¹ kemudian, sesenu ulutn mange anjak Yudea ali ngajar erai untukng-eraiuntukng seiman, " Ena iko doho besunat sesuai adat istiadat Musa Ulutn-ulutn anjak Yudea situ siolah ulutn Kristen Yahudi se bepikir bahwa gereja ba Antiokhia sala koe doho ngeharuskan ulutn-ulutn Kristen doho-Yahudi agitn wasunat secara jasmani sengkono ali hukum Yahudi. Iko doho kate waselamatkan." ² Lalu, desukng tenjari pereselisihan ali perdebatan se doho didik rokakng Paulus ali Barnabas ali ulutn-ulutn sio, reo memutuskan bahwa Paulus ali Barnabas, serta sesenu ulutn laitnne ante reo, harus pombo pe Yerusalem agitn kawokng ali para rasul ali para penatuo tekait ali persoalan situ. ³ Moko, ukah ba antar pe suakng perjalanan koe para jemaat, reo nyendalo Fenisia ali Samaria sambil mengisahkan dengan jelas tentang pertobatan bangsa-bangsa laitn, ali hal sio ngoit sukasita olai agitn ulep eraiuntukng seiman. ⁴ Desukang reo ampe ba Yerusalem, reo wasambut koe para jemaat, para penatua, lalu reo ngisahkan awisne sesuatu se ukah Allah ulah nyendalo reo. ⁵ Leka, sesenu ulutn anjak golongan Farisi se ukah persaya sekondrokng ali ngontuh, "Penting agitn nyunat reo ali agitn nyuyu reo agar mematuhi hukupm Musa!" ⁶ Para rasul ali penatuo kawokng sesama agitn memanderkan persoalan situ. ⁷ Ukah berlansung perdebatan se atah ba dena, Petrus sekondrokng ali ngontuh ampe reo, Eraiuntukng-Eraiuntukng, iko tau bahwa pe zamatn bai Allah ukah ngeulah pilian ba rokakng iko bahwa nyendalo wowaku, bangsa-bangsa laitn anta krongoi berita Injil ali njari percaya. ⁸ Ali, Allah, se ngenal ate mersia, ukah bersaksi ampe reo ali ngumi Roh Kudus ampe reo, sama sara se ukah walakukan-Ne ampe taapm, ⁹ ali Ise doho ngebeda-bedakan rokakng taapm ali reo, ukah Ise nyucikan ate reo nyendalo iman. ¹⁰ Jari kletu, konone iko ngecobai Allah ali ngandak kuk se boyat ba diukng para murid se, maeh itak moyang taapm maupun taapm, doho anta sanggup nanggungne? ¹¹ Leka, taapm persaya bahwa taapm waselamatkan nyendalo anugerah Tuhan Yesus, sama ka sara reo lou." ¹² Kemudian , awis kumpulan ulunt sio tediam ali reo krongoi Barnabas ali Paulus, pentukng kerueh rasul sio njelaskan segala tanda ali mukjizat se ukah Allah ngulah nyendalo reo ba rokakng bangsa-bangsa laint. ¹³ Seukah reo beranai sundro ,Yakobus njawab, "Eraiuntukng-eraiuntukng , rongoi Aku. ¹⁴ Simon ukah njelaskan saraone Allah tanjak awal ukah memperhatikan bangsa-bangsa laint, agin ngepo ante rokakng bangsa sio suatu umat bagi ngarat-Ne . ¹⁵ Pengontuh buhan nabi setuju hal sina ,sara se tetulis, ¹⁶ 'Seukah sina , Aku anta murek. ali anta ngulah gane kemah Daud se ukah runtuh. Aku anta ngulah gane sisa-sisane, ali Aku anta mebungkarne, ¹⁷ Agar umat meresia se tesisa kate meto Tuhan , ali awis bangsa laint se waitai nyendalongarant-Ku, se melakukan awis sina,' firman Allah, se melakukanne sina, ¹⁸ Ukah wketau tanjak pemula zaman. ¹⁹ Jari, aku berpendapat bahwa ta'amp