¹ Namun, Saulus , sambil tarus melakukan ancaman ali pembunuhan tehadap murid-murid Tuhan, tulak ngehadap Imam oli, ² Ali Tindu surat antene, se watuju ampe sinagoge-sinagoge ba Damsyik sehingga jaka ise kawokng isepun se pesaya ampe lalant sio maeh upo maupun wawe, ise kate ngwit reo agin wabelenggu ba Yerusalem. ³ Seola ise desung malant, ise semakin riyet ali damsyik, ali tiba-tiba suatu cahaya tanjak langit memancar seliungne. ⁴ Gane, ise latu ampe tana ali krongoi nain se montuh ampene," Saulus, Saulus, konone iko menganiaya Aku?" ⁵ Salus mihirik, Isepohkah Iko, Tuan?" Ali, Ise montuh, Akulah Yesus, se iko aniaya. ⁶ Ali leka, kuat ali sinoplah mpe kota, ali iko anta waumitau nyone se harus iko lakukan." ⁷ Ulunt-ulunt se tulak sasam ali Saulus sekondrokng doho sundro one-one ukah krongoi nain sio, leka doho kotau isepun. ⁸ Saulus sekondrokng tanjak tana, ali meskipun matone tebuka, ise doho kotau one-one. Moko, ulunt-ulunt sio ngiritne ali kayakng ali ngowitne sinop ampe Damsyik. ⁹ Ali, seola tolu ondro, Saulus doho kate kotau ali lou doho kuman atau minum. ¹⁰ Ampe wayah sio, na'ant eraiulunt murid ba damsyik, bangarant Ananias. Tuhan Sundro ampene suakng eraiuwa pengotau, "Ananias!" Moko, Ananias montuh " Sina aku,Tuhan." ¹¹ Gane, Tuham montuh ampene, " Kuat ali tulaklah ampe lalant se waontuh lalant se bujur, ali ba lowu Yudas, petolah ulunt Tarsus se bengarant Saulus koe, pindalah, ulunt sio pentukng bedoa, ¹² Ali ise ukah kahalu eraiuwa pengotau bahwa se eraiulunt bengarant Ananias awi ali ngandak kanyakng ampe mundanne agar ise kate kotau mau." ¹³ Nmaun, Ananias njawab," Tuhan ,aku ukah krongoi ante deo ulunt tentang ulunt sina, betapa deone keda'atan se ukah ise lakukan tehadap umat kudus-Ko ba Yerusalem, ¹⁴ Ali ba ina ise pu'unt kuasa ante imam-imam pengutok agin membelenggu awis ulunt se ngitai ngarant-Ko." ¹⁵ Anta leka, Tuhan motuh ampene " Tulaklah koe ulunt sina siol;ah alat se Kupili agin ngowit ngarant-Ku ampe hadapatn bangsa-bangsa laint, ali raja-raja, baya bangsa Israel . ¹⁶ Ena, Aku anta menundrukan ampene betapa deone ise harus menderita demi ngarant-Ku." ¹⁷ Moko, Ananias tulak ali sinop ampe lowu sio, ali ukah ngandak kanyakngne anpe mundan Saulus ise montuh," Eraiuntukng Saulus Tuhan Yesus, se nimbulkan kompu ampeko suakng pengalantko peitu, ukah ngirimku agar iko kate kotau mau ali wa ponui ali Roh Kudus." ¹⁸ Gane, pentungk sio lou, sesuatu sara sisik-sisik esa latu ante matone ali ise kate kotau gane. Kemudian , ise kuat ali wabaptis, Saulus mulai memberitakan tentang Yesus ¹⁹ Ali , ukah kuman, Saulus wakuatkan. Ise sasama murid-murid ba Damsyik seola sesenu ondro. ²⁰ Ali, srek ise ngewarakatn Yesus ba sinagoge-sinagoge ali ngontuh, "Yesus siolah Anak Allah." ²¹ Ulep ulutn se krongoine takjub ali montuh, "Dohokah ise situ se naan ba Yerusalem membunu reo se nyambat ngaratn sio ali se ukah awi pe pitu dengan maksud ngoit reo suakng keadaan tessiret pe muka imam-imam utok?'' ²² Leka, Saulus njari kuat beta ali ngebingungkan ulutn-ulutn Yahudi se duloi ba Damsyik ali ngebuktikan bahwa Yesus siolah