¹ Weno yenu kumwe mumukweyo mukurwa, mukamali wovarwi vita! vana tuteere siraha, naruwodi vanadjonaurapo mupanguli wo vaIsrael kulitama. ² Ene ngoli ove, Bethlehem Ephrathah, nampili ngoli muvasesu mukatji kombunga yaJudah, mumbunga yenu umwe ngaya kwande ngayapititire Israel, owo akarosi ntundiliro kwatunda kukakuru, nakutunda kunaruntjeya. ³ Mpo ngoli si Karunga ngatapapo, dogoro ruvede rwa mukamali owo ngasampuruko mukeke runatikimo, ntani vakafumu vakuhupako ngava vyuka kuvantu vaIsrael. ⁴ Uye ngayimana namuliti vindjwi na nkondo daYahweh, mu uHompa wolidina lyaYahweh Karunga wendi. Ngava hupapo, makura uye ngakara wamuwa kuuhura waudjuni. ⁵ Uye nga tapa mpora. Opo vaAssyrians ngavaya mulivango lyetu, ntani vavo ngava lyatera vaneede runyeenyo rwavo, makura ngatu sapuka tukulimbike na valiti ndjwi ntambili ntani navampititi ntantatu ya vantu. ⁶ Vavo ngava lita livango lyaAssyria no marufuro, ntani livango lyaNimrod kumangeneno ayo. Uye ngatuvatera kuvaAssyrians, opo ngavaya palivu lyetu, opo ngava lyatera munda yadimurudi detu. ⁷ Lidjonauko lyaJacob ngalisoroka mukatji kombunga yo vantu, yira ndau yakutunda kwaYahweh, yira tumema pamusoni, oso sadirango kutaterera murume, ntani kapi vatatereranga vanuke visitwa. ⁸ Lidjonauko lyaJacob ngali kara pakatji kadimuhoko pakatji kambunga ya vