¹ Ali, Saulus pun setuju pembunuhan stefanus sio.Saulus binasakan jemaat ba Yerusalem wayah ondro sio , suatu penganiayaan se olai tejari tehadap jemaat ba Yerusalem, ali reo awis tebagi ampe darah-daerah Yudea ali Samaria, kecuali buhan rasul. ² Sesenu ulunt saleh ngelowokng Stefanus ali ngulah ratapan se semayo olaitehadapne. ³ Anta leka, Saulus berusaha membinasakan jemaat ali sinop ampe lowu demi lowu. Ise narik upo ali wawe , lalu nyerahkan reo ampe penjara. Filipus Ngumiberita ba Samaria ⁴ Gane, reo se ukah tebagi sio seliung sambil ngumiberita Injil. ⁵ Filipus mange ampe suatu kota ba Samaria ali ngumiberita tentang Kristus ⁶ Ali, ulunt deo ali eraiate ngilingi nyone se Filipus ontuh lau reo krongoi ali kotau tanda-tanda ajaib se ise lakukan. ⁷ Ena, roh-roh da'at pekual ante ulunt-ulunt se warasukine, sambil ngesiak ali nain moyo, baya deo ulunt lumpuh ali pincang se waparadu. ⁸ Koe sio, na'ant sukacita olai ba kotasio, ⁹ Namun, na'ant eraikulunt upo bengarant Simon se sebalumne ukah ngawi sihir ba kota ali ngulah kagum awis ulunt Samaria ali ngotuh bahwa ompune ulunt olai. ¹⁰ Awis ulunt, mulai tanjak ulunt paling isik ampe ulunt paling olai, montuh," Ulunt sina siolah kuasa kuasa Allah se waontuh" Olai". ¹¹ Moko, reo ngumi perhatian ampene koe ukah awis ola ise ukah ngulah reo takjub ali ilmu sihirne ¹² Namun, ukah ulunt-ulunt sio mempersaya Filipus se ngumiberita injil tentang Kerajaan Allah ali ngarant Kristus Yesus reo wa baptis, maeh upo maupun wawe. ¹³ Bahkan ,Simon saurang pesaya ali ukah ise wa baptis, ise tarus na'ant ba riyet Filipus, ali lau kotau babagai mukjizat ali tanda-tanda ajaib se tejari, ise ngulah takjub ¹⁴ Ampe wayah sio, lau rasul-rasul ba Yerusalem krongoi bahwa ulunt-ulunt Samaria ukah nrima firman Allah, reo ngirim Petrus ali Yohanes ampe ulunt-ulunt ba indo, ¹⁵ SE awi ali bedoa bagi reo supaya reo nrima Roh Kudus. ¹⁶ Ena, Roh Kudus balum mange mundan eraiuluntpun ante reo, reo ekat ukah wabaptis ba suakng ngarant Tuhan Yesus. ¹⁷ Gane, Petrus ali Yohanes ngandak kayakngne mundan reo ali reo nrima Roh Kudus. ¹⁸ Lau Simon koatau bahwa Roh Kudus waumi nyendalo ngandak kayakng rasul-rasul, Simon nawarakan duit ampe rasul-rasul sio, ¹⁹ Ali montuh,"Umi lou ampeku kuasa sina agar awis ulunt se ampene aku ngandak kayakngku anta nrima Roh Kudus." ²⁰ Anta leka, Petrus montuh ampe Simon, " Semoga duitko sio binasa sasamko koe iko bepikir iko kate ngahalu karunia Allah ali duit! ²¹ Iko beloh pu'unt bagian atau hak suakng hal sina koe ateko doho bujur ba hadapatn Allah. ²² Jari, betobatlah ante keda,atanko sina ali bedoalah ampe Tuhan agar, jaka mungkin, kenakant ateko kate waampuni ampeko. ²³ Ena, aku kotau bahwa iko na'ant basuakng empeduse pait ali suakng siretan keda'atan." ²⁴ Leka, Simon njawab ali montuh, "Bedoalah agitn aku ampe Tuhan agar nyone se ukah iko ontuh doho menimpa aku.'' ²⁵ Moko,seukah Petrus ali Yohanes besaksi ali bujur-bujur ali montuh firman Tuhan,reo murek ampe Yerusalem sambilngumiberita Injil ampe deo ulunt ja'a ulunt Samaria. Filipus Membaptis Ulunt Etiopia ²⁶ Kemudian, malaikat Tuhan sundro ampe Filipus, ontuhne," Kuatlah ali tulaklah ampe selatan, ampe lalant se mange ante Yerusalem nuju Gaza. lalant sio siolah lalant se suni," ²⁷ Filipus pun kuat ali tulak. Ali otau eraiulunt Etiopia, se sesiolah sada-sida ante eraiulunt pejabat pengadilan Sri Kandake, Ratu Kerajaan Etiopia. Ise bertangung jawab mundan awis harta sang ratu, Ise ukah awi ampe Yerusalem agin beribadah, ²⁸ Ali lau murek mbuli, sambil tungoh ba suakng keretane ali mbaca kitab Yesaya. ²⁹ Gane ,Roh montuh ampe Filipus," Tualak ali Bagabunglah ali kereta sio." ³⁰ Moko, Filipus monsit ampe kereta sio ali krongoi ulunt sio lau mbaca kitab Yesaya, Filipus mihirik ampene," Nyonekah tuan ngerti nyone se pentung tuan baca?" ³¹ Ali, ulunt sio njawab, " semone aku tau, kecuali seeraikulunt ngajarku?" Moko, ise mongket ali tungoh sasamane. ³² Ampe wayah sio, bagian ante Kitab Suci se pentung ise baca siolah sina, " Ise waowit sara eraikukui domba ampe wadah penyambalihan, ali sara eraikukui anak domba sabalum wagunting ulune membisu sehingga Ise doho mbuka wowa-Ne. ³³ Suakng kehinaan-Ne ,kedohoadilan wa epo paksa ante-Ne. Nyone se kate ngisah keturunan-Ne? ³⁴ Kemudian , sida-sida sio njawab ali montuh ampe Filipus," Aku Tindu ampeko, tentang isepoh sang nabi montuh sina, tentang kompune saurang atau tentang ulunt laint?" ³⁵ Lalu , Filipus mbuka wowane, ali muali ante Kitab Suci sina, ise bekotbah tentang Yesus ampene. ³⁶ Ali, lau reo tulak mulupui pengalant, reo ampe wa wadah se ngranu, ali sida-sida sio montuh," Pndalah , na'ant ranu ! nyone se ngehalangiku agin wabaptis?" ³⁷ [ Gane, Filipus montuh, "Jaka tuan pesaya ali seponu ate tuan, tuan bulih." Gane, ise njawab ali montuh,"Aku pesaya bahwa Kristus Yesus sioalh Anak Allah."] ³⁸ Kemudian, sida-sida sio nyuyu kereta sagin branai. Ali , reo berueh mange ampe ranu, Filipus ali sida-sida sio, gane Filipus membaptisne. ³⁹ Seukah reo berueh pekual ante ranu, Roh Tuhan mowit Filipus tulak ali sida-sida sio doho mindane mau, gane melanjutkan pengalantne sambil besukacita. ⁴⁰ Namun ,Filipus kahalu ompune na'ant ba Asdot , ali lau ise nyendalo daerah sio, ise ngumibrita Injil ampe awis kota ampe ise awi ba Kaisarea.