¹ Moko, sinoplah Yesus dan nyendalo kota Yerikho. ² Baindo naanerai kulutnupo bengaratn Zakheus, ise sio kepala pengumpul pajak dan erai kulutn se sugih. ³ Ise berusaha minda Yesus, tapi doho kahalu koe tahalakng ulutn deo; sebab ompune idok. ⁴ Jari,Zakheus monsit nyendalo ulutn deo dan mongket kakau ara agin minda Yersus koe Ise anta nyendalo lalatn sio. ⁵ Lau Yesus ampe ba wadah Zakheus duloi, Ise dongas dan ngontuh ampe ise, "Zakheus, sinanglah mange koe ondro itu Aku harus duloi ba lowu ko." Moko, Zakheus pun sinang mange dan nerima Yesus ali sukacita. ⁷ Namun, lau ulutn deo kotau hal sio, reo mulai ngerunum dan montuh, "Ise jari tamu ba lowu ulutn se bedosa." ⁸ Kemudian, Zakheus sekondrokngdan montuh ampe Tuhan, "Tuhan, pindalah, separu ante harta ku kakatn ku umi ampe ulutn miskin, dan ena aku ukah nembawai harta sesenu kulutn, aku kakatn mekulekne 4 kali lipat." ⁹ Moko, Yesus ngontuh ampe zakheus, "Ba ondri situ, keselamatan ukah awi pe suakng lowu situkoe ulutn sio lou anak Abraham. ¹⁰ Sebab, anak Mirisia awiagin meto dan nyelamat se wawai." Hamba se setia dan hamba se daat ¹¹ Sementara reo ngerongoi hal situ,Yesus ngelanjut ali ngisah erai perumpamaan koe Ise riet ali Yerusalem dan koe reo nyangka bahwa Kerajaan Allah sinang awi. ¹² Koe iyo, Ise pun montuh, "Erai kulutn bangsawan tulak pe negeri se oro agin wa angkat jari raja,dan seukah iyo ise kakatn mbuli. ¹³ Kemudian, tuan sio ngumpul sepuluh kulutnpelayanne danngumi reo duit sekedeo 10 mina, ontuhne ampe reo, 'Bedaganglah makai duit sio ampe aku awi.' ¹⁴ Akanb tetapi, ulutn-ulutn sebangsa ise gali ise dan ngirim perwakilan ukah ise tulak montuh, 'Kaitn doho hakutn ulutn situ jari raja ba ombo kaitn.' ¹⁵ Ukah wa tebot jari raja, bangsawan sio buli dan nyuyu hamba-hamba se ukah wa umi duit sio wa itai ngehadap ise supaya ise kahalu netau sesenu kahalu untung se reo halu ante bedagang. ¹⁶ Pelayan se puga awi dan montuh, 'Tuan, duit 1 mina puutn ko sio ukah ngahasilkan 10 mina mao.' ¹⁷ Raja sio montuh ampe ise, hai iko hamba se maeh! Koe iko setia suakng urusan se idik, iko akan nyuyu ba sepuluh kota.' ¹⁸ Pelayan se kerueh lou awi dan montuh, Tuan,dit 1 minapuutn ko sio ukah menghasil 5 mina.' ¹⁹ Lalu, sang raja montuh ampe hamba sio,' Berkuasalah iko ba 5 kota.' ²⁰ Kemudian, awilah hanmba se erai mao dan montuh, 'Tuan, itu duit 1 mina gin uko se aku tayu suakng sapu tangan. ²¹ Aku takut ampe iko sebab iko ulutn sekeras. Iko ngepo none se dohbo suah iko tayu dan ngepo none se doho suah iko dulo.' ²² Kemudian, raja sio montuh ampe ise, 'Aku akan mengadili iko sesuai ali pengontuhko, hai taapm hama se daat! Jari, iko taubahwa aku adalah ulutn se keras, se ngepo none sedoho suah iko tayu danngepoi none se doho aku dulo? ²³ Ena samayo,none iko doho ngandak duitko ba wadah ulutn se makalatn duit hingga lau aku mulek, aku nerima duit ku sio baya ali unge ne?' ²⁴ Lalu, raja sio montuh ampe ulutn-ulutn se sekondrokng ba iyo,' Epo mina sio ante ise dan