¹ Wayah masa sio Raja Herodes ngengkat kayangne mundan sesenu ulunt ante jemaat agin menganiaya reo. ² Ise membunu Yakobus, eraiuntukng Yohanes , ali pedang. ³ Lau Herodes kotau bahwa kelakuane sio menyenangkan ate ulunt-ulunt Yahudi, ise ngelanjudne ali ngrungkup Petrus lou. Hal sio tyejari seola Hari Raya Roti Doho Beragi. ⁴ Seukah ise ngrungkup Petrus, ise mesinopne ampe suakng penjara ali nyerahkane ampe opt pasukan prjurit agin mengawasine baya bemaksud , seukah Paskah ngowitne pe hadapant ulunt deo ⁵ Moko, Petrus watahant ba suakng penjara, leka doa bagi Petrus tarus-tarusan waongketkan ampe Allah oleh jemaat. Malaikat Tuhan Melepahkan Petrus ante Penjara ⁶ Wayah suatu malomp, lau Herodes anta ngowit Petrus pekual, Petrus desukng turui ba rokakng rueh ulunt prajurit, wasiret ali rueh rantai, lai buhan penjaga ba muka jawokng lau mengawasi penjara ⁷ Ali, kotau, eraikulunt malikat Tuhan sekondrokng ba riyet Petrus ali cahaya besinar ba sel penjara sio, gane malaikat sio menepuk rusuk Petrus ali nengkuatne, ali montuh," Laju kuat!" Ali, rantai-rantai sio latu telepah ante kerueh kayakngne. ⁸ Gane, Malaikat sio montuh ampene, " Siretlah Towikngko ali pakailah sandalko." Ali, ise nelakukan serayo. Pentukng, ise montuh ampene," Pakailah jubahko ali baya aku!" ⁹ Gane ,Petrus pekual ali nyirik malaikat sio. Ise doho tau bahwa nyone se desukng tejari nyendalo malaikat sio nyata, leka ngira bahwa ise pentukng kotau suatu pengotau. ¹⁰ Lau reo ukah nyendalo penjaga pertama ali kerueh, reo ampe ba jawokng gerbang wasi se nuju pe kota. Jawokng gerbang sio tebuka ali saurangne bagi reo, gane reo pekual ali malant ampe ba erai lorong, ali tiba-tiba malaikat sio ngikeh Petrus. ¹¹ Lau Petrus sadar ali one se tejari mundan ompune, ise montuh, "Keletu , aku bujur-bujur tau bahwa Tuhan ngirim malaikat-Ne ali menyelamatkan aku ante kayakng Herodes ali ante awis hal se waharapkan oleh ulunt-ulunt Yahudi." ¹² Seukah Petrus nyadarine, ise tulak pe lowu Maria, Ine Yohanes se lou waontuh Markus, ba one deo ulunt desukng bekumpul sesama ali bedoa. ¹³ Lau Petrus ngatuk jawokng gerbang, eraiuluntpelayan wawe bengarant Rode awi agin mbukane. ¹⁴ Seukah ise kenal naint Petrus , koe sangat bersukcita ise doho mbuka jawokng, leka monsit pe suakng ali ngumitau bahwa petrus desukng sekondrokng ba muka jawokng gerbang. ¹⁵ Reo montoh ampe Rode ," Iko doho waras!" Anta leka,Rode tarus montuh bahwa memang semayo, ali reo tatap montuh," Sio siolah malaikatne," ¹⁶ Anta leka,Petrus terus-menerus ngatuk , ali lau reo mbuka jawokng ,gane kotau Petrus, reo embah. ¹⁷ Namun ,ukah Petrus ngumi isyarat ali kayakngne agar reo tanang, ise menjelaskan ampe reo semone Tuhan ukah ngowitne pekual penjara. Ali,ise montuh , "Kampekan hal sina ampe Yakobus ali ampe eriuntukng-eraiuntukng seiman." Gane, ise berangkat ali tulak pewadah se laint. ¹⁸ Lau kondro ondro awi, tejarilah kekacauan se doho idik ba rokakng buhan prajurit tentang one se ukah tejari ampe Petrus. Kematean Herodes ¹⁹ Lau Herodes meto Petrus ali doho kawokngne, ise memeriksa buhan penjaga ali ngumi nyuyu agar reo wabunu. Gane, Herodes mange ante Yudea pe Kaisarea ali duloi ba indo. ²⁰ Lau sio, Herodes mara beta tehadap ulunt-ulunt Tirus ali Sidon,gane ali sepakat ,rep awi ngehadap Herodes, ali ukah mbujuk Blatus, pengurus lowu tangga raja, reo tindu agin bedamai koe daerah reo kahalu bantuan pengokant ante daerah Herodes. ²¹ Wayah ondro se ukah reo tantukan, Herodes makai bnaju kerajaan,tungoh ba takhta pengadilan,ali mekampe pidato ampe reo. ²² Rakyat tarus ngesiak, "Ina siolah naint Allah, doho meresia!" ²³ Lau sio lou , eraiunkng malaikat Tuhan namparne koe ise doho ngumi kemuliaan ampe Allah ali ise wauman lokukng-lokukng, sio mate. ²⁴ Anta leka,firman Tuhan semakin betumbu ali belipat ganda. ²⁵ Gane, Barnabas ali Saulus murek ante Yerusalem ukah reo nekukah pelayanan reo, sambil ngowit baya Yohanes , se lou waontuh Markus.