¹ Moko, Agripa montuh ampe Paulus, " Iko wa ijnkan sundro agin membela ompu."Kemudian paulus merentakngkan kayakngne ali nyatakan pembelaanne. ² sesuai ali awis hal se wa dawakan ampeku oleh ulunt-ulunt Yahudi, aku nganggab ompuku beruntukng, Raja Agripa, koe aku anta nyatakan pembelaanku ba hadapanko ondro itu, ³ Khususne koe iko siolah uluht se bujur-bujur tau gawis kebiasaan ali persoalan ba rokakng ulunt-ulunt Yahudi. Koe sio , aku tinddu ampe iko agin ngoroikan aku ali sabar. ⁴ Gawis ulunt Yahudi tau cara wolumpku tanjak masa bujakngku, se tanjak mula nenggawis wolumpku ba nonga-nonga bangsaku saurang ali ba Yerusalem. ⁵ Koe ukah ola reo tau, reo kahalo besaksi bahwa aku wolump sesuai ali ajaran kelompok se paling sadis ante agama ta'amp, aku wolump ali ulunt Farisi. ⁶ Ali keletu, aku sekondrokng ba ina agin wa adili koe pengharanku anta janji se wajarikan Allah ampe itak datu ta'amp. ⁷ Janji sinalah se waharapkan oleh ke rueh belas suku bangsa ta'amp kate tecapai, Desukng reo nyembah Allah ali bujur-bujur kondro ali malomp. Ali, koe pengharapan sinalah aku wadawa olehulunt-ulunt Yahudi ,ya Raja. ⁸ Konone iko anggab mustahil bahwa Allah membangkitkan ulunt mate? ⁹ Koe siolah, aku saurang ngira bahwa aku harus melakukan deo hal se nentang ngarant Yesus tanjak Nasaret. ¹⁰ Ali , siolah se aku lakukan ba Yerusalem. aku doho ekat mesinop ulunt-ulunt kudus pe suakng penjara,ukah nrima suyuan ante imam-imam pengutok , leka lou lau reo wahukum mate aku menyetujuine. ¹¹ Gane , aku tuhuk ngehukump reo ba sinagoge-sinagoge ali berusaha maksa reo agin menghujat ,mengutuki ngarant Yesus ,Ali ,kemarahan se sangat olay tehadap reo , bahkan ampe pekota-kota asing." Paulus Bekisah tentang Pertemuanne ali Yesus ¹² Agin maksub sio lou, aku pentukng suakng pengalant pe Damsyik, ali suyuan ali penugasan ante imam-imam pengutok. ¹³ Lau nonga ondro, ya Raja, ba nonga pengalanku, aku kotau suatu cahaya ante langit, lewi tarakng antepada mato'ondro, se se bersinar seliukngku ali ulunt-ulunt se malant sesamaku. ¹⁴ Gane, lau kain awis tersungkur ba mundan tana, aku krongoi suatu naint montuh ampeku suakng basa Ibrani, 'Saulus,Saulus, konone iko menyiksa Aku? ngalih bagiko agin menentakng galah rangsakng.' ¹⁵ Gane aku mihirik, 'Isepoh Iko,Tuhan ?'Kemudian, Tuhan njawab,' Aku Yesus, se lau iko siksa. ¹⁶ Namun,kuat ali sekondroknglah ali po'oko. Ena aku ukah metendre ompu ampekoagin tujuan sina , sesio seulunt pelayan ali saksi, doho ekat agin hal-hal se ukah iko otau, leka lou agin hal-hal se anta aku tundrukan ampeko. ¹⁷ Aku anta menyelamatkanko ante bangsako sina tanjak bangsa-bangsa laint, se otok reo aku ngirimko. ¹⁸ Agin mbuka mato reo sehingga reo babalik tanjak siromp ampe tarakng ali ante kuasa iblis ampe Allah agar reo nerima pengampunan mundan dosa-dosa baya nerima bagian ba rokakng ulunt-ulunt se ukah wakuduskan oleh iman ba suakng Aku," Paulus Njelaskan Pekerjaanne ¹⁹ " Moko, Raja Agripa, aku doho suah dodo taat tehadap pengotau surgawi sio, ²⁰ Leka ,mula-mula aku ngumiberitane aampe reo se na'ant ba Damsyik,gane ba Yerusalem ali ba gawis daerah Yudea, lou ampe bangsa-bangsa laint, bahwa reo harus betobat ali babalik ampe Allah, ali melakukan perbuatan-perbuatan se sesuai ali pertobatan reo. ²¹ Siolah enane, ulunt-ulunt Yahudi ngerungkupku ba Bait Allah ali berusaha mbunuku. ²² Ampe ondro itu, aku ukah nerima pertolongan ante Allah hingga aku sekondrokng ba ina agin besaksi, maeh ampe ulunt-ulunt idik maupun ulunt-ulunt olai se doho ngotuh hal laint, Kecuali nyone se waontuh oleh buhan nabi ali Musa tentakng se anta tejari, ²³ Bahwa Kristus harus menderita ali bahwa, ali alasan njari se mula bangkit ante ukunt mate, Ise anta ngumiberita tarakng, maeh ampe ulunt-ulunt Yahudi maupun ampe bangsa-bangsa laint." Paulus Berusaha Menyakinkan Agripa ²⁴ Pentukng Paulus kiya mekampe hal-hal suakng pembelaanne Festus montuh ali naint muyo, " Paulus iko ukah gila! Pengetauku se deo beta sio mbuatko doho waras." ²⁵ Namun, Paulus njawab," Se Mulia Festus, aku doho gila, leka aku nekampe kebenaran ali pengontuh se sinop akal. ²⁶ Ena,Raja ngetahu hal-hal sina ali ampene aku lou sundro ali ronu. Ena, aku yakin bahwa doho na'ant erai pun ante hal-hal sina se tekikeh ante perhatianne koe sina doho tejari ba tempat se tepencil. ²⁷ Raja Agripa, nyonekah iko mempercayaine buhan nabi? Aku tau iko pesaya." ²⁸ Raja Agripa montuh ampe Paulus," Suakng wayah se idok, iko ukah meyakinkan aku agin njari ulunt Kristen." ²⁹ Gane, Paulus njawab," Aku tindu ampe Allah agar laju atau lambat, doho ekat iko.lek lou awis ulunt se krongoiku ondro itu, kate njri sara aku, kecuali rantai-rantai sina." ³⁰ Kemudian, raja sekondrokng lou gubernur, Bernike, ali awis ulunt se tungoh sesama reo. ³¹ Gane , pentukng re ngikeh ruangan sio , reo sundro erai samalaint," Ulunt sina doho melakukan nyone pun se pantas wa bandingkan ali hukuman mate atau penjara." Moko Agripa montuh ampe Festus," Ulunt sina ukah bulih wabebasakan mongket bandikng ampe Kaisar."