¹ Ak kiageer kaborunet age eng kipsengwet, ne o ak ko bo kwang'ut: Kimi malaikaisiek tisabu che tinye korotwek tisab, choto ko korotwek che bo let, amu kitoree choto neregekab Jehova. ² Ak kiageer kito ne ki u araraita ne o ne u glasit ne ing'olat ak mat. Ak kotonondos eng tabandab araraita ko ki icheget che kiga koterter tiondo ak kanomwenyi ak koitetab kainenyi. Kitinye icheket kibukandisiek che kigochini icheket Jehova. ³ Ak kitiensot icheket tiendab Musa, kiboityotab Jehova, ak tiendab Aruet: Kolen, " Eechen ak ko bo kwong'ut boisioniguk, ee Kiptaiyat Jehovah, Kamukitaindet. Bo imanda ak kobo iman ortinweguk, inye Laitoriatab bororiosiek. ⁴ Tos ng'o ne ma iywein inye Kiptaiyat ak kotoror kaineng'ung? Amu inye inyege ne itilil. Bwanii bororiosek tugul ak kogutungjin eng taing'ung, amu kageng'any boisoniguk che bo Imanda." ⁵ Ak kingobata tuguchu ageerte, ak kigiyat hekabut ne bo emaitab baornatet eng kipsengwet. ⁶ ak kimong'une hekalunato malaikaisiek tisabu che tinye korokwechoto tisab. Ak kilaachi ngoroik che tililen, che kilile bich, ak koratatege biriraikab tahabu komut tegetikwai. ⁷ Ak Kiigochi age eng tiong'ik ang'wan che septos malaikasiek tisab ketubosiek tisab chebo tahabu che nyiitotin neregekab Jehovah, inendet ne sobe koigeny ak koigeny. ⁸ Ak kinyi hekalut iyeet ne kibunu toronatetab Jehovah ak kong'ete kimnatenyi. Ak kima imuch chi kwo hekalut orit agoi kosulda korotwek tisabu che bo malaikaisiek tisab.