¹ Paulus lou awi pe Derbe ali Listra.Ali, pindalah na'nat eraiulunt murid ba indo, ngarantne Timotius, anak ante eraiulunt wawe Yahudi se ukah pesaya, leka umane siolah ulunt Yunani. ² Ise wakenal maeh oleh eraiuntukng-eraiuntukng se iman ba Listra ali Ikonium . ³ Paulus kakant Timotius tulak sesama aline, moko ise mowitne ali nyunatne koe ulunt-ulunt Yahudi se duloi ba daerah sio, Ena ,reo awis tau bahwa umane siolah ulunt Yunani. ⁴ Desukng reo malant nyendalo kota-kota, reo mekampe ketentuan-ketentuan bahi ulunt-ulunt pesaya agar wa taati, seukah wa putuskan oleh buhan rasul ali penatua se na'ant ba Yerusalem, ⁵ moko , buhan jemaat wateguhkan ba suakng iman ali jumlah reobetambah tiap ondro. Allah Ngitai Paulus pe Makedonia ⁶ Gane, reo tulak nyendalo daerah Frigia ali Galatia koe ukah wahalangi oleh Roh Kudus agin montuh firman ba Asia doho benua Asia.leka daerah kekuasaan Romawi se beribukota ba Efesus. ⁷ Lau reo ukah ampe ba Misia, reo berusaha tulak pe Bitinia,leka Roh Yesus doho menizinkan reo. ⁸ Moko. ukah nyendalo Misia,reo mange pe Troas. ⁹ Suatu pengotau timbul ampe Paulus ba wayah malopm, se eraiulunt ante Makedonia lau sekndrokng ali tindu ampene,ontuhne," Awilah pe Makedonia ali bantulah kaint." ¹⁰ Ukah Paulus minda pengotau sio, kaitn brusaha dengan srek tulak pe Mekadonia, ukah nyimpulne bahwa Allah ukah ngitai kaitn agitn ngewarakatn Injil ampe reo. Pertobatan Lidia ¹¹ Koe sio, ukah belayar anjak Troas, taapm lansung belayar pe Samotrake, ali ba ondro berikutne pe Neapolis, ¹² ali ante denan pe Filipi, kota utama ba wilayah Makedonia ali erai Kota jajahan Roma. Kaitn duloi ba kota sio seola sesenu ondro. ¹³ Lalu, pe ondro Sabat, Kaitn tulak pe kual jawokng gerbang kota nuju pe rika sunge, wadah ba bone kaitn bepikir bahwa badenan naan wadah bedoa. Moko, kaitn tungoh ali bepander ali para wawe se pentukng bekumpul. ¹⁴ Seulutn wawe ngaratne Lidia, anjak kota Tiatira, seulutn senjual kain ungu se nyembah Allah. Tuhan mbuka atene agitn minda none se Paulus ontuh. ¹⁵ Ali, ukah Lidia ali ulep ulutn se duloi ba lowune wabaptis, ise mohon ampe kaitn, ontuhne, "Ena ikopm nganggap aku persaya ali teguh ampe Tuhan, awideh pe lowuku ali duloideh ba denan." Ali, ise ndesak kaitn. Paulus ali Silas ba penjara ¹⁶ Didile, kaitn pentukng tulak pe wadah bedoa, seulutn budak wawe, se pu'utn roh agitn ngeramal kawokng kaitn. Ise ngoit deo keuntungan ampe para majikanne nyendalo ramalan-ramalanne. ¹⁷ Wawe sio baya Paulus ali kaitn sambil ngesiak, "Ulutn-ulutn situ siolah hamba-hamba Allah se Mahaombo, se ngewarakatn lalatn keselamatan ampe iko!" ¹⁸ Ise trus ngelakukanne seola beondro-ondro. Paulus, koe njari mara beta, bebalik ali montuh ampe roh sio,"Aku nyuyu iko suakng ngaratn Kristus Yesus agitn pekual ante ise!'' lalu, roh sio pekual, desukng sio lou. ¹⁹ Leka, desukng para majikanne minda bahwa harapan reo anta keuntungan ukah gawis, reo ngerungkup Paulus ali Silas, serta nyeret reo pe wadah umum ba muka para penguasa. ²⁰ Ali, desukng reo ukah ngoit Paulus ali Silas ampe hakim-hakim utok , reo ngontuh, "Ulutn-ulutn situ siolah ulutn-ulutn Yahudi ali pentukng mengicuh ba kota taapm. ²¹ Reo ngajarkan adat istiadat se doho tu'u agitn taapm terima atau lakukan sebagai ulutn Roma." ²² Ulutn deo sio bangkit sesama-sama nyerang Paulus ali Silas ali para hakim kota ngerihat pakayatn Paulus ali Silas, serta nyuyu reo agitn ngemopok keruehne ali tungkat. ²³ Ukah kia ngeaniaya Paulus ali Silas dengan deo popokan, reo nimbaine pe suakng penjara ali nyuyu utok penjara agitn njaga Paulus ali Silas dengan ketat. ²⁴ Ukah nerima suyuan sio utok penjara ngenyinopkan paulus pe penjara bagiatn suakng ali ngeyiret po'o reo ali tali. ²⁵ Kira-kira nonga malopm, Paulus ali Silas pentukng bedoa ali nyayi lagu-lagu pujian agin Allah, ali para tahanan laitnne pun krongoi reo. ²⁶ Lalu, sepengandak tenjari kijut bumi se olai sehingga fondasi penjara sio teguyakng. Ali sepengandak ulep jawokng tebuka ali tali setiap ulutn telepah. ²⁷ Desukng utok penjara kuat ali minda jawokng-jawokng penjara ukah tebuka, ise tebut pedangne ali parak nempate kompune dederai koe ise ngira para tahanan ukah monsit ompu. ²⁸ Leka, Paulus ngesiak ali nain se nyaring beta, " Ai ngebahayakan kompuko dederai koe kaitn ulep ba pitu!'' ²⁹ Kemudian, utok penjara sio nindu lampu ali srek monsit sinop, lalu sambil ngeker, ise sujud ba muka Paulus ali Silas. ³⁰ Ukah sio, ise ngoit reo pe kual ali montuh, Tuan-tuan, none se harus aku gawi agar waselamatkan?" ³¹ Ali, reo ngenuikng, "Pesayalah ba suakng Tuhan Yesus ali iko anta waselamatkan, iko ali ulep ulutn se duloi ba lowuko." ³² Kemudian, Paulus ali Silas ngewarakatn firman Tuhan ampe utok penjara sio ali ampe ulep ulutn se naan ba suakng lowune. ³³ Ukah sio, ise ngoit Paulus ali Silas, malopm sio lou, ali mbasyh poroh-poroh reo, lalu ise ali awisne keluargane srek wabaptis. ³⁴ kemudian, utok penjara ngoit paulus ali Silas pe lowune ali mayak pengokatn. Moko, ise bersukasita beta, bahwa ise ali ulep ulutn se duloi ba lowune ukah pesaya ampe Allah. ³⁵ Leka, desukng kondro ondro awi, para hakim-hakim kota ngutus sesenu polisi, ali montuh, Bebaskan ulutn-ulutn sio!" ³⁶ Ali, utok penjara ngewarakatn pesan sio ampe Paulus, ali ngontuh, Hakim-hakim kota ukah nyuyu agitn ngebebaskan iko. Koe sio, pekualdeh kletu ali tulaklah suakng kedamaian!'' ³⁷ Leka, Paulus ngontuh ampe reo, "ulutn-ulutn sio ukah mopok kaitn ba muka umum, beloh diadili, ulutn-ulutn se siolah warga negara Roma, ali ukah nimbai kaitn pe suakng penjara. Lalu, nonekah kletu reo nengpekualkan kaitn secara suni-suni? Doho! Biarkatn reo dederai awi ali nengpekualkan kaitn." ³⁸ Para polisi sio ngewarakatn pengontuh-pengontuhan sio ampe hakim-hakim kota. Reo takut desukng reo krongoi bahwa Paulus ali Silas siolah warga negara Roma. ³⁹ Moko, reo awi ali nindu maaf ampe Paulus ali silas. Ukah reo nengpekualkan Paulus ali Silas, reo nindu agar keruehne ngikeh kota sio. ⁴⁰ Lalu, reo pekual anjak penjara ali sinop pe lowu Lidia, ali desukng reo minda eraiuntukng-eraiuntukng seiman, Paulus ali Silas meneguhkan ate reo, lalu tulak.