima kibar eng’ korotwechoto, ko mosig eng' boisionikab eunekwai si ma ta kosa oik ak kanamonikab tahabu, ak che bo feda, ak che bo sugunonik, ak che bo koik, ak chebo ketik---tuguk che maimuchi kogeerto, anan kogasta anan kobendat. ²¹ Amasik eng rumisiosiekwai, anan eng’ banitwogikwai, anan eng sokseng'wai, anan eng chorsosiekwai.