¹ Wayah iti,gene hal-hal daging sa na ami napot berhala-berhala.takam karasa bahwa takam kaluhan naan pangarasa.pangarasa hio ngulah sombong,tapi kaahi nambuan. ² Amun naan ulun nanguh bahwa aye karasa isa hal,aye mete karasa sa seharus e nakarasa e. ³ Tapi,amun erang kulun ngasayang Allah,aye na kataru Allah. ⁴ Gene hio,hal-hal panguta daging-daging sa na ami napot berhala,takam karasa aye hio bakoi naan berhala ta dunia iti,balalu bakoi naan Allah kecuali Aye,isa-isa e. ⁵ Tapi,amun lei naan sa na antuh allah-allah,maeh ta surga atawa ta bumi,(sa kala awe ajoh "allah" nihi ajoh "Tuhan"), ⁶ tetapi mat gi takam ekat naan isa Allah,aye hio Ambah.tekei Aye lah kaluhan hal nihi takam naan mat gi Aye.balalu,ekat naan isa Tuhan,aye hio Kristus Yesus,sa ulah E kaluhan ne naan nihi takam naan nangkah Aye. ⁷ biar lei sameh hio,bakoi kaluhan murunsia naan pangarasa iti,tapi, papire ulun,sa haot patuh nihi berhala hampe wayah ina,nguta panguta hio jari nakuta sa napersembahkan napot berhala.gene hio,atei nurani here sa maleme jari tercemar. ⁸ Panguta bakoi sagar nampariet takam napot Allah.takam lei bakoi sagar magin raat amun bakoi kuman,atawa bakoi lei magin maeh amun takam kuman. ⁹ Tapi,itung bo bahwa kebebasan nu iti ada magin jari watu santukan napot here sa maleme. ¹⁰ Gene,amun naan ulun sa nginni kayo,sa naan panga tau,kuman huang kuil berhala,bakoi kah atei nurani e,amun aye maleme,sagar na teguhkan mat nguta daging-daging sa na persembahkan napot berhala? ¹¹ Jadi,nangkah panga rasa nu,ulun sa maleme hio,aye hio pulaksanai nu,sa mat gi aye Kristus haot matei,jari binasa. ¹² Jari,nihi badosa napot pulaksanai-pulaksanai isa imannu balalu nyamatan atei nurani sa maleme,balalu kayo badosa napot Kristus. ¹³ Gene hio,amun panguta ngulah pulaksanai isa imanku ta santuk,kuki bakoi sagar piji nguta daging hampe kalawah-lawah e mat kuki bakoi ngulah pulaksanaiku ta santuk.