¹ Noto anyun, ongebagakte , amata keng'alale ng'alek che bo tai che bo Kristo, ago ongetestai agoi keechegitu. Matogany ketou kogeny lumeiywot ne bo sigunet ne bunu boisionik che meiyotin ak ne bo kayanet eng' Jehovah, ² anan ko lumeiywot ne bo konetisietab kabatisanosiek, ak ne bo kagonoretab eunek, ak ne bo ng'etyeetab che kigomeiyo ak kiruogetab koigeny. ³ Ak kibendi keyae nito ngo cham Jehovah. ⁴ Amu maimukakse eng' icheket che kigaa kegochi lapkeiyet, ak kochamcham konunet ne bo kipsengwet, ak koek yamdoikab Tamirmiriet ne Tilil. ⁵ Ak kora kochamcham ng'olyot ne kararan ne bo Jehovah, ak kimnatosiekab kenyisiek che bwanii, ⁶ ak ngot ko chuchuchgei icheket ko ma imugakse keweekyi icheket sigunet. Amu igartatyingei weritab Jehovah kogeny, kogochini inendet kateweret ne toogu. ⁷ Amu mbaret ne kigoee ropta ne robonjini konyil che chang , ak kobiityo tugukab komonut che kigibatyini- konyoru kaberuret eng' Jehovah. ⁸ Ago ngo iiyo katok ak talibik, ko matoreti kiy ak ko legite chubet, ne kagesunennyi ko kebeel. ⁹ Ago chamanichu, kiyani eng' akwe tuguk che kororon kosiir choto, ago mising kemwae che namegei ak yetunet, agot nganda king'alali ko u nito. ¹⁰ Amu Jehovah ko ma Jehovah ne ma bo iman. Mautie boisieng'wong' ak chamnyet ne kiobarte agobo kainennyi, amu kioboisiechini bikchii che tililen, ak otese tai oboisiechini agoi. ¹¹ Ak kimache mising chi age tugul eng' akwe kele kobarta kagiletabge ne u noto agoi let, asi kobiit koek kamang'uneng'wong ne iyanat. ¹² Nito ko si moegu chemeatin, ago okergeitu ak icheket che eng kayanet ak muitaet konyoru kayamisutik. ¹³ Amu ye kingogachini Jehovah Abram kayamisutiennyi, ko kimurtaege, amu kima komi age ne o kosiir inendet. ¹⁴ Ak kimwa kole " Awendi aberurin ne bo iman, ak akonin ioteng'ung ko chang'it." ¹⁵ Ak kingo kagomuita Abram ko u nito, konyor kito ne kikakiyamisyi. ¹⁶ Amu murtoi biko eng ne o kosiir icheget. Ak murtaet ko kagimitet ne tare tiiyet age tugul. ¹⁷ Ye kingomach Jehovah mising koborji icheket che nyoru kayamisutiet ole u magennyi ne mawalakse, kondeno murtaet kwenut. ¹⁸ Ki yai ko u nito si eng' tuguk aeng' che mawalakistos -ama imugakse eng' Jehovah komwa lembech- ko ache che ki kemwechi ole mi toretet, kemuchi anyun eng' noto kenyoru kagaigaet ne kim si kenam kamang'unet ne kigendeno tainyo. ¹⁹ Kitinye nito ko nangetab sobondo, kamang'unet ne wendi kot orit kosiirtoe anget ne kigikitisie, ²⁰ ole kichut Jeiso agobo ache. Ak kikoek tisiindet ne o ko u kit ne ki u Melkizedek.