¹ Wayah sio, ba Kaisera, naan eraikulutn ngaratnne Kornelius, seulutn perwira ante none se waontuh pasukan Italia, ² Ulutn saleh se takut anta Allah, semayo lou ali ulep ulutn se naan ba lowune, ali ngumi deo sedekah ampe ulutn-ulutn se slalu bedoa ampe Allah ta'ala. ³ Wayah nayap , sekitar jam kesiye ondro sio, ise kotau alie jelas suakng erai pengotau, eraiulunt malaikat Allah awi ali montuh ampene," Kornelius!" ⁴ Gane, ise minda malaikat sio ali ketakutan ali montuh," Nyone sina,Tuan?" Ali, malaikat sio montuh ampene," Doa-dioko ali sedekah-sedekahko ukah mongket sebagai suatu peringatan ba hadapatn Allah. ⁵ Keletu, suyulah ulunt-ulunt ampe Yope ali itailah se eraiuntukng bengarant Simon , se lou wa ontuh Petrus, ⁶ Ise duloi sasama ali eraiulunt penyamak upak bengarant Simon, se lowune na'ant ba pinggir laut." ⁷ Pentukng malaikat se sundro ampene ukah tulak, Kornelius ngitai rueh ulunt pelayanne ali eraiulunt tentara se saleh ante rokakng ulunt-ulunt se bungka melayani keperluan pribadine, ⁸ Ali ukah njelaskan segala sesuatu ampe reo, ise nyuyu ampe Yope. ⁹ Ampe ondro dilone, lau reo pentukng suakng pengalant ne ali ngiriyet kota sio, petrus mongket ampe ombo sapo lowu, sekira jam keonom, agin bedoa. ¹⁰ Gane ,ise kinam melau ali kakant kuman,leka lau ulunt-ulunt pentukng menyiapkan pengokan ,Petrus kahalu erai pengotau, ¹¹ Ali ise kotau langit tebukaali sesuatu sara kain se lebar beta mange aliteulur ante keopat sudutne ampe pe tana. ¹² ba suakngne ,na'ant segala jenis bnatang bepo'o opat,ali bnatang-bnatang melata ba bumi,ali pumpulu-pumpulu ba udara. ¹³ Kemudian , awilah naint montuh ampene, " Kuatlah, petrus, sembalihlah ali kumanlah!" ¹⁴ Anta leka,Petrus montuh," Doho, Tuhan. Ena, aku doho suah kuman nyone pun se haram atau najis," ¹⁵ Ali, naint sio montuh gane ampene agin kerueh kaline," Nyone se ukah Allah tahirkan, Ai sekali-kali iko ontuh haram." ¹⁶ Hal sina tejari tolu kali ali tiba-tiba awis sio teengkat ampe langit. ¹⁷ Lau sio desung Petrus kiya bingun beta mikirkan nyone arti pengotau se ukah wa otaune sio, timbulah ulunt-ulunt se wakiripm oleh Kornelius lau meto tau ba one lowu Simon, sambil sekondrokng ba muka jawokng gerbang, ¹⁸ Ali sambil ngitai, reo mihirik nyonekah Simon, se waontuh Petrus, baya ba indo. ¹⁹ Desukng Petrus lau mikirkan pengotaune sio, roh montuh, Roh montuh ampene, " Pindalah ,na'ant tolu ulunt upo se pentukng metoko. ²⁰ Kuat ali mangelah, tulaklah sasama reo doho ragu koe aku ukah ngirim reo," ²¹ Gane Petrus mange ampe ulunt-ulunt sio ali montuh, " Pinda, akulah ulunt se iko peto. Nyone alasan pengawiko?" ²² Reo montuh , " Kornelius, eraiulunt perwira, ulunt bujur ali takut anta Allah, ae tekenal maeh ba rokakng awis bangsa Yahudi, ukah wa ingatkanoleh malaikat kudus agin nyuyuko awi ampe lowune ali krongoi pengontuhko." ²³ Petrus ngundang reo sinop ali ngumi reo tumpangan ba situ. Ondro dilone, ise kuat ali tulak sasama reo, ali sesenu eraiuntukng seiman ante Yope ngehaline. ²⁴ Wayah ondro berikutne, reo mesinop Kaisarea. Kornelius ukah ngadre-ngandre reo ali ukah ngumpul sanak eraiuntukng baya kawan-kawan riyetne. ²⁵ Lau Petrus sinop ,Kornelius nengkawokngne, lalu belutut ba po'o Petrus ali menyembahne. ²⁶ Anta leka, petrus mbantune sekondrokng