¹ Kemudian, Yesus ngisah erai perumpamaan ampe murid-murid-Ne agin ngumitau reo bahwa reo harusselalu bedoa dan doho berkecxil sengo. ² Ontuh-Ne, ba erai kota, naan erai kulutn hakim se dohotakut ampe allah dan duho memngormati ulut laitn. ³ Ba kota sio, naan erai kuilutn janda se pajak awi ampe hakim sio dan montuh, umilah keadilan ampe aku terhadap lawatn ku.; ⁴ Agin sesenu waktu, sang hakim doho mao membantu janda sio. Akan tetapi, kemudian hakim sio ngotuh suakng sengone, 'walau aku doho takut ampe Allah dan doho menghormati ise pun, ⁵ tetapi koe janda situ terus menerus nganggu aku, akukiakatn ngumi keadilan ampe ise supayaisedoho menyusahkan aku ali pengawine se terus menerus sio."" ⁶ Lalu, Tuhan ngontuh " Rongoideh none se wa ontuh hakim sedoho adil sio. ⁷ Dohokah Allah ngumi keadilan ampe ulutn-ulutn pilihan-Ne se menain ampe Ise kondro dan malopm?Nonekah Ise kakatn nunda-nunda ampe usakng agin mambantu reo? Aku montuh ampe iko, Ise anta sinang ngumi keadilan ampe reo. Akan tetapi, lau Anak Mirisia awi, nonekah Ise anta kawokng imam ba bumi?" Perumpamaantentang ulutn Farisi danPengumpul Pajak ⁹ Yesus lou mahampe perumpamaan situ ampe sesenu kulutn se menganggap diri reo bujur dan mekiwe ulutn laitn. ¹⁰ Naan rueh kulutn tulak pe Bait Allah gin bedoa. Se erai kulutn sesio ulutn Farisi dan selaitn sesio ulutn pengumpul pajak ¹¹ Ulutn Farisi sio sekondrokng dan mengucapkan doa tentang dirine saurang, 'Ya, Allah, aku baterima kasih ampe Iko koe aku dohosara ulutn laitn; sara pemeras, penipu, pezina, atau bahkan sara pengumpul pajak situ. ¹² Aku bepuasa rueh kali erai menggo, aku ngumi sepersepuluh ante gawis penghalu ku.' ¹³ Akan tetapi, sepengumpul pajak sekondrokng agak oro, bahkan doho dongas pe langit. Sebalikne, ise nopap dadane sambil montuh, 'Ya Allah. Tuasideh ampe aku, sependosa situ.' v 14 Aku ngontuh ampe iko, pengumpul pajak sio, mbuli pe lowune sara ulutn se lewi maeh ante ulutn Farisi sio sebab ulutn se mekombo dirine dederaiakan wa pekiwe, dan ulutn se mekiwe dirine ise akan wa pekombo." Yeusu baya anak-anak ¹⁵ Lalu,ulutn-ulutn moit anak-anak reo se kia pea ampe Yesus supaya ise menjamah reo. Akan tetapi, Lau murid-muridkotau sio, reo muulai ngemara ulutn sio. ¹⁶ Namun, Yesus ngitai anak-anak pea sio agin awi ampe Ise dan ngontuh, Biar ka anak-anak pea sio awi ampe Aku, ai wa halangi reo sebab kerajaan Allah sesio gin ulutn-ulutnse sara reo sio. ¹⁷ Aku ngontuh sebujurne ampe iko, isepun sedoho nerima Kerajaan Allah sama sara erai kulutn anakpea, ise doho akan suah sinop pe suakngne." Ulutn sugih danKerajaan Allah ¹⁸ Naan erai kulutn pemimpin reo semondrik ampe Yesus, "Guru se maeh, none seharus aku gawi agin kahalu mewarisi wolupm se kekal?" ¹⁹ Jawab Yesus ampe ise, "Kenone iko montuh Aku maeh? Beloh naan erai kulutn pun se maeh kecuali Allah dederai. ²⁰ Iko