¹ Wayah iti hal pengumpulan duit mat gi ulun-ulun kudus,ulah bo sameh nihi panutui-panutui sa naami kuki napot jemaat ta Galatia. ² Ta andrau ka isa satiap minggu,asing-asing kayo nanan isa hal balalu nyimoh e sameh nihi sa na kahalu kayo mat ada katika kuki hawi japo na ulah pengumpulan. ³ Katika kuki hawi,kuki sagar mangutus here,hie lei sa kayo satujui,napahayak namput surat-surat mat nunda pangamiannu gi Yerusalem. ⁴ Balalu,amun sa maeh e kuki tulak lei,here sagar tulak hayak kuki."Rencana pangiaan Paulus ⁵ Tapi,kuki sagar hawi napot kayo udi kuki nangkah Makedonia gene kuki ba aheng mat nangkah Makedonia. ⁶ Balalu,tau kuki muneng hayak kayo atawa nangalis waktu salawah wayah marisak mat kayo kiuh ngawat kuki huang kiaan ku,gi awe lei kuki tulak. ⁷ Gene,kuki bakoi hakun ngini kayo wayah iti ekat sapintas nangkah.kuki ba aheng muneng papire waktu nihi kayo,amun Tuhan nuyu e. ⁸ Tapi,kuki sagar muneng ta Efesus hampe andrau Pentakosta, ⁹ Gene pintu sa hante mat ngagawi gawian sa penting haot na uka gi kuki hindra bo naan ajoh sa bakoi sameh. ¹⁰ Wayah iti,amun Timotius hawi,na perhati bo mat aye bakoi nginam takut katika hayak kayo gene aye ngulah ulahan Tuhan,sameh nihi kuki lei. ¹¹ Jari,ada naan ulun sa ngini e imme.awat bo aye huang kiaan e nihi damai mat aye kiuh waleng napot kuki.kuki ngandrei aye hayak nihi pulaksanai-pulaksanai ta iti. ¹² Wayah iti,gene pulaksanai takam Apolos,kuki nuyu tuu mat aye nyuwuk kaon nihi pulaksanai-pulaksanai sa lain,tapi aye hindra bo bakoi hakun hawi wayah iti.aye sagar hawi amun naan katika e."Tabe pangalis ¹³ Ba hati-hati bo,mindri bo tagap huang iman.bagawi bo sameh laki nihi jari lah gagah. ¹⁴ Elah bo kaluhan sa na ulah kayo,na ulah huang kasih. ¹⁵ Kuki ngdasak kayo,pulaksanai-pulaksanai (kayo karasa bahwa kaluhan isi lewu Stefanus aye lah wua-wua panga dahulu ta Akhaya,balalu here haot menghamba areb e gi pelayanan ulun-ulun kudus), ¹⁶ mat kayo lei suntup nadap ulun-ulun sameh iti balalu nadap setiap ulun sa bagawihayak nihi ka uyuh e. ¹⁷ Kuki sanang tuu ulah Stefanus hawi,Fortunatus,balalu Akhaikus gene here haot nyansukup inon sa kurang tekei kayo. ¹⁸ Gene,here nampa segar roh ku nihi roh nu.ulah gene hio,na hargai bo ulun-ulun sameh hio. ¹⁹ Jemaat-jemaat ta Asia nampe tabe mat gi kayo.Akwila nihi Priskila nampe tabe hangat huang Tuhan napot kayo,hayak nihi jemaat ta lewu here. ²⁰ kaluhan pulaksanai ta iti ngirim tabe mat gi kayo.antuh tabe isa nihi sa lain nihi siuk kudus. ²¹ Kuki,Paulus,nulis tabe nihi tangan ku kakareb. ²² Amun naan ulun sa bakoi mengasihi Tuhan,kuta sumpah lah aye.Oh Tuhan,hawi lah! ²³ Anugrah Tuhan Yesus ngahayak kayo. ²⁴ Kasih ku ngahayak kayo kaluhan huang Yeus Kristus.Amin.