¹ Gene,kuki bakoi hamen kayo bakoi karasa e,pulaksanai-pulaksanai,aye hio here itak uyut takam,kaluhan e naan ta kapit awan nihi kaluhan e nangkah laut ² here kaluhan na baptis huang Musa,ta huang awan nihi ta huang laut. ³ Here kaluhan kuman panguta rohani sa sameh. ⁴ Gene,here ngoot tekei watu rohani sa umba hayak here,nihi Watu hio aye lah Kristus. ⁵ biar lei sameh hio,Allah bakoi katuju nihi here ajoh.gene hio,here na wunu tangar pulau haket. ⁶ wayah iti hal-hal ina na jarikan contoh napot takam mat takam bakoi jari ulun sa ba aheng jahat kala awe na aheng here. ⁷ ada jari penyembah berhala sameh papire tekei here,sameh sa naan tatulis,"bangsa hio maharung mat kuman nihi ngoot,balalu buan mat bangang." ⁸ ada takam ngagawi perzinahan sameh sa na ulah papire tekei here hampe 23 ribu ulun matei huang erang andrau. ⁹ Takam lei bakoi iuh mencobai Tuhan,sameh nihi papire tekei here lei mencobai balalu na tampatei ulah nipe-nipe. ¹⁰ ada lei kayo mangomel sameh here lei mangomel balalu na tampatei ulah malaikat maut. ¹¹ Hal-hal iti jari entu here mat jari contoh balalu na tulis mat jari pangingat napot takam,sa napot hie pangalis zaman haot hawi. ¹² gene hio,elah bo ulun sa nanguh amun areb e tagap mindri waspada bo mat aye bakoi tumang! ¹³ bakoi naan pencobaan sa piji nukun kayo kecuali pencobaab sa biasa gi murunsia.Balalu,Allah aye hio setia,aye bakoi sagar ngaret kayo na cobai ba labih tekei ka iyuh kayo.tapi,hayak nihi pencobaan hio,Aye lei sagar nyadia lalan balua mat kayo kiuh nanggung e. ¹⁴ Gene hio,pulaksanai-pulaksanai ku sa na ahi, sa nawit bo areb nu tekei penyembahan berhala. ¹⁵ Kuki bapander sameh napot ulun-ulun sa bijaksana,pikir bo inon sa na antuh ku. ¹⁶ bakoi lah cawan berkat sa na sukuri takam hio aye lah perkumpulan huang ira Kristus?Balalu,bakoi kah roti sa na tuhi takam hio aye lah perkumpulan huang tenga Kristus? ¹⁷ Gene naan isa roti,balalu takam sa ajoh iti aye hio isa tenga; gene takam kaluhan jari bagian tekei isa roti hio. ¹⁸ na perhati bo ulun-ulun Israel,bakoi kah here sa nguta persembahan ngalap bagian huang altar? ¹⁹ Jari,inon kah maksud ku?inonkah panguta sa na persembahkan napot berhala aye hio isa hal?atawa,inonkah berhala aye lah isa hal? ²⁰ Bakoi.kuki ngantuh napot kayo bahwa hal-hal sa bangsa lain kurban kan,here ma ngurbankan e napot roh-roh jahat,bakoi mat gi Allah.Balalu,bakoi hakun kayo bersekutu nihi roh-roh jahat. ²¹ Kayo bakoi iyuh ngoot cawan Tuhan nihi cawan roh-roh jahat.kayo bakoi tau jari bagian tekei jamuan Tuhan nihi jamuan roh-roh jahat. ²² Atawa,inonkah takam nambuan kawuyu Tuhan?inonkah takam labih gagah tekei Aye? "welum mat Memuliakan Allah ²³ " kaluhan isa hal na huyu bo,"tapi bakoi kaluhan e baguna."kaluhan isa hal nahuyu bo,"tapi bakoi kaluhan e nambuan. ²⁴ ada naan isa lei sa ngalupui ka maeh mat gi kakareb e,tapi kamaeh ulun lain. ²⁵ kuta bo inon sa na batang tangar pasar daging bakoi mamariksa e,gene atei nurani. ²⁶ Gene,bumi nihi kaluhan isis e aye hio ampun Tuhan. ²⁷ amun erang kulun sa mete percaya ngundang kayo hakun tulak,kuta bo inon sa na sadia tangar hadap kayo bakoi mamariksa e,gene atei nurani. ²⁸ Tapi,amun naan ulun ngeau napot kayo,"panguta iti haot na persembahkan napot berhala,"ada kayo nguta e,demi ulun sa mawara e gi kayo,demi atei nurani nu. ²⁹ Aheng ku,bakoi demi atei nuraninu kakareb,tapi atei nurani ulun lain,wuah inon kebebasan ku na tantu ulah atei nurani ulun lain? ³⁰ amun kuki ngalap bagian ku nihi ucapan syukur,wuah inon kuki na tampa hala gene panguta sa entu e kuki mengucapkan syukur? ³¹ Jari,kasa kayo kuman atawa ngoot,atawa inon lei sa na gawi kayo,gawi bo kaluhan e hio mat gi kemuliaan Allah. ³² ada ngulah ulun ta santuk,maeh ulun Yahudi,atawa ulun Yunani,atawa Jemaat Allah, ³³ sameh kuki lei huang kaluhan hal nampasanang kaluhan ulun,bakoi nihi ngalupui kauntungan ku kakareb ,tapi kauntungan mat gi ulun ajoh mat here kiuh naselamatkan.