samil montuh, " Sekondroknglah! Aku ekat se ereiulunt meresia lou." ²⁷ desukng Petrus sundro ali Kornelius, Petrus sinop ampe suakng ali kawokng na'abt deo ulunt bekumpul sasama. ²⁸ Gane, Petrus montuh ampe reo ," Iko tau bahwa siolah kekejian bagi ulunt Yahudi agin behubungan ali nengkawokng ulunt doho Yahudi, leka Allah menundrukan ampeku bahwa aku doho seharusne ngontuh ise pun haram ali najis. ²⁹ Siolah enane, aku doho keboyatan lau iko nyuyuku awi. Koe sio, aku mihirik agin alasan one iko ngitaiku?" ³⁰ Ali, Kornelius montuh, "Opat ondro se ukahampe jam sina, ampe jam kesiye, aku desukng bedoa ba lowuku, ali pindalah, na'ant se eraiulunt sekondrokng ba hadapanku makai baju se bekilauan. ³¹ Gane, montuh, Kornelius, doako ukah warongoi ali sedekahko ukah wa ingat ba hadapan Allah. ³² Oleh koe sio, suyulah ampe Yope ali tindulah Simon se waontuh Petrus agin awi. Ise desukng menumpang ba lowu Simon, eraiulunt penyamak upak, ba pinggir laut.' ³³ Koe sio , aku laju nyuyu ulunt ampeko, ali iko ukah bamaeh ate kakant awi. Keletu, ta'mp awis na'ant ba ina, ba hadapan Allah, agin krongoi segala sesuatu se ukah wa sunyu ampeko oleh Tuhan." Petrus Ngumiberita Injil ba Lowu Kornelius ³⁴ Gane, Petrus mbuka wowane ali montuh, " Keletu, aku bujur-bujur ngerti bahwa Allah doho menundrukan keberpihakan. ³⁵ Namun. ba tiap bangsa, ulunt se takut anta se bujur, bekenan ampe-Ne. ³⁶ Firman se Allah kampekan ampe bangsa Israel ngumiberita habar maeh damai sejahtera nyendalo Kristus Yesus, Iselah Tuhan ombo gawisne. ³⁷ IKo saurang tau peristiwa se ukah tejari ba awis Yudea, mulai tanjak Galilea, ukah baptisan se Yohanes beritakan. ³⁸ Iko tau Yesus, Ulunt Nasaret, semone Allah mengurapi-Ne ali roh kudus ali kuasa. Ise tulak nyiliukng melakukan kemaehan ali meradu awis ulunt se wa tindas oleh roh da'at koe Allah baya Ise. ³⁹ Kaint siolah saksi-saksi ante awis hal se ukah Yesus lakukan maeh badarah ulunt Yahudi maupun ba Yerusalem. Reo ukah membunu Yesus ali menggoteng-Ne ba ombo kayu salib. ⁴⁰ Namun, Allah membangkitkan-Ne wayah ondro se ketolu ali memperkenankan Ise agin menimbulkan ompu, ⁴¹ Doho anpe awis ulunt, leka ampe kaint, saksi-saksise ukah wapili oleh Allah sabalumne, se kuman ali minum sasama-Ne ukah Ise bangkit ante rokakng ulunt mate. ⁴² Ali, Ise nyuyu kaint agin ngumitau ampe ulunt-ulunt se besaksi ali bujur-bujur bahwa Iselah se wa tetapkan oleh Allah sebagai Hakim mundan se wolump ali se mate. ⁴³ Bagi Ise, awis nabi besaksi bahwa tiap ulunt se pesaya ba suakng-Ne anta nerima pengampunan dosa nyendalo ngarant-Ne." Allah Menundrukan bahwa Ise Menerima Awis Ulunt ⁴⁴ Desukng Petrus kiya ngontuh pengotuh sio, Roh Kudus mange ampe mundanawis se krongoi firman sio. ⁴⁵ Ali, ulunt-ulunt pesaya se besunat, seawi sasama Petrus, takjub koe karunia Roh Kudus ukah wacurahkan, lou ampe bangsa-bangsa laint. ⁴⁶ Ena, Reo krongoi ulunt-ulunt sio sundro suangk bebagai basa ali memuliakan Allah, Gane,Petrus montuh, ⁴⁷ " Dohokah beloh na'ant eraiulunt pun se kate ngehalangi ranu agin wabaptis ampe ulunt-ulunt se ukah nerima Roh Kudus sama sara ta'amp sina?" ⁴⁸ Moko, Petrus nyuyu reo agin wabaptis ba suakng ngaratn Kristus Yesus. Desung, ulunt-ulunt sio tindu agar Petrus duloi sasama reo seola sesenu ondro.