¹ bakoi lah kuki ulun bebas?bakoi kah kuki aye hio Rasul?bakoi kah kuki haot ngini Yesus,Tuhan takam?bakoi kah kayo aye hio hasil gawian ku huang Tuhan? ² amun napot ulun lain kuki bakoi rasul,panga bakoi kuki aye hio rasul napot kayo.Gene,kayo aye hio meteraikerasulan ku huang Tuhan. ³ itilah pembelaan ku napot here sa sagar memeriksa kuki. ⁴ inonkah kami bakoi naan hak mat kuman nihi ngoot? ⁵ inonkah kami bakoi naan hak mat nunda hayak erang kulun harau sa isa iman,sameh nihi rasul-rasul sa lain,pulaksanai-pulaksanai Tuhan,nihi lei Kefas? ⁶ atawa,inon kah ekat Barnabas nihi kuki sa bakoi naan hak mat bakoi bagawi? ⁷ hie kah sa piji mengabdi jari tentara nihi biaya e kakareb? hie kah sa ngamule kabun anggur balalu bakoi nguta wua e?atawa,hiekah sa menggembalakan pamelum e balalu bakoi ngoot susu e? ⁸ inonkah kuki mawara hal-hal ina manurut murunsia? bakoi lah hukum Taurat lei ngantuh hal-hal sa sameh? ⁹ Gene,naan tatulis huang hukum Taurat Musa,"ada bo kayo ngaromos karewau sa rahat mengirik gandum!"inonkah karewau rahat na perhatikan Allah? ¹⁰ Atawa,inonkah aye ngeau e demi takam?oi,demi takamlah hal hio na tulis gene sa mambajak harus mambajak huang pengharapan nihi sa mengirik harus mengirik huang pengharapan mat kiuh bagian e. ¹¹ amun kami ngamule umang rohani ta helang kaon,inonkah balabihan amun kami lei masi hal-hal materi tekei kayo? ¹² Amun ulun lain naan hak iti entu kayo,bakoi kah kami labih berhak lagi? biar lei sameh hio,kami bakoi makai hak hio.sebalik e,kami menanggung kaluhan hal mat kami bakoi ngami isa halangan napot injil Kristus. ¹³ inonkah kayo bakoi karasa bahwa here sa ngulah hal-hal kudus hio,nguta panguta tekei Bait Allah lei?Balalu,here sa melayani ta Altar kiuh bagian tekei kurban persembahan hio? ¹⁴ sameh hio lei,Tuhan nuyu here sa memberitakan Injil mat welum tekei Injil lei. ¹⁵ Tapi,kuki bakoi piji makai isa lei tekei hak-hak iti.balalu,kuki bakoi manuliskan hal-hal iti mat na ulah sameh hio napot kuki.gene,magin maeh kuki matei tekei erang kulun nambakoi kebanggaan kuki. ¹⁶ Gene,amun kuki memberitakan Injil,kuki bakoi naan alasan mat bermegah gene kewajiban hio naan entu kuki.salakalah kuki,amun kuki bakoi memberitakan Injil. ¹⁷ Amun kuki memberitakan Injil gene aheng kuki kakareb,kuki naan upa.tapi,amun iti bakoi aheng kuki,iti aye hio tugas sa na percayakan napot kuki. ¹⁸ Amun sameh hio,inon kah upa ku?upa ku aye hio katika kuki memberitakan Injil,kuki tau memberitakan Injil bakoi na upa nihi bakoi nampahala pakai hak kuki huang Injil. ¹⁹ Tapi,biar lei kuki bebas entu kaluhan ulun,kuki ngulah tenga ku kakareb walah mat gi kaluhan ulun mat kuki tau memenangkan magin ajoh lagi. ²⁰ Gi ulun Yahudi,kuki jari sameh ulun Yahudi mat kuki kiuh nampa manang ulun Yahudi.Gi ulun sa welum ta leba Hukum Taurat,kuki jari sameh ulun sa welum ta leba Hukum Taurat(biar kuki kakareb bakoi ta leba Hukum Taurat)mat kuki kiuh nampa manang here sa ta leba Hukum Taurat. ²¹ Napot here sa bakoi ta Hukum Taurat,kuki jari sameh bakoi ta Hukum Taurat (bakoi e koi naan hukum Allah,tapi ta leba hukum Kristus)mat kuki kiuh nampa manang here sa bakoi naan hukum Taurat. ²² gi ulun sa maleme,kuki jari maleme mat kuki kiuh nampa manang here sa maleme.Kuki haot jari kaluhan hal gi kaluhan ulun mat nihi kaluhan cara kuki kiuh meneyelamatkan papire kulun. ²³ kuki ngulah kaluhan iti demi Injil mat kuki tau kiuh bagian ta huang e. ²⁴ Bakoi karasa lah kayo bahwa here sa nempat huang isa pertandingan kaluhan e nempat,tapi ekat isa sa narime hadiah?jari,nempat bo sameh hio mat kayo kahalu e! ²⁵ satiap ulun sa batanding ba latih menguasai areb e huang kaluhan hal.here ngulah e mat narime mahkota sa fana,tapi takam mat kiuh sa abadi. ²⁶ Gene hio,kuki bakoi nempat sameh hio bakoi naan tujuan.kuki bakoi nampar sameh ulun nampar angin. ²⁷ Tapi,kuki malatih tenga ku nihi mehet balalu menguasai e mat udi kuki memberitakan injl napot ulun lain,kuki kakareb bakoi na tulak.