seharusne doho mengalihkan ulunt-ulunt se ukah babalik ampe Allah. ²⁰ Namun, ta'amp seharusne menulis ampe reo agar reo mekoro ompu ante hal-hal se wacemari oleh berhala-berhala, ali ante dosa-dosa seksual, baya ante one se ukah wacakak, ali ante raya. ²¹ Ena, tanjak generasi seponoh,Musa ukah pu'unt, ba setiap kota,ulunt-ulunt se ngumihabarne koe wabacakan ba sinagoge-sinagoge setiap ondro Sabat." Surat ampe Ulunt Pesaya se Doho Yahudi ²² Gane , wapinda maeh oleh buhan rasul, ali penatua, ali awis jemaat, memili ulunt-ulunt ante rokakng reo agin wakirim pe Antiokhia sesama Paulus ali Barnabas . Reo ngirim Yudas se waontuh Barsabas , baya Silas , buhan pemimpin barokakng eraiuntukng- eraiuntukng seiman. ²³ Ali reo menulis surat ali kanyakng reo, demikian; ²⁴ Koe kaint ukah krongoi bahwa sesenu ulunt ante rokakng kaint, se ampe reo kaint doho ngumi nyuyu, ukah ngehaurko ali pengontuh reo se menggoyahkan jiwako, ²⁵ Hal ina wapinda maeh bagi kaint, seukah memjari sepakat, agin memili ulunt-ulunt se ngirim reo ampeko sesama ali eraiuntukng- eraiuntukng kaint se tuasi , Barnabas ali Paulus, ²⁶ se ukah ngandak wolump reo demi ngarant Tuhan ta'amp,Kristus Yesus. ²⁷ Oleh koe sio, kaint ngirim Yudas ali Silas, se reo saurang anta ngumitau hal-hal se sama sesara lisan, ²⁸ Ena, alangkah maehne bagi Roh Kudus ali bagi kaint agin ngandak beban ba mundanko se doho lewi boyat antepada se perlu sina. ²⁹ Bahwa iko nengkoro ompu one ukah wapersembahkan ampe berhala, ali ante raya, ali ante one se mate wasakak, ali ante dosa seksual. ³⁰ Seukah reo bepamitan, reo mange pe Antiokhia, ali seukah ngumpul jemaat, reo ngumi surat sio. ³¹ Lau ulunt-ulunt pesaya membacane, reo besukacita koe penghiburan sio. ³² Yudas ali Silas , se reo saurang siolah nabi, meneguhkan ali menguatkan eraiuntukng-eraiuntukng seiman ali deo pengontuh, ³³ Ali ,seukah reo ikeh baindo agin sesenu wayah, ulunt-ulunt pesaya sio melepah reo mbuli ali damai ampe ulunt-ulunt se ukah ngirim reo. ³⁴ [ anta leka, waanggab maeh bagi Silas agin tatap duloi ba indo.] ³⁵ Namun, Paulus ali Barnabas duloy ba a Antiokhia, sambil ngajar ali ngumihabar firman Tuhan sesama ali deo ulunt laint lou. Paulus ali Barnabas Bepisah ³⁶ Seukah sesenu ondro, Paulus montuh ampe Barnabas ," Ayo ta'amp murek ali ngunjungi eraiuntukng-eraiuntukng seiman ba setiap kota , wadah ta'amp ngumihabar firman Tuhan agin minda saraone keadaan reo." ³⁷ Barnabas kakant mowit lou Yohanes se waitai Markus. ³⁸ Anta leka, Paulus nganggap bahwa doho seharusne mowit ulunt seukah ngikeh reo ba Pamfilia ali doho tulak sesama reo agin gawian sio. ³⁹ Moko, tejarilah perselisihan se taromp sehingga reo bepisah erai sama lait.Barnabas mowit baya Markus ali belayar pe daerah Siprus . ⁴⁰ Leka Paulus memili Silas ali tulak, seukah waumi oleh eraiuntukng-eraiuntukng se iman pe suakng anugerah Tuhan. ⁴¹ Ali ,ise nyendalo Siria ali Kilikia sambil meneguhkan buhan jemaat.