¹ Ak kitoi kogeny konetis eng tabandab araraita, ak kiiyumjige inendet tuiyet ne o mising. Ak kilany moingetab ne kimi araraita, ak kotebe. Kotebe anyun tuiyet tugul komogul tabandab araraita. ² Ak kiinet icheket tuguk che chang eng kalenawaik, ak eng konetisiennyi, ko kimwochi icheket ko u ni. ³ "Ogaste! Ak kiwo kolindet kolee kesuwekchi. ⁴ Ak kingoleta, kobutyi keswek alak oret taban, ak kibwa taritik ak koam. ⁵ Ak kiibutyi alak ole mi koik, ole kima ko tia nyung'unyek. Ak kibityo anyun kochok, amu ki ng'ering nyung'unyek. ⁶ Ago kingotil asista, kobel, ak kiyaamnyo, amu kima kotinye tigitik. ⁷ Ak kiibutyi kesuwek alak ole kimi katok. Kibityo anyun katok ak kogiich, si maiiyo logoek. ⁸ Ak kiibutyi kesuwek alak nyung'unyek che kororon ak koiiyo logoek ak koechegitu ak kotesakis ak kiiyo sosom, ak tamanwogik lo, ak konyil bogol." ⁹ Ak kimwa kole, " Age tugul ne tinye itik, kogasta. ¹⁰ Ak kingo mito Jeiso inegei, koteebe che kikaimut inendet kobot taman ak aeng agobo kalewenaichoto. ¹¹ Ak kileji icheget, "Kagegonok akwe onai ung'otiet nebo bounatetab Jehovah. Ago icheket che mito sang, keyachini tuguk tugul eng kalewanaik, ¹² si eng keeret kogeerei ama ibestos, ak eng kaset kogasei, ama iguitos, si mawekchige Jehovah ak kenyochi kaat. ¹³ Ak kilenji icheket, "Tos mongen akwe kalewenoni? Onoitoi ano anyun kalewenaik tugul?" ¹⁴ Letoi letoindet ng'olyot. ¹⁵ Ak chuto che mito tabandab oret, ole kiletae ng'olyot. Ak ye kagogas, kocho kasarata Setani, ak konem ng'olyot ne kagegolji icheget. ¹⁶ Ak chu ko kesuwek choto che kagikolji ole mi koik, ak ye kagogas ng'olyot konam ngunoto eng boiboiyet. ¹⁷ Ak matinye choto tigitik eng orit, ak tebsot eng betusiek che ng'ering. Ago ngo ng'eet nyalilda anan ko usisiet agobo ng'olyot, ngunoto anyun kenach ak kobutyo eng kayanet. ¹⁸ Ak alak ko che kagikolji ole mi katok. Choto ko icheget che kase ng'olyot, ¹⁹ ago ng'et kaiimutikab ng'weny ak kaberberisiet ne bo magornatet, ak magutik che bo tuguk alak kobwa ak kogiich ng'olyot, si maie logoek. ²⁰ Ak choto che kigikolji nyung'unyek che kororon ko icheget che kasei ng'olyot, ak kotaach ak koiiyo logoek, sosom, ak tamanwogik lo, ak konyil bogol. ²¹ Ak kileji Jeiso icheket, "Tos iibu tait kocho kot orit si indene kitonget orit anan ko kureretab kitogut? Iibu anyun ak indene kito ne tonone. ²² Amu mami kiy ne ung'at ne matun kenae, ago mami kiy ne bo ung'ot ne matun kesule. ²³ Age tugul ne tinye itik che kostoe, kogas!" ²⁴ Ak kimwochi icheket kole, "Oribge tuguk che ogase, amu kerutiet ne ogeree ko tun kegerunenok noto, ak keteshinowok alak. ²⁵ Amu inendet ne tinye, ketesyini ak inendet ne matinye, keibe mbo che tinye." ²⁶ Ak kimwa kora kole, "U bounatetab Jehovah chito ne koljini kesuwekyi ng'weny. ²⁷ Ak koru kemoi ak kong'eet bet, ak kobityo kesuwek ak koechegitu, nga nda maingen ole bititoi. ²⁸ Yiei ng'weny beka inegei: Indoune suswot, yeityo konyo metit, yeityo koiywa beka. ²⁹ Ago ye kagorurio beka, eng yoto anyun koip ringet amu kait kesisiet." ³⁰ Ak kimwa kogeny kole," Kigergeite nee bounatetab bounatetab Jehovah, anan nee kalewenet ne kibortoe? ³¹ Kergei ak keswotab karadali, ne, ye kageminji nyung'unyek, ko agot nganda mining eng keswek tugul che mi ng'weny. ³² Ko ye kagegol, kobit koeet, kosiir ketik tugul che bo ng'weny, ak kosamum kot komuchi koure uruennyi taritikab barak. ³³ Ak eng kalewanoik che chang' che u chuto komwochi ng'olyot ko u ye kiimuchi kogas, ³⁴ Ak kima mwochi bichoto kiy komotesyi kalewenet. Ago kitetyi alamalyennyi ng'alek tugul ko mi taban ichegei. ³⁵ Ak kingo kagoek koskoleny eng betunoto, koleji icheket, "Ongelande bitonin." ³⁶ Ak kibagakta tuiyet ak koba koboto Jeiso, eng moingetab beko. Ak kimi moingonik alak che mengech koboto ne kibunei inendet. ³⁷ King'eet anyun usonet ne korom, ak korus moinget beek che mildogei, kot ki legit konyi beko moinget. ³⁸ Ago kimi Jeiso inendet moinget ole bo let, korue kito ne kitiie metit. Kiing'et anyun inendet, ak kolenji, "Konetindoni, memake kiy inye ago legit kemeiye?" ³⁹ Kong'eet anyun, ak koger kong usonet, ak koleji araraita, "Kalyet! Ak sis! Kibeg anyun usonet, ak kosis mising. ⁴⁰ Ak kileji ichek, "Kalya si oiyweisie? Tomo onyoru kayanet?" ⁴¹ Ak kiiyweis mising, ak kolejigei ichegei, "Ng'o nito, ne kase iit inendet agot koristo ak araraita?"