¹ Ukah waputuskan bahwa kaint anta belayar pe Italia, reo nyerahkan Paulus ali sesenu tahanan laint ampe seulunt perwira pasukan Agustan, se bengarant Yulius. ² Kaint pombo pe eraiuwa kapal ante Adramitium se anta laju belayar pe bebagi pelabuhan ba seatah pantai Asia, Kaint belayar wakawani oleh Aristarkhus, ulunt Makedonia ante Tesalonika. ³ Wayah ondro berikutne, kaint awi ba Sidon. Yulius perlakukan Paulus ali ponu perhatian ali membiarkan Paulus nengkawokng kawant-kawant ne agin ngurus keperluan Paulus. ⁴ Tanjak indo, kainttulak ali belayar nyendalo Siprus koe riwut nywui belawanan arah. ⁵ Ukah kaintukah belayar nyendalo pantai ba seatah pantai kilikia al Pamfilia , kaint awi ba Mira ba Likia. Ba indo, perwirasio kawokng eraiuwa kapal ante Aleksandria se pentukng belayar pe Italia, moko ise ngsatkan kaint pe kapail sio. ⁷ kaint belayar ali lambat ,seolaa sesenu ondro kaint awi ba Knidus. Koe riwut doho memungkinkan kaint agin tuilak lewi oro, kaint belayar mulupui pantai Kreta pe nuju tanjung Salmone. ⁸ Kaint berlayar nyendalo tanjung sio ali ngalih beta ali ampe ba erai wadah bengarant Pelabuhan Maeh, se na'ant ba riyet kota Lasea. ⁹ Koe kaint menyadari kewawiaan deo waktu, ali lau keletu,pengalan laut sio bebahaya koe wayah puasaulunt Yahudi ukah nyendalo, Paulus nasehati reo. ¹⁰ Ali montuh ampe reo, eraiuntukng- eraiuntukng, aku kotau bahwa pelayaran sina anta wasirik ali kerusakan ali kerugian olai, doho ekat muatan ali kapalne, leka lou sengo ta'amp," ¹¹ Namun, perwira sio lewi pesaya ampe nokhoda ali pu'unt kapal antepada pengontuh Paulus. ¹² Koe doho maeh duloi ba pelabuhan sio seola musim rongin, sebagian olai ulon ketuju agin tulak belayar tanjak indo ali kalau-kalau reo kahalu ncapai Feniks, erai pelabuhanba Kreta, Se ngehadap pe tuju barat daya ali barat laut, ali duloai ba indo seola misn rongin. Riwut se daras beta Menerpa Kapal Paulus ¹³ Lau riwut sepoi-sepoi siwui ante selatan, reo bepikir bahwa ukah mencapai tujuan reo. Koe sio reo narik jangkar ali belayar ba seatah pantai Kreta. ¹⁴ anta leka,doho ola kemudian, riwut sara tliho, se waontuh Euroklidon , wasiwui ante pulau sio. ¹⁵ Lau kapal kaint kono oleh riwut sio ali doho sanggup amo ngehadapi haluanne , kaint nyerah ali membiarkan kapal kaint terombakng-ambikng. ¹⁶ Pentukng kaint bagarak melupui pulau halus se bengarant Kauda, ali ngalih beta kaint kahalu mengendalikan sekoci kapal kaint. ¹⁷ Seukah awak kapal menggerek sekoci pe mundan kapal, reo maaki tali-tali pembantu agin memperkuat kapal sio koe reo takut terdampar ba Sirtis, reo memangekan alat-alat kapal sehingga membiarkan kapal reo terombakng-ambikng. ¹⁸ Wayah ondro berikutne, koe kaint waombakng-ambikngali terjangan badai semayo hebat.ulunt-ulunt muali ngumpi muatan kapal. ¹⁹ Ali , wayah ondro se ketolu, reo ngumpi alat-alat kapal ali kanyakng reo saurang. ²⁰ Koe maeh matoondro maupun bintakng-bintakng doho timbul seola sesenu ondro ali badai se doho idik nerjakng kaint, lenyaola awis harapan kaint agin waselamatkan. ²¹ Koe deo ulunt ukah tulak awis ola beloh pengokan, Paulus sekondrokng ba nonga-nonga reo ali montuh, Eraiuntukng-eraiuntukng, seharusne iko nuruti nasehatku ali doho belayar