¹ Tolu ondro kemudian, Festus awi ba Propinsi sio, ukah ise tulak ante Kaisarea pe Yerusalem. ² Imam-imam pengutok ali buhan pemimpin Yahudi ngontuh finahan ngelawan Paulus, ali reo tarus memaksa Festus, ³ Sambil tindunebemurah ate tehadap reo ali nyuyuulunt ngowit Paulus pe Yerusalem ,ukah reo merencanakan sekongkol agin membunu Paulus ba nonga pengalant. ⁴ Festus njawab bahwa Paulus anta tatap wa tahant ba Kaisarea ali bahwa ise saurang anta awi pe indo selajune. ⁵ " Moko", ontuhne, " no'onka buhan pemimpin ba rokakng iko mange pe indo sesamaku se sala ali ulunt sio, no'noka reo se ngajukan tuntuttanne tehadap reo." ⁶ Ukah Festus duloi ba rokakng reo doho lewi ante walu atau sepuluh ondro, ise murek pe Kaisarea. Lalu ondro dilone ,ise tungoh ba kursi pengadilan ali nyuyu agar Paulus waowit pe hadapantne. ⁷ Lau paulus awi, ulunt-ulunt Yahudi se mange anye Yerusalem sekondrokng ba seliungne ali mengajukan deo tuduhan se boyat ngelawan Paulus, se doho sanggup reo buktikan. ⁸ Desukng sio,Paulus nyatakan pembelaanne," aku doho melakukan kesalahan nyone pun se ngelawan, maeh Hukum Taurat Yahudi, Bait Allah, maupun Kaisar." ⁹ Kakant leka, koe anta nyanangkan ulunt-ulunt Yahudi ,Festus montuh ampe Paulus , " Nyonekah iko besedia mongket pe Yerusalem ali wa adili ba hadapantku mundan tuduhan-tuduhan sina?" ¹⁰ Namun,Paulus montuh, " Aku pentukng sekondrokng ba hadapan pengadilan Kaisar, wadah seharusne aku wa adili. Aku doho besala nyonepun tehadap ulunt-ulunt Yahudi sara se iko saurang ketau. ¹¹ Jari, jaka aku se basala aku ngelakukan sesuatu se pantas wa hukum mate sio.Namun ,jaka tuduhan reo tehadapku beloh na'ant se bujur, beloh na'ant seuluntpun se kate nyerahkan aku ampe reo. Moko aku mengajukan banding ampe Kaisar." ¹² Kemudian, ukah Festus berunding ali Sanhedrin, ise njawab, "Iko ukah mongket banding ampe kaisar, moko ampe kaisar iko harus tulak," Festus Mihirik ampe Raja Agripa mengkono Paulus. ¹³ Ukah sesenu ondro belalu,Raja Agripa ali Bernike awi ba Kaisarea agin ngumi penghormatan ampe Festus. ¹⁴ Desukng reo duloi ba indo seola sesenu ondro, Festus njelaskan tentang kasus Paulus ampe raja, ontuhne,' Na'ant se eraiulunt se waikeh sebagai tahanan oleh Feliks. ¹⁵ Lau aku na'ant ba Yerusalem imam-imam pengutok ali tuo-tuo Yahudi mekampe tuduhan-tuduhan ngelawanne ali tindu agar ise wa hukym. ¹⁶ Aku njawab reo bahwa dohokah suatu bebiasaan bagi ulunt Roma agin nyerahkan se eraiulunt sebalum tertuduh kawokng ali buhan penuduhne, wae ali wae, ali ise waumi kesempatan agin ngulah pembelaan tehadap tuduhan-tuduhan tersebut. ¹⁷ Moko, lau reo awi bekumpul baina, aku doho nunda kasus sina, leka ondro dilone, aku tungoh ba kursi pengadilan ali memerintah agar ulunt suio waowit ngehadapku. ¹⁸ Lau buhan penuduhne sio sekondrokng, reo doho mekampe tuduhan-tuduhan da'at sara se aku bayangkan. ¹⁹ Kakant leka, reo ekat pu'unt sesenu kedoho setuju ali ulunt sio tentang agama reo saurang ali tentang se eraiulunt bengarant Yesus, seukah mate, se Paulus tegaskan bahwa Ise wolump. ²⁰ Koe aku bingun saraone memeriksa awis sina, aku mihirik nyonekah ise kakant tulak pe Yerusalem ali wa adili ba indo agin kasus sina. ²¹ Namun, lau Paulus mongkey banding agin watahant ali ngandre keputusan Kaisar, aku nyuyu agar ise tatap wa tahant ampe aku kate ngirimne ampe Kaisar. ²² Gane ,Agripa montuh ampe Festus," Aku lou kakant krongoi saurang sio," Dilo," Festus montuh, Iko anta krongoine." ²³ Moko, pe ondro berikutne, Agripa ali Bernike awi ali segala kemegahanne ali sinop pe ruakng pengadilan sesama buhan pasukan tantara ali pemimpin-pemimpin kota sio , kemudian sesuai ali suyu Festus Paulus wa owit sinop. ²⁴ Festus montuh," Raja Agripa ali awis se hadir sesama kaint baina. Pindalah ulunt sina, se watindu oleh awisulunt Yahudi ampeku, maeh se na'ant ba Yerusalem maupun se na'ant baina, ali ngesiak-ngesiak bahwa ulunt sina seharusne doho bulihwolump lewi ola mao. ²⁵ Anta leka, aku kawokng bahwa ise doho ngelakukan nyone pun se setimpal ali hukuman mate. ali lau ise mongket bandikng ampe se mulia, aku memutuskan agin ngirimne ampe Kaisar. ²⁶ Namun,aku doho pu'unt sesuatu se pasti agin watulis ampe tuanku, koe sio, aku ukah ngowit ulunt sina ba hadapantko awis, ali khususne ba hadapant iko ,Raja Agripa. Ali semayo , ukah pemeriksaan sina wana'antkan, aku pu'unt sesuatu agint watulis. ²⁷ ena, sarane doho makul akal bagiko agin ngirim eraiulunt tahanan doho mengajukan tuduhan-tudihan se jelas tehadapne."