¹ Kingobata nito ageer malaikasiek ang’wan kotonondos eng’ luukwek ang’wan che bo ng’weny, konamei koristo ang’wan che bo ng’weny, si mata kousyi usonet ng’weny, anan araraita, anan ketit age tugul. ² Ak kiageer malaikayat age komong'u kobun kong’asis, kotinye ng’oksetab Jehova ne sobei. Kiguur malaikaisiek ang’wan eng’ tuget ne o, che kigigochi kong’em ng’weny ak araraita: ³ Koleji, "Among’em ng’weny, anan araraita , anan ketiik, agoi kindene ng’okset togochikab kiboitinikab Jehova nenyo." ⁴ Ak kiagas koitetab icheget che kiging’och, ko kiek elfusiek bogol ak artam ak ang’wan, che kiging’och eng oret age tugul ne bo legukab Israel: ⁵ kiging’och elfusiek taman ak aeng’ che bo oretab Juda, ak kiek che bo oretab Reuben elfusiek taman ak aeng, ak kiek che bo oretab Gad elfusiek taman ak aeng, ⁶ ak kiek che bo oretab Aser elfusiek taman ak aeng, ak kiek che bo oretab Naptali elfusiek taman ak aeng, ak kiek che bo oretab Manase elfusiek taman ak aeng, ⁷ ak kiek che bo oretab Simeon elfusiek taman ak aeng, ak kiek che bo orethab Lawi elfusiek taman ak aeng, ak che bo oretab Isaker elfusiek taman ak aeng, ⁸ ak kiek che bo oretab Sebulun elfusiek taman ak aeng, ak kiek chebo oretab Josep elfusiek taman ak aeng, ak kiging’och che bo oretab Benjamin elfusiek taman ak aeng. ⁹ Kingobata tuguchu, ageer anyun, tuiyet ne o ne kima komuchi chii koiit--che bunu bororiet age tugul, oret age tugul, kutuswek tugul- kotonondos eng taitab ng’echeterab litornatet ak eng’ taitab Aruet. Kilaachi ngoroik che koen ako leelach, ak Kotinye temenikab sosik eng’ eunekwai, ¹⁰ ak kibarostoi eng’ kutit ne o, Kole: "Bo Sarunet Jehova nenyo ne tebe ng’echeretab Laitornatet, ak ko bo Aruet." ¹¹ Ak kitonondos malaikaisiek tugul ko kaimuut ng’echeretab Loitornatet, ak boisiek, ak tiong'ik ang’wan che saptos, ak kiibutyi ng'weny eng taitab ng’echeretab Laitornatet. Ak kolos Jehova, ¹² kolen, "Amen! Bo Jehova nenyo kolosunet, ak torornatet, ak ng’omnatet, ak kongoi, ak tegisto, ak kamuktaet, ak kimnatet, koigeny ak koigeny! Amen!" ¹³ Ak kitebena agenge eng’ boisiek, kolejo, "Chu ilaachi ngoroik che leelachen, ko ng’o, ak kobunu ano? ¹⁴ Ak kiawolji inendetn aleji, "Kiptaiyandeni, ingen inye," kolecho anyun, "Chu ko icheket che bunu nyalilda ne o. Ak kigoun ngoroikwai koleelagitu eng’ korotikab Aruet." ¹⁵ Amu nito anyun, komi icheket taitab ng’echeretab laitornatet ne bo Jehova; ak koboisiechini inendet bet ak kemoi eng’ hekalunyi. Ak koiitoi inendet ne tebe ngecheretab laitornatetab emainnyi eng’ baragung’ wai. ¹⁶ Ma kogasei rubet kogeny, ama koamei melelda kogeny. Makobeelei ichekt asista, ama kobelei icheket mat age tugul. ¹⁷ Amu egu mestowong’wai Aruet ne mi kwenutab ng’echeretab laitornatet, ak kondochini icheket koba konyekab beko che saptos, ak kobukchi Jehova beekab kong alak tugul eng’ konyekwai."