ante Kreta hingga ngalami kerusakan baya kerugian sara sina. ²² Namun keletu, aku nunjul iko agin tatap sabar koe ba rokakngko doho na'ant se anta kewawaian nywane, kecuali ekat kewawaian kapal. ²³ Ena , ende malomp, na'ant malaikat Allah , se pu'unt aku ali se aku sembah sekondrokng ba hadapanku, ²⁴ Sambil montuh,'Ai takut, Paulus iko harus sekondrokng ba hadapant Kaisar.Ali pinda, Allah ukah bermurah ate ampeko ali awis ulunt se belayar sesamako,' ²⁵ Koe sio eraiutukng-eraiuntukng, sabarkan ateko koe aku pesaya basuakng Allah bahwa awis anta tejari sara se ukah waumitau ampeku. ²⁶ Namun, ta'amp harus tedampar ba eraiuwa pulau ²⁷ Anta leka, wayah malop keopt belas pentukng kaint kiya terombakng-ambikng -seatah laut Adri kira-kira nonga malomp buhan awak kapal ndunga bahwa reo lau ngeriyet daatan. ²⁸ Reo ngului watu duga ali kawokng bahwa ke longsopan ranune rueh pulu dapa. Lau , reo maju didik mao, reo murek numbuk watu duga ali ngetau kelonsupan ranune dimo belas dapa. ²⁹ Koe kaint takut anta kandas ba watu karankng reo ngului opat jangkar ante buritan ali bedoa agar ondro laju kondro. ³⁰ anta leka, desukng sesenu awak kapal berusaha agin melarikan diri anri kapal ali ukah ngului sekoci pe laut ali berpura-pura ngului jankar -jangkar ante haluan. ³¹ Paul montuh ampe perwira sio ali buhan Prajuritne," Jaka ulunt-ulunt sio doho duloi ba suakng kapal, iko doho kate waselamatkan. ³² Ukah sio ,Para prajurit notok tali sekoci ali membiarkan mandor. ³³ Lau subuh hampir awi, Paulus tidu reo awis agin ngepo sesenu pengokan, ali montuh," Ondro sina siolah ondro keopat belas iko tarus-menerus na'ant ba suakng ketegangan ali menahan mlau koe doho kuman nyone pun. ³⁴ Koe sio, aku tinduko agin ngepo sesenu pengokan demi keselamatanko.Ena, doho na'ant sewente walo pun anta wawai ante rokakng iko." ³⁵ Ukah ngotoh hal sio, paulus ngepo wadai, ali ngucap syukur ampe Allah ba hadapant reo, menempeha-nempehakan wadai sio ali mulai kuman. ³⁶ Moko, reo awi wa teguhkan atene ali reo saurang lou kuman. ³⁷ Jumlah kaint awis se na'ant ba suakng kapal na'ant 276 ulunt. ³⁸ Ukah kuman ampe wosikng, reo meringankan kapal ali ngumpi gandum pe laut. Kapal hannsur ali Awis Penumpang Selamat ³⁹ Lau ondro muali kondro, reo doho ngetau na'anne daratan, leka reo memperhatikan eraiuwa teluk se bepantai, wadah reo memtuskan kapal melabuh kapal ba ina jaka memungkinkan. ⁴⁰ Moko ukah nimbai jangkar-jangkar, reo ngikene ba suakng laut, ali ba wayah se sama, melepah tali-tali kemudian menaikan layar ba bagianmuka kapal agr riwut ngowit reo ampe pe pantai. ⁴¹ Kakant leka, kapal tesangkut karakng ba wadah kawokngne rueh laut sehingga kapal kandas. Haluan kapal tesangkut ali doho kate begarak, pentukng buritan kapal hansur koe hantaman gelombakng, ⁴² Buhan prajurit pu'unt rencana agin membunu buhan tahanan agar doho eriaulunt pun sengkubukng ali melarikan diri. ⁴³ Namun, perwira sio , berharapkate menyelamatkan Paulus, mencegah rencana reo, Ise nyuyu agar ulunt-ulunt se kate sengkubukng agin melompat lewi ponoh ante kapal ali nuju pe daratan. ⁴⁴ ali, sisane na'ant lou se gunakan benda-benda laintne ante kapal. ali demikian, awis ulunt ampe pe daratan ali selamat