¹ Kemudian, Imam olai montuh," Nyonekah bujur semayo?" ² Ali, Stefanus montuh ," Eraiuntukng-eraiuntukng ali Uma-uma rongoi aku. Allah se Mahamulia timbul ampe itak datu ta'amp, Abraham, lau ise kiya na'ant ba Mesopotamia, sebalumise duloi ba Haran, ³ Ali montuh ampene," Tulaklah ante tana se anta Ketundru ampeko,' ⁴ Kemudian, Abraham ngikeh tana ulunt Kasdim ali duloi ba Haran.Ali tanjak indo , seukah umane mate, Allah nyuyune pindah anpe tana sina, wadah keletu iko duloi. ⁵ Namun, Allah deah ngumi warisan ampene, bahkan setapak tana pun deah ,leka bejanji agin ngumine ampe Abraham sbagai pu'untne ali keturunan seukah ise, meskipun Abraham beloh na'an anak. ⁶ Anta leka, Allah montuh saraitu, bahwa keturunanne anta menjari pengawi ba tana se asing ali bahwa reo anta wa perbudak baya waaniaya seola opat jatus taon. ⁷ Namun aku anta ngehukum bangsa se memperbudak ,' Ali, ukah sio reo anta pekual tanjak indo ali beibadah ampe-Ku ba wadah sina.' ⁸ Gane, Allah ngumi ampe Abraham perjanjian sunat moko Abraham njari uma Ishak ali nyuyune lau beumur walu ondro, ali Ishak njari uma Yakub, ali Yakub, kerueh belas uma lehuhur. ⁹ Koe iri ampe Yusuf, uma leluhur ta'ampnjualne ampe Mesir, Anta leka, Allah nyirik Yusuf, ¹⁰ Ali menyelamatkanne tanjak awis penderitaan, baya ngumine anugerah ali kebijaksanaan ba hadapant Firaun, Raja Mesir, se ngulahne njari pemimpin ombo Mesir ali awis istanane. ¹¹ Suatu lau, bencana melau tejari ba gawis Mesir ali Kanaann ,baya ngulah penderitaan se olai beta, ali itak datu ta'amp doho kate ngehalu pengokant. ¹² Anta leka , lau Yakub krongoi bahwa na'ant gandum ba Mesir, ise nyuyu itak datu ta'amp awi ampe indo agin pertam kaline. ¹³ Ampe kunjungan kerueh, Yusuf ngulah ompune waketahu oleh eraiuntungk-eraiutukngne, ali keluarga Yusuf njari jelas bagi Firaun ¹⁴ Ukah sio, Yusuf ngirim pesan ali ngundang Yakub, umane, ali awis sanak eraiuntukngne, awisne bejumlah 75 kompu. ¹⁵ Moko, Yakub mange ampe Mesir ali ise mate ba indo, ise ali itak datu ta'amp. ¹⁶ Tanjak indo, reo wa isat ampe Sikhem ali waumbis ba pengelowokng se ukah Abraham moli ali sejumlah duit tanjak anak-anak Hemor ba Sikhem ¹⁷ Anta leka , lau tambah riyet wayah perjanjian sio, se ukah Allah ikrarkan ampe Abraham , bangsa sio batambah ali walipotgandakan ba Mesir, ¹⁸ Ampe na'ant raja laint bangkit ombo awis Mesir, se doho tau tentang Yusuf. ¹⁹ Raja sio memperdaya bangsa ta'amp ali menganiaya itak datu ta'amp sehingga mamaksa reo ngumpi enja-enja reo sehingga reo doho kate betahan wolump. ²⁰ Ampe wayah sio , Musa waekuh ali ise sangat elok ba mato Allah, ali, Musa waasuh ba lowu umane seola tolu ulant. ²¹ Ali, lau ise ukah waumpi, putri Fiaun ngepone ali ngaduhne sara anakne saurang ²² Moko, Musa wadidik suakng awisne hikmat ulutn-ulutn Mesir ali ise bekuasa suakng pengontuh ali gawiatnne. ²³ Leka, desukng Musa genap umurne opat pulu taotn, timbul ba suakng ate ne agitn ngunjungi erai untukng- erai utunkng ne, sebone keturunan Israel. ²⁴ Ali, desukng minda sala erai ante reo wa lakukan dengan doho adil koe ulutn Mesir, Musa awi ngebela ulutn se waaniaya sio ali ngebalas ali nempate ulutn Mesir sio. ²⁵ Musa ngira bahwa erai untukng- erai untukngne anta ngerti bahwa Allah ngumi reo keselamatan nyendalo kompune, leka reo doho ngerti. ²⁶ Pe ondro brikutne, Musa awi ulutn Israel se pentukng babur, ali ise brusaha ngedamaikan reo, ali montuh, Hai, doho kah ikopm naan hubungan erai untukng, konone saling manang?' ²⁷ Leka, ulutn se manang erai untukngne sio mburu Musa pe rika sambil ngontuh, Ise se njarikan iko penguasa ali hakim ombo kaitn? ²⁸ nonekah iko kakan ngebunu ulutn mesir sio rape?' ²⁹ Krongoi pengontuh ulutn sio, Musa tulak ali njari se awi ba tana Midian. Ba denan, ise njari uma ante rueh ulutn anak upo. ³⁰ Ukah genap opat pulu taotn, seulutn malaikat ngenampakan ompu ampe Musa ba padang belantara gunung Sinai, suakng jilah apui ba semak duri. ³¹ desukng Musa minda ne, ise heran ali pengotauan sio. Ali, desukng ise ngeriyet agitn mindane, awi nain Tuhan, ³² 'Akulah Allah itak