¹ Wayah iti,pulaksanai-pulaksanai,kuki mawara napot kayo Injil,sa na kahampe kuki napot kayo,sa haot na tarime kayo,sa tahuang e kayo mindri nahap. ² ulah Injil hio lei kayo na selamatkan,asala kayo nahap bategei tangar Firman sa haot na wara kuki napot kayo,kecuali kayo harap nihi sia-sia. ³ Kuki haot nampe napot kayo,panga dahulu e sa panga penting,sa lei natarime ku bahwa Kristus matei mat gi dosa-dosa takam susuk nihi Kitab Suci, ⁴ Aye haot na kuburkan,Aye na bangkitkan tangar andrau ka telu susuk nihi Kitab Suci, ⁵ Balalu Aye haot nyantarang areb E napot Kefas,udi hio napot sa ka dua belas hio. ⁶ Udi hio,Aye nyantarang areb E napot labih tekei dime jatuh pulaksanai-pulaksanai kaluhan.Ajoh tekei here masih welum hampe wayah iti,tapi papire e haot matei. ⁷ Balalu,Aye nyantarang areb E napot Yakobus,udi hio napot kaluhan rasul. ⁸ Pangalis e,sameh napot nakia sa lahir mete waktu e,Aye lei nyantarang areb E napot kuki. ⁹ Gene,kuki lah sa panga halus ta helang rasul-rasul E balalu bakoi pas na antuh jari rasul gene kuki nampahanang jemaat Allah. ¹⁰ Tapi,gene anugrah Allah,kuki aye hio kuki wayah iti.Balalu,anugrah E napot kuki bakoi lah sia-sia.Kuki bagawi magin gagah tekei here kaluhan,tapi bakoi e kuki,tapi anugrah Allah sa nampahayak kuki. ¹¹ Ulah gene hio,maeh ulah kuki atawa ulah here,sameh hio lah kami ngajar balalu sameh hiolah kayo harap."Kebangkitan nihi Kapateian ¹² Amun Kristus na tambuan tekei pampatei,wuah inon papire tekei helang kaon ngeau aye hio bakoi naan kebangkitan tekei pampatei? ¹³ Amun bakoi naan kebangkitan tekei pampatei,Kristus lei bakoi piji na tambuan. ¹⁴ Balalu,amun Kristus bakoi na tambuan,sia-sia lah pemberitaan kami nihi sia-sia lah lei imanmu. ¹⁵ Ta labih lagi,kami lei na kahalu jari saksi oso Allah gene kami ngami kesaksian bahwa Allah haot nambuan Kristus,sa bakoi sagar natambuan E,amun mula bujur ulun matei tau na tambuan. ¹⁶ Gene,amun ulun matei bakoi na tambuan,Kristus lei bakoi na tambuan. ¹⁷ Balalu,amun Kristus bakoi natambuan,sia-sialah iman nu,balalu kayo magun muneng huang dosa-dosanu. ¹⁸ Sameh hio lei,here sa haot matei huang Kristus lei haot matei. ¹⁹ Amun pengharapan takam ta huang Kristus ekat mat welum iti lei,takam aye hio ulun-ulun sa panga kihal tekei kaluhan murunsia. ²⁰ Tapi wayah iti,Kristus haot na tambuan tekei helang ulun matei,jari wua panga tueh tekei kaluhan ulun percaya sa haot matei. ²¹ Gene,sameh nihi pampatei jari nangkah isa kulun,balalu nangkah isa kulun lei na tambuan tekei helang ulun matei jari. ²² Gene huang Adam kaluhan e matei,sameh hio lei huang Kristus kaluhan e sagar na samelum. ²³ Tapi,tiap-tiap ulun manurut urutan e: Kristus jari sa panga tueh,udi hio here sa aye lah ampun Kristus, ta hawi E waleng, ²⁴ udi hio hampe pangalis e,aye hio katika Aye manyarah Kerajaan Allah Amah,katika Aye haot nangalis kaluhan pemerintahan,kaluhan kekuasaan,nihi kekuatan. ²⁵ Gene,Aye harus memerintah hampe Allah ngandak kaluhan musuh E ta kapit pee E. ²⁶ Musuh pangalis sa sagar na tangalis e aye hio pampatei. ²⁷ Gene,Allah haot ngandak kaluhan hal ta kapit pee E.Tapi,katika na antuh bahwa kaluhan hal haot na andak ta kapit pee E,jelas bo bahwa iti bakoi tamasuk Allah kakareb,sa ngandak kaluhan hal ta kapit Kristus. ²⁸ Katika kaluhan hal na andak ta kapit Kristus,udi hio Anak kakareb lei sagar menaklukkan areb e napot Aye,sa menanklukan kaluhan e ta kapit Kristus hampe Allah sagar jari kaluhan e ta huang kaluhan. ²⁹ Amun sameh hio,inonkah sa sagar na gawi ulah here sa na baptis mat gi ulun matei?amun ulun matei bakoi na tambuan hindra lei,balalu wuah inon ulun-ulun membaptis gi here? ³⁰ Balalu,wuah inon kami muneng huang bahaya satiap waktu? ³¹ Pulaksanai-pulaksanai,satiap andrau kuki nadap pampatei,mat gi ka bangga ku huang kayo,sa ampun kuki huang Yesus Kristus,Tuhan takam. ³² Secara murunsia,inonkah untung kuki palakat nihi satua-satua buasa tangar Efesus?amun ulun matei bakoi na tambuan,"ayu bo takam kuman nihi ngoot gene katuni takam matei." ³³ Ada bo na akal: "pergaulan sa raat nampa hancur kabiasaan-kabiasaan sa maeh." ³⁴ Sadar bo waleng nihi maeh balalu ada ngulah dosa.gene,papire ulun bakoi naan pangataru nihi Allah.Kuki mawara iti mat kayo mangan."Kebangkitan tenga Rohani ³⁵ Tapi,erang kulun sagar nane,"Kala awe ulun matei tau na tambuan?nihi tenga inonkah here sagar hawi lagi?" ³⁶ Ui ulun bungul! inon sa kayo bule bakoi sagar tumbu welum,kecuali aye matei dulu e. ³⁷ Balalu,inon sa kayo bule bakoi lah tenga tanaman sa sagar tumbu hio,tapi insoi sa bakoi ba upak sameh insoi gandum atawa insoi-insoi lain e. ³⁸ Tapi,Allah ngami tenga sameh awe sa na aheng E balalu asing-asing insoi na ami tenga e kakareb. ³⁹ Bakoi kaluhan daging aye hio daging sa sameh,tapi ekat isa daging murunsia,balalu lain e daging satua-satua,nihi lain e daging wurung-wurung,nihi lain e daging kenah. ⁴⁰ Naan lei tenga surgawi nihi tenga duniawi,tapi kemuliaan sa surgawi hio babeda balalu kemuliaan sa duniawi hio babeda lei. ⁴¹ Kemuliaan mate andrau babeda,Kemuliaan wulan babeda,kemuliaan bintang-bintang lei babeda gene isa bintang nihi bintang sa lain e huang kemuliaan. ⁴² Sameh hio lei nihi kebangkitan ulun matei.Na bule kan huang kebinasaan,na tambuan huang ka bakoi binasaan. ⁴³ Na bule huang kehinaan,na tambuan huang kemuliaan.na bule huang ka maleme,na tambuan huang ka mape. ⁴⁴ Na bule jari tenga jasmani,na tambuan jari tenga rohani.amun naan tenga jasmani,naan lei tenga rohani. ⁴⁵ Sameh sa tatulis,"murunsia panga dahulu,Adam,jari jiwa sa welum."Adam sa pangalis e jari roh sa ngami welum. ⁴⁶ Tapi sameh hio,sa rohani bakoi lah sa panga dahulu.sa panga dahulu aye hio sa jasmani,udi hio japo lah sa rohani. ⁴⁷ Murunsia panga dahulu ba asa tekei bumi,aye hio debu tane.Murunsia sa karueh ba asal etkei Surga. ⁴⁸ Sameh nihi sa baasal tekei debu tane,sameh hio lei here sa ba asal tekei debu tane.Balalu,sameh nihi sa surgawi,sameh hio lei here sa surgawi. ⁴⁹ Sameh awe takam na ciptakan huang rupa murunsia baasal tekei debu tane,takam lei sagar makai rupa murunsia sa surgawi. ⁵⁰ Kuki mawara iti napot kayo,pulaksanai-pulaksanai,bahwa daging nihi ira bakoi kiuh mawaris Kerajaan Allah.sameh hio lei sa tau binasa,bakoi kiuh mawaris sa kiuh binasa. ⁵¹ Rengei bo! Kuki mawara napot kayo isa rahasia,takam bakoi sagar matei kaluhan e,tapi takam sagar na ubah, ⁵² Sakatika hio,huang isa kitub mate bo,wayah trompet malengan: gene trompet sagar malengan,balalu ulun matei sagar na tambuan bakoi namput kebinasaan,balalu takam sagar na ubahkan. ⁵³ Gene,sa kiuh binasa iti harus makai sa bakoi kiuh binasa.Balalu,sa kiuh matei iti,harus makai sa bakoi kiuh matei. ⁵⁴ Katika sa tau binasa itit makai sa bakoi tau binasa,nihi sa tau matei iti makai sa bakoi tau matei,maka ganap lah firman sa tatulis:"kapateian haot na telen huang kemenangan." ⁵⁵ "Ui pampatei,ta awe kah kemenangan nu?Ui maut,ta awe kah henget nu? ⁵⁶ Henget maut aye hio dosa,nihi kuasa dosa aye hio Hukum Taurat. ⁵⁷ Tapi,takam bersyukur napot Allah sa ngami takam kemenangan nangkah Tuhan takam,Yesus Kristus. ⁵⁸ Jari,pulaksanai-pulaksanai isa iman sa na kasihi,mindri bo tagap,ada goyang,penu bo tarus huang gawian Tuhan.gene,kayo karasa bahwa ka uyuh nu bakoi sia-sia huang Tuhan.