¹ Ak ye kingoyaat ng’okset ne bo tisab, kosis kipsengwet kasarta ne legit kebebertab sait. ² Ak kiageer malaikaisiek tisab che kitonondos eng’ taitab Jehova, ak kigigochi kiriambusiek tisab. ³ Ak kicho malaikayat age, konyo kotonone ole bo kapkorosut, kotinyei teret ne bo tahabu; ne kibelee nyamdutik. Ak kigigochi nyamdutik che chang’ che kibeele, si kotese sautikab che tililen tugul chebo Jehovah eng’ kapkorosutab tahabu, ne kimi taitab ng’echeretab laitornatet. ⁴ Ak kitogosta iyetab nyamdutik che kibeelei---koboto sautikab biko che tililen, eng taitab Jehova ak eng’ eutab malaikayat. ⁵ Ak kiib malaikaiyat teronoto ak konyiit matab kapkoros konyi. Ak kowirji ng’weny, ak kibiit tulosiek, ak kutuswek ak kalyelosiek, ak kiprengreng'iet. ⁶ Ak kipchopgei malaikasiek tisabu che kitinyei kiriambusiek tisab si koguut. ⁷ Ak kiguut malaikayat ne bo tai, ak kibiit koikab ropta ak mat, che ing'olotin ak korotik. Ak kigiwirji ng’weny; ak kilal kebeberta agenge eng somok ne bo ng’weny, ak kilal kebererta agenge eng somok ne bo ketiik, ak kilalyo suswek tugul che nyalilen. ⁸ Ak kiguut malalikayatab aeng’ ak kigiwirji anaraita kit ne u tulwet ne o kolalei. Ak kiek korotik kebeberta agenge eng’ somok ne bo araraita, ⁹ ak kimeiyo kebeberta agenge eng’ somok ne bo tiong’ik che kimi araraita che ki saptos, ak kiging’em kebeberta agenge eng’ somok ne bo melisiek. ¹⁰ Ak kiguut malaikaiyatab somok, ak kirorok kokeliet ne o kobun barak, kolalei ko u torchit, ak kiibutyi keberta agenge eng’ somok ne bo ainosiek. ¹¹ Kigiguure kainetab kokelienato ng’wanindo. Ak king’waniit kebeberta agenge eng’ somok ne bo beko, ak kimeiyo biko che chang’ eng’ beechoto, amu kiga kiyai kong’wonegitu. ¹² Ak kiguut malaikaiyatab ang’wan iriambunyi, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet ak kebeberta agenge eng’ somok ne bo kokelik. Ak koimenit kebeberta agenge eng’ somok ne bo tuguchoto, ama lapkeit betut eng’ kebeberta agenge eng’ somok ak kebebertab somok ne bo kemout ko kima kotinye lapkeiyo age tul. ¹³ Ak kiageer, chepsireret ne kitirireni eng’ eng barak ak agas kolen eng’ kutit ne o, "Bwo bwo, bwo, agobo Icheket che menye ng’weny, amu cheosiek alak che bo iriambusiek che bo malaikaisiek somok che ta koguutei."