¹ Ampe lau, na'ant ba rokakng jemaat Antiokhia, nabi-nabi ali guru-guru, sesio Barnabas, Simeon se waontuh Niger,Lukius tanjak Kirene,Manahem se waolaikan sesama Herodes raja daerah ali Saulus. ² Pentukng ulunt-ulunt sina lau beibadah ampe Tuhan ali bepuasa, Roh Kudus montuh,"Khususkanlah bagi-Ko Barnabas ali Saulus agin tugas se agin sio Aku ukah ngitai reo," ³ Pentukng , seukah reo bepuasa ali bedoa, baya menumpankan kayakng reo mundan Barnabas ali Saulus, reo ngirim keruehne tulak. Barnabas ali Saulus ba Pulau Siprus ⁴ Moko, seukah wakirim tulak oleh Roh Kudus, Barnabas ali Saulus mange pe Seleukia,ali tanjak indo reo belayar pe Siprus. ⁵ Lau reo awi ba Salamis, reo ngumiberita firman Allah ba sinagoge-sinagoge ulunt Yahudi, gane reo lou mowit Yohanes sebagai pelayan reo. ⁶ Lau reo tulak nyendalo gawis pulau ampe pePafos, reo kahalu eraikulunt tukang sihir, eraikulunt nabi palsu Yahudi , se bengarant Baryesus. ⁷ Ise sesama aliProkonsul Sergius Paulus, se eraikulunt se cerdas , se tindu Barnabas ali Saulus awi ampene ali kakant krongoi fiman Allah. ⁸ Anta leka, Elimas, tukang sihir sio, koe isesiolah ngarantne wa artikan, ngelawan Barnabas ali Saulus , ali berusaha membelokan Prokunsul sio ante imanne. ⁹ Namun , Saulus , se lou wakenal sbagai Paulus, waponui ali Roh Kudus , minda Elimas , ¹⁰ Ali montuh, "Hai iko ,se ponu ali segala keda'atan, iko siolah anak iblis , iko siolah musuh ante segala kebenaran, doho kakatkah iko branai membelokkan lalant Tuhan se lurus? ¹¹ Keletu, pindalah, kayakng Tuhan awi pe mundanko ali iko anta njari posa ali doho kotau matoondro seola sesenu wayah." Pentukng sio lou, kabut ali siromp mange mundanne ali ise tulak seliukng meto ulunt agin ngirit kayakngne. ¹² Gane, Prokonsul sio njari pesaya lau kotau one se ukah tejari koe ise kagum tehadap ajaran Tuhan. Paulus ali Barnabas Tulak pe Kota Antiokhia ba Wilayah Pisidia ¹³ Wayah lau, Paulus ali ulunt-ulunt se bayane belayar ante pafos ampe pe Perga, ba Pamfilia,leka Yohanes ngikeh reo ali murek pe Yerusalem. ¹⁴ Namun, Saulus ali Barnabas melanjudkan pengalant tanjak Perga ali ampe ba Antiokhia, ba Pisida. Ali wayah ondro Sabat, reo tulak pe sinagoge ali tungoh ba indo. ¹⁵ seukah pembacaan Hukum Taurat ali kitab buhan nabi, utok-utok sinagoge nyuyu ulunt montuh ampe kerueh rasul sio," Eraiuntukng-eraiuntukng jaka iko pu'unt pengotuh penghiburan agin ulunt-ulunt sina, untuhlah." ¹⁶ Moko, Paulus sekondrokng ali ngumi isyarat ali kayakngne ali montuh, " Hai ulunt-ulunt Israel ali iko se takut Anta Allah,rongoilah! ¹⁷ Allah bangsa Israel sina ukah memili itak datu ta'amp ali mengombokan bangsa ta'amp seola reo duloi ba tana Mesir ali baya lengan se teengkat, Ise memimpin reo pekual tanjak bio. ¹⁸ Seola sekitar opat pulu taon, Ise besabar tehadap kelakuant reo ba padakng jubut. ¹⁹ Ali , ukah Ise membinasakan turu bangsa ba tana Kanaan, Ise mewariskan tana sio. ²⁰ Gawis sina tejari kira-kira seola 450 taon. Seukah sio ,Allah menyerahkan ampe reo hakim-hakim ampe wayah masa Nabi Samuel. ²¹ Pentukng ,reo tindu erai ulunt raja,ali Allah ngumi reo Saul, anak upo Kish, ulunt ante suku Benyamin , seola opat pulu taon. ²² Seukah Allah menyingkirkan Saul,Allah membangkitkan Daud agin njari raja reo, se tengtangne allah ukah besaksi ali montuh,' aku ukah kawokng Daud , anak se berkenan baate-Ku, se anta melakukan gawis kemao-Ku.' ²³ Ante keturunan ulunt sina, Allah, sesuai janji-Ne , ngowit ampe Israel eraiulunt juruselamat, sesio Yesus. ²⁴ Sebalum pengawi Yesus, Yohanes ukah ngumihabar sebalumne tentang baptisan pertobatan ampe gawis ulunt Israel. ²⁵ Ali, desukng Yohaneslau nekukah tugasne, ise tarus montuh , ' Iko kira isepoh aku sina? Aku doho Ise.Namun , pindalah pe eraiulunt awi seukah aku, sandal ba po'o-Ne pun aku doho layak melepahne.' ²⁶ Eraiuntukng-eraiuntukng , ketrunan keluarga Abraham ali ulunt-ulunt ba rokakng iko se takut anta Allah, ampe ta'amp haba keselamatan ini ukah wapakampe . ²⁷ Ena , reo se duloi ba Yerusalem ali buhan pemimpin reo, se doho kenal Ise ali doho memahami pengontuh buhan nabi , se wabaca tiap ondro Sabat, ukah wagenapi pengontuh buhan nabi sio ali menghukum Yesus. ²⁸ ali, eraikalipn reo doho kawokng alasan one pun agin hukuman mate, reo tindu Pilatus agin membunu-Ne. ²⁹ Ali , lau reo mengenapi awis se tetulis tentang Ise, reo memangekan-Ne tanjak kayu salib ali ngumbiskan-Ne ba suakng Pengelowokng. ³⁰ Anta leka , Allah membangkitkan Ise ante ulunt mate, ³¹ Ali seola beondro-ondro, Yesus menimbilkan ompu ampe ulunt-ulunt se sesama ali-Ne tanjak Galilea ampe Yerusalem,se keletu njari saksi-saksi-Ne bagi bangsa sina. ³² Ali , kaint mowit bagiko Habar maeh tentang janji Allah ampe itak datu ta'amp, ³³ Bahwa Allah ukah menepati janji sio bagi ta'amp , anak=anak reo' ali membangkitkan Yesus, sara se tetulis suakng kitab Mazmur pasal rueh; 'Iko siolah Anak-Ku. Ondro itu, Aku ukah njari Uma-Ko.' ³⁴ Tentang Allah se membangkitkan Yesus ante rokakng ulunt mate , Doho anta mao murek ampe kebinasaan, Allah ukah montuh, 'Aku anta ngumi ampeko berkat se kudus ali kate wapesaya, se waumi ampe Daud.' ³⁵ Siolah enane , Ise lou montuh suakng Mazmur se laint, 'Iko doho anta membiarkan Ulunt Kudus-Ko kotau kebinasaan.' ³⁶ Ena, Daud, seukah melayani generasine saurang oleh koe kemao Allah , gane mate , ali waumbiskan ba rokakng itak datune, baya kotau kebinasaan, ³⁷ Leka Yesus se Allah bangkitkan tanjak ulunt mate , doho kotau kebinasaan. ³⁸ Oleh koe sio, gino'onlah waketau olehko, Eraiuntukng- eraiuntukng, bahwa nyendalo Ise sinalah pengampunan ombo dosa-dosa wanyatakan ampeko, ³⁹ Ali nyendalo-Ne setiap ulunt se pesaya wabebaskan ante segala sesuatune, se antene iko doho kate wabebaskan oleh Hukum Taurat Musa. ⁴⁰ Jari, behati-hatilah agar hal-hal se waontuh ba suakng kitab buhan nabi doho tejari ampeko; ⁴¹ ' Pindalah, hai buhan penyembilek ! Embah ali binasalah koe Aku ngelakukan gawian bazamako, erai gawian se doho anta iko pesaya, bahkan jaka se eraikulunt menjelaskanne ampeko." ⁴² Pentukng Paulus ali Barnabas pekual, ulunt-ulunt tindu agar reo mekampekantentang firman sio wayah ondro Sabat berikutne. ⁴³ Seukah pertemuan ba sinagoge sio ukah, deo ulunt Yahudi ali buhan proselit se takut anta Tuhan nyirik Paulus ali Barnabas , se sundro ampe reo nunjul reo agin tarus duloi ba suakng anugerah Allah. ⁴⁴ wayah ondr Sabat berikutne, hampir awis ulunt ba kota bekumpul agin ngrongoi firman Tuhan. ⁴⁵ Anta leka, lau ulunt-ulunt Yahudi kotau keramean sio , reo waponui iri ate ali mulai ngelawan one se wa ontuh oleh Paulus sambil menghujatne. ⁴⁶ Gane ,Paulus ali Barnabas njawabne ali ronu ali montuh, " Hal sina penting bahwa firman seharusne wanyatakan ampeko lewi ponoh. Koe iko menolakne ali nganggab ompuko doho pantas pu'unt wolump se kekal, pindalah, kaint bepaleng ampe bangsa-bangsa laint. ⁴⁷ Ena, saraitulah Tuhan ngumi nyuyu ampe kaint; 'Aku ukah nenjarikanko tarakng bagi bangsa-bangsa laint agar iko kate mowit keselamatan ampe peujung bumi." ⁴⁸ Lau ulunt-ulunt laint Yahudi sio krongoi hal sina, reo besukacita ali memuliakan firman Tuhan ali, sedeo se ukah watentukanagin wolump kekal, menjari pesaya. ⁴⁹ Moko, firman Tuhan menyebar pe awis daerah sio. ⁵⁰ Anta leka, ulunt-ulunt Yahudi menghasut wawe-wawe saleh se tehormatali ulunt-ulunt penting ba kota, ali membangkitkan pengani ayaan tehadap Paulus ali Barnabas, baya mburu keruehne pekual ante daerah perbatasan reo. ⁵¹ Namun, sambil mengebaskan dabu ante po'o reo tehadap ulunt-ulunt Yahudi ba indo, Paulus ali Barnabas tulak pe Ikonium. ⁵² Ali, buhan murid waponui ali sukacita ali Roh Kudus.