Kristus. Saulus lolos ante sesenu ulutn Yahudi ²³ Ukah genap sesenu ondro, ulutn-ulutn Yahudi besekongkol sesama agin nempate Saulus, ²⁴ leka pesengkokolan reo sio ukah waketau koe Saulus. Reo minda jawokng-jawokng gerbang kondro ali malopm agar reo kate ngebunune. ²⁵ leka murid-murid Saulus ngoitne ampe wayah malopm ali nengmangene nyendalo erai tembok ali njulurkanne pe biwe ba suakng erai keranjang. Saulus ba Yerusalem ²⁶ Desukng Saulus awi ba Yerusalem, ise ncoba agitn begambuh ali para murid. leka, reo awisne doho ronu ampe ise koe doho persaya bahwa ise siolah murid. ²⁷ Leka, Barnabas ngegandeng saulus ali ngoitne ampe para rasul, lalu ngisahkan ampe reo semone ise ukah minda Tuhan ba suakng perjalanan, ali bahwa Tuhan ukah bepander ampe ise, ali semone ise ronu ukah bepander suakng ngaratn Yesus ba Damsyik. ²⁸ Ali, Saulus sesama ali reo desukng reo sinop ali pekual anjak Yerusalem sambil bepander ali ronu suakng ngaratn Tuhan. ²⁹ Ise bepander ali bedebat ali ulutn Helenis, leka reo brusaha ngebunune. ³⁰ Desukng erai untukng-erai untukngne seiman ngetau hal situ, reo ngoitne mange pe Kaisarea ali ngutusne pe Tarsus. ³¹ Koe sio, jemaat ba awisne Yudea, ali Galelia, ali Samaria kahalu damai ali betumbu. Ali, wolupm suakng takut anta Tuhan ali suakng penghiburan Roh Kudus, reo trus betambah deo. Petrus ba Kota Lida ali Kota Yope ³² Pe wayah sio, pentukng Petrus ngeliungi awisne wilayah sina, ise lou ngunjungi ulutn-ulutn kudus se duloi ba Lida. ³³ Ba denan, ise kahalu eraikulutn se ngaratnne Eneas, se ukah nengkumbis ba wadah turuine seola walu taotn koe ise lumpuh. ³⁴ Lalu, Petrus ngontuh ampe ise, "Eneas, kristus Yesus ngeradukan iko. kuatdeh ali maehkan wadah turuiko!" Ali, desukng sio lou, Eneas kuat. ³⁵ Moko, ulep ulutn se duloi ba Lida ali saron mindane ali reo bepaling ampe Tuhan. ³⁶ Pentukng, ba Yope, naan seulutn murid wawe ngaratnne Tabita, se ena waartikan artine Dorkas. Ise ponu ali gawiatn se maeh ali ketuju ngumi sedekah. ³⁷ Pe ondro-ondro sio tenjarilah, ise manang ali mate. Lalu, desukng ulutn-ulutn ukah mondruskan ise, reo nengkumbis ba ruang ombo. ³⁸ Koe Lida naan ba riet Yope, Para murid, ukah krongoi bahwa Ptrus nan ba denan, ngutus rueh ulutn ampe Petrus ali memohon ampe ise, " Ai nunda tulak pe wadah kaitn!" ³⁹ Moko, Petrus bangkit ali tulak sesama reo. Ali, ise ampe, reo ngoit Petrus pe ruang ombo. Ulep walu sekondrokng ba rika Petrus sambil nyonyar, serta nunjukkan tunik-tunik ali pakayatn-pakayatn lainne se biasane waulah koe dorkas sewayah ise kia sesama ali reo. ⁴⁰ Leka, Petrus nyuyu reo ulep pekual, lalu belutut alu bedoa. kemudian, ise berpaling ampe mayat Tabita ali ise ngontuh, "Tabita, kuatdeh!" Lalu, wawe sio mbuka matone ali desukng ise minda Petrus, ise tungoh. ⁴¹ Moko, Petrus julurkan kayakng utokne ali ngawatne sekondrokng. Kemudian, sambil ngitai ulutn-ulutn kudus ali para walu, ise nunjukan bahwa Tabita wolupm. ⁴² Ali, kejadian sio tesebar ba awisne Yope, ali deo ulutn percaya ampe Tuhan. ⁴³ Moko, Petrus duloi sukup ola ba Yope sesama eraikulutn ngaratnne Simon, seulutn penyamak upak.