umilah ampe ulutn se naan kenaan 10 mina.' ²⁵ Namun, reo montuh ampe sang raja, 'Tuan, Hamba sio ukah naan kenaan 10 mina.' ²⁶ Jawab raja sio,'Aku montuh ampe uko, setiap ulutn se naan kenaan aka wA umi lewi, tapi ante ulutn se doho beloh kenaan one-one, semua kenaanne anta wa epo. ²⁷ Akan tetapi, tentang musuh-musuhku se doho kakatn aku jari raja ba ombo reo, oitlah reo peitu dan bunulahreo ba hadapanku.''' Yesus wa sambut sebagai Raja. ²⁸ Ukah yesus ngontuh hal-hal sio, Ise malatn ponoh nawe Yerusalem. ²⁹ Lau Ise ampeba riet desa Betfage dan Betania, riet Bukit Zaitun, Ise ngutus rueh murid-Ne. ³⁰ Ontuh-Ne ampe reo, "Tulaklah pe desa senaan ba muka ko sio. dan, lau iko sinop ba indo kotau erai kukui anak keledai se tesiret dan balupm suah wa buat ulutn .Pelepahlah anak keledai sio dan oitlah pe itu. ³¹ Ena naan ulutn mondrik ampe iko,'kenone iko moit keledai sio?' , ontuhlah sara itu; Tuhan memerlukan ise." ³² Lalu, tulaklah kerueh murid se wa utus-Ne sio dan kawokng segalasesuatune tepat sara se ukah wa ontuh-Ne ampe reo. ³³ sekia reo melepas anak keledai sio, sepuutnne mondrik ampe reo, "Kenone iko melepah anak keledai sio?" ³⁴ Lalu, reo moit anak keledai sio ampe Yesusdan ngandak pakaianne ba ombo lutuk keledaisio, Kemudian nebot Yesus pa ombone. ³⁶ Lau Yesus nyendalo lalatn, ulutn-ulutn ngampar pakaian reo ba lalatn ³⁷ Dan, Kau Yesus aut semakin riet Yerusalem, sesio ba lalatn se mange ante arahbukit Zaitun, deo pengikut Ise mulai memuji Allah alisukacita dan nain se munyo. Reo bersyukur ampe Allah atas mukjizat se ukah reo pinda. ³⁸ Reo berseru, " Wa berkartilah Ise se awi sebagai Raja suakng ngaratn Tuhan, damai sejahtera ba surga dan kemuliaan ba wadah se mahatinggi!" ³⁹ Sesenu ulutn Farisi ante kerumuman ulutn deo sio montuh ampe Yesus, "Guru, tagurlah murid-murid ko." ⁴⁰ akan tetapi, Yesusmenjawab, ena reo suni, watu-watu situlah se akan berseru-seru." Yesus nyonyar Yerusalem ⁴¹ Waktu yesus aut riet kota Yerusalem dan minda kota sio, Ise pun nyonyar. ⁴² Ontuh-Ne, "serandaine ondro itu iko tau none se mekawi damai sejahtera ba iko. Akan tetapi, keletu halsio doho otau ante mato ko. ⁴³ Sebab kakatn awi saatne lau musuh-musuh ko anta mulah benteng penghalang ba sekeliling iko dan ngurukng iko ante deo arah. ⁴⁴ Reo anta meruntuh iko, iko beserta anak-anak ko se belindung ba benteng ko. Dan, reo doho menyisa erai watupun tesusun ba ombo watu selaitn ba suakng iko sebab iko doho kenal waktu lau Allah notah iko." Yesus ngusir Ulutn-ulutn sebejualan ba Bait Allah ⁴⁵ Kemudian, Yesus sinop pe Bait Allah dan mulai buru pekual ulutn-ulutn se bejualan ba indo. ⁴⁶ Ontuh-Ne ampe reo, "Naan wa tulis: 'Lowu-Ku akan jari lowu doa,' tapi iko ukah menjarine sebagai wadah perampok!" ⁴⁷ Lalu, Yesus ngajar ba Bait Allah setiap ondro. Namun, imam-imam kepala, ahli-ahli Taurat, dan para pemimpin bangsa sio meto cara agin bunu Ise. ⁴⁸ Akan tetapi, reo doho tau sara one gawine sebab ulutn deo ngurut teguh pengontuh Yesus.