tau tentanghukum-hukumsitu: ' Ai berzina, Ai bembubu, aingako, ai ngumi kesaksiaan palsu, serta hormati deh uma dan ineko." ²¹ Jawab ulutn sio, :"Aku ukah mentaati gawis sio tanjak aku kia burok." ²² Lau Yesus ngerongoine, Ise ngontuh ampe ulutn sio, "Kia naan eral hal sekurakng. Pekoro deh gawis se iko kenaan dan bagi ampe ulutn-ulutn se benasa, moko iko naan kenaan harta ba surga; dan ayu, sirik Aku." ²³ Lau ulutn sio kerongoi pengontuh Yesus sio, ise jari mehet sadih koe ise ulutn sugih. ²⁴ Kemudian Yesus minda ise dan montuh, "Serayo sulit ena ulutn sugih agin sinop pesuakng kerajaan Allah! ²⁵ Bahkan, murah erai kukui unta sinop nyendalo luakng piloh ante ulutn sugih sinop ampe suakng Kerajaan Allah." Senyirik Yesus anta nerima wolupm Kekal ²⁶ Ulutn-ulutn sekerongoi pengontuh sio montuh, "Enasemayo, ise sekate wa selamat?" ²⁷ Jawab Yesus, "None se mustahil bagi mirisia sesio mungkin bagi Allah" ²⁸ Lalu,Peturs ngontuh, "Pindadeh, kaitn ukah ngikeh gawis se kaitn kenaan dan nyirik Iko." ²⁹ Yesus ngontuh ampe reo, "Aku ngotuh se sungguhne ampe iko, doho erai kulutn pun se ukah ngikeh lowu, harau, erai-untukng-erai untukng, ulutn tuo, atau anak-anakne koe Kerajaan Allah, ³⁰ Se doho nerima hal sio berlibat ganda bamasa sio, dan ba masa se akan awi, sesio wolupm se kekal." Ngumitau tentang mate dan Bangkit Yesus ³¹ Lalu, Yesus ngumpul ke duo belas murid-Ne dan montuh ampe reo, "Rongoi, taapm kakatn tulak pe Yerusalem dan segala sesuatu se ukah wa tulis koe para nabi tentang anak Mirisia anta wa genapi. 2 Ise anta wa ator ampe ulutn-ulutn sedoho kenal Ali Allah. Ise temburuk, wa ganggu, dan wa dura. ³³ Dan, se ukah reo ngerempes Ise, reo anta bunu Ise. Akan tetapi, ba ondro se ketolu, Ise kakatn kuat gane." ³⁴ Namun, Para murid doho ngerti eraipunante hal-hal sio. Arti pengontuh sio se wa sunyok pe reo hingga reo doho paham nopnepun se ukah wa ontuh. Yesus meradu ulutn posa ³⁵ Ba lau Yesus riet awi ba ja'a Yeriho, naan erai kulutn posa se pentukng tungoh ba pingir lalatn sambil tindu duit. ³⁶ Lau ulutn posa sio keringoi ulutn deo sendalo, ise mondrik none sepenrtukng terjadi. ³⁷ Dan ulutn-ulutn montuh ampe ise, "Yesus ante Nazaret pentukng sendalo." ³⁸ Moko, menain lah ulutn posa sio, "Yesus, Anak Daud, tuasilah aku!" ³⁹ Ulutn-ulutn semalatn bamuka rombongan, ngemara ulutn posa sio, dan nyuyu ise suni. Akan tetapi, ise malah ngisiak libih munyo, "Anak daud, tuasilah aku!" ⁴⁰ Lalu Yesus sindroi dan nyuyu agar ulutn posasio wa oit ampe Ise. Lau ulutn posasio nyindriet, Ise mondrik ampe ise, ⁴¹ None seiko kenakatn supaya Aku gawi pe iko?" Ulutn posa sio menjawab, "Tuhan, aku kakatn matoku kate minda.'' ⁴² Yesus montuh ampe ise,''Pinda deh iman ko ukah meradu iko." ⁴³ Alu sio lou, ise kate kotau dan mulai nyirik Yesus sambil memuji Allah. Lau ulutn deokotau hal sio, reo lou memuji Allah.