¹ Tutah bo kasih palus na kangakan bo nihi witu-witu karunia-karunia rohani,terutama mat kayo kiuh banubuat. ² Gene,hie sa bapander huang bahasa lela,bakoi bapander nadap murunsia,tapi napot Allah;gene bakoi naan ulun sa paham,tapi aye ngantuh hal-hal sa rahasia huang roh. ³ Tapi,ulun sa banubuat bapander napot murunsia mat nambuan,nasihat,nihi penghiburan. ⁴ ulun-ulun sa bapander huang bahasa lela nambuan tenga e kakareb,tapi ulun sa banubuat nambuan jemaat. ⁵ Kuki baharap kayo kaluhan bapander huang bahasa-bahasa lela,tapi labih lei mat kayo banubuat.ulun sa banubuat labih hante tekei ulun sa bapander huang bahasa lela,kecuali amun aye lei mengartikan e balalu jemaat kiuh narime peneguhan. ⁶ pulaksanai-pulaksanai,amun kuki hawi napot kayo balalu bapander huang bahasa-bahasa roh,inon untung e napot kayo,kecuali amun kuki bapander napot kayo nihi panyatena,pangarasa,nubuatan,atawa pangajaran? ⁷ Hampe,banda-banda sa bakoi banyawa,sameh suling atawa kecapi sa nampalua lengan,amun bakoi nampalua beda huang lengan e,kala awe ulun kiuh karasa alat inon sa rahat na tampa lengan,suling atawa kecapi? ⁸ atawa,amun trompet nampalua lengan sa bakoi jelas,hie kah sa sagar mempersiap tenga e mat berperang? ⁹ Sameh hio lei kayo.amun nihi lela nu,kayo ngantuh paneran-paneran sa bakoi kiuh na pahami,kalawe ulun karasa inon sa na antuh?sameh kayo bapander napot angin. ¹⁰ Tau,naan kalahio ajoh jenis bahasa ta dunia balalu bakoi isa lei tekei aye sa bakoi ba aheng. ¹¹ Tapi,amun kuki bakoi karasa arti bahasa hio,kuki sagar jari ulun asing napot aye sa bapander,nihi ulun sa bapander hio jari ulun asing napot kuki. ¹² Sameh hio lei kayo,gene kayo bujur-bujur ba usaha mat karunia-karunia rohani,ba usaha lah mat ba kalabihan pakai nambuan jemaat. ¹³ Gene hio,maeh bo ulun sa bapander huang bahasa lela badoa mat aye kiuh mengartikan e. ¹⁴ Gene,amun kuki badoa huang bahasa lela,roh ku badoa,tapi pikiran ku bakoi ba wua. ¹⁵ Jari,inonkah sa harus na ulahku?Kuki sagar lako doa nihi roh ku balalu kuki lei sagar lako doa nihi pikiran ku.kuki sagar menyanyi nihi roh ku balalu kuki lei sagar manyanyi nihi pikiran ku. ¹⁶ Amun kayo ekat mengucap syukur nihi roh nu,kalawe nihi ulun,sa naan huang unengan bakoi naan karunia hio,kiuh ngeau,"Amin,"entu antuhan syukur nu hio gene aye bakoi paham inon sa na antuh kayo? ¹⁷ Biar lei kayo ngantuh syukur nihi maeh,tapi ulun lain bakoi na tambuan. ¹⁸ Kuki basyukur napot Allah bahwa kuki bapander huang bahasa-bahasa lela labih tekei kayo kaluhan e. ¹⁹ Tapi,huang jemaat,kuki labih maeh bapander dime wusi huang pikiran ku mat kuki lei kiuh ngajar ulun lain,tekei sapuluh ribu wusi huang bahasa lela. ²⁰ Pulaksanai-pulaksanai,ada jari nakia huang pamikiran nu.jari bo awau-awau huang kajahatan,tapi huang pemikirannu jarilah matueh! ²¹ Sameh tatulis huang hukum Taurat,"ulah ulun-ulun sa naan bahasa asing balalu ulah wawa ulun-ulun asing,Kuki sagar bapander napot bangsa iti,tapi here bakoi ngarengei Kuki,firman Tuhan." ²² Jari,bahasa-bahasa lela aye hio tanda,bakoi mat gi ulun sa percaya,tapi mat gi ulun sa bakoi percaya,tapi banubuat aye hio tanda,bakoi gi ulun sa bakoi percaya,tapi gi ulun sa percaya. ²³ amun kaluhan jemaat ba kumpul hayak huang isa uneng,balalu kaluhan e bapander nihi bahasa-bahasa lela,balalu naan ulun-ulun sa bakoi paham atawa ulun-ulun sa bakoi percaya suluk,bakoi kah here sagar ngantuh bahwa kayo haot rapui? ²⁴ Tapi,amun kaluhan e banubuat,udi hio naan ulun sa bakoi percaya atawa ulun sa bakoi paham suluk,aye sagar na sadarkan ulah kaluhan e balalu na nilai ulah kaluhan e. ²⁵ rahasia huang atei e sagar nyata,aye sagar suntup,balalu menyembah Allah,mangaku bahwa satuu e Allah naan ta helang kayo. "Aturan-aturan huang pertemuaan Jemaat ²⁶ Jari,panampalus e kalawe,pulaksanai-pulaksanai?katika kayo bakumpul,asing-asing naan mazmur,pengajaran,penyataan,bahasa lela,atawa isa penafsiran.elah bo kaluhan iti na gawi mat nambuan. ²⁷ Amun naan sa babahasa lela,elah bo ekat rueh atawa panga ajoh telu ulun.balalu asing-asing nihi baganti bagilir,balalu harus naan ulun lain sa mengartikan e. ²⁸ Tapi,amun bakoi naan ulun sa mengartikan e,aye harus suni huang jemaat nihi elah bo aye bapander napot tenga e kakareb balalu napot Allah. ²⁹ Elah bo ekat rueh atawa telu nabi sa bapander nihi sa lain mempertimbangkan e. ³⁰ Tapi, amun pernyataan na ulah gi ulun lain sa maharung ta hio,ulun sa ka isa harus suni. ³¹ Gene,kayo kaluhan kiuh banubuatisa mangisa,mat kaluhan e kiuh balajar nihi kaluhan e kiuh na kuatkan. ³² Roh-roh here nabi tunduk napot here nabi. ³³ Gene,Allah bakoi lah Allah tekei kekacauan,tapi damai sejahtera,sameh nihi huang kaluhan jemaat ulun-ulun kudus. ³⁴ Wawei tatap harus suni huang jemaat gene here bakoi na ijinkan mat bapander,tapi harus tunduk sameh awe Hukum Taurat lei ngantuh e. ³⁵ amun naan isa hal sa kakan na pelajari here,elah bo here nane tekei wane e ta lewu gene aye lah hal sa nampa mangan gi wawei mat bapander huang jemaat. ³⁶ Inonkah Firman Allah ba asal tekei kayo?atawa,inonkah ekat napot kayo bo Firman hio na hampe? ³⁷ Amun naan sa bapikir bahwa aye hio erang kulun nabi atawa ulun sa rohani,elah bo aye ngataru bahwa hal-hal sa na tulis kuki napot kayo aye hio perintah Tuhan. ³⁸ Amun naan ulun sa bakoi kataru iti,aye bakoi nakataru. ³⁹ Jari,pulaksanai-pulaksanai,usaha bo nihi witu-witu mat banubuat,balalu ada nguring ulun bapander huang bahasa-bahasa lela. ⁴⁰ Tapi,kaluhan e harus na ulah nihi sopan balalu teratur.