moyangko, Allah Abraham, ali Allah Ishak, ali Allah Yakub.' Musa pun tekeker ketakutan ali doho ronu agint ngotaune. ³³ Kemudian, Tuhan ngontuh ampe ise, Lepahkandeh capal ante po'oko koe wadah ba bone iko sekondrokng siolah tana suci. ³⁴ Aku tu'u -tu'u ukah minda penderitaan umat-Ku se naan ba Mesir ali ukah krongoi rintihan reo. Ali Aku ukah mange agitn ngawat reo. ali kletu ayudeh, Aku anta ngutusko pe Mesir.' ³⁵ Musa, se ukah reo tolak ali ngontuh, Ise poh se njarikan ko penguasa ali hakim ombo kaitn?' Ise siolah ulutn se Allah utus agitn njari, maeh penguasa nonepun pengawat, nyendalo kayakng malaikat se ngenampakan ompu ampe ise ba semak duri. ³⁶ ulutn situ memimpin reo pekual, sambil ngadakan mukjizat ali tanda-tanda ajaib ba tana Mesir, ali ba Laut Mea, ali ba padang belantara seola opat pulu taotn. ³⁷ Musa situlah se ngontuh ampe bangsa Israel,' Allah anta ngebangkitkan gin iko seulutn nabi sara aku ante rokakng erai untukng-erai untukngko.' ³⁸ Ise situ siolah se naan ba rokakng jemaat ba padang belantara sesama malaikat se montuh ampe ise ba gunung Sinai, ali sesama itak moyang taapm, ali ise ukah nerima firman se wolupm agitn waberitakan ampe taapm. ³⁹ Itak moyang taapm deah agitn taat ampe Musa, leka nyingkirkanne ali kakatn mulek pe Mesir suakng ate reo, ⁴⁰ ali ngontuh ampe Harun, Ulahkan kaitn dewa-dewa se anta malatn ba muka kaitn koe Musa situ, se mimpin kaitn pekual anjak tana Mesir, kaitn doho tau none se ukah tenjari ampe ise.' ⁴¹ Ampe wayah sio, reo ngulah erai patung anak sapi, ali ngumi persembahan ampe berhala sio, serta besorak-sorai ali gawian-gawian kayakng reo. ⁴² Leka, Allah bepaling ante reo ali ngebiarkan reo nyembah bala tentara langit, sara se watulis suakng kitab para nabi, ' Nonekah iko ngoit ampe-Aku binatang sembalihan ali persembahan seola opat pulu taotn ba padang belantara, hai umat Israel? ⁴³ Iko ngoit kemah Molokh ali bintang dewako, Refan, patung se iko ulah agitn nyembahne ali Aku anta ngumpi pe sebarang Babel.' ⁴⁴ Itak moyang taapm pu'utn Kemah Kesaksian ba padang belantara, sara se Allah suyu desukng bepander ampe Musa, agitn ngulahne sesuai ali gambaran se ukah ise minda. ⁴⁵ Ukah nerima kemah sio, itak moyang taapm ngoitne sinop sesama Yosua, wayah perabut tana reo Allah umpi ante muka itak moyang taapm, ampe pe zamatn daud. ⁴⁶ Daud kahalu tuasi karunia ba muka Allah ali nindu agitn kahalu wadah duloi agitn Allah Yakub. ⁴⁷ leka, Salomo se ngebangun erai lowu gin Ise. ⁴⁸ leka, se Maha ombo doho duloi suakng lowu se waulah koe kayakng meresia, sara se waontuh koe nabi, ⁴⁹ Langit siolah takhta-Ku ali bumi iselah tumpuan po'o-Ku. Lowu nonekah se anta iko ulah gin-Aku? Allah berfirman, atau, none kah wadah Aku umbis? ⁵⁰ dohokah kayakng-Ku se ngulah awisne situ? ⁵¹ Hai iko ulutn-ulutn se utokne koroi, ali ate li telingo se doho besunat, iko slalu ngelawan Roh kudus, sara se waulah koe itak moyangko! ⁵² Nabi-nabi bone se doho wasiksa koe itak moyangko? Ali, reo ngebunu ulutn-ulutn se sebalupmne ukah ngewarakatn pengawi sang Ketu'uan, se kletu ukah njarikan kompuko saurang sebagai penghianat ali pembunu. ⁵³ Iko, se ukah nerima Hukupm Taurat sara ukah wa pakampe koe buhan malaikat, leka iko doho njagane!" Stefanus Wabunu ⁵⁴ Desukng reo krongoi hal-hal situ, ate reo wajijik ali ngertakan kukut reo tehadap stefanus. ⁵⁵ Leka, Stefanus se waponu koe Roh Kudus minda pe langit ali minda kemuliaan Allah, ali Yesus sekondrokng ba rika kanan Allah. ⁵⁶ Stefanus montuh, rongoi! Aku minda langit wabuka ali anak mersia sekondrokng ba rika kanan Allah." ⁵⁷ Leka, reo ngesiak-siak ali nain se moyo beta, ali nolop telingo reo, baya sepakat nyerbu Stefanus. ⁵⁸ lalu, reo nyeretne pe kual ante kota ali muli nimbaine ali watu. Ukah sio, para saksi mato ngelepah jubah reo ba po'o seulutn bujakng ngaratnne Saulus. ⁵⁹ Ali, reo trus ngejijik Stefanus se pentukng beseru ali ngontuh, Tuhan Yesus terimadeh rohku." ⁶⁰ Kemudian, ukah belutut, ise ngesiak ali nain se moyo beta, Tuhan, ai ngandak dosa situ ampe reo! Ali, ukah ngontuh sio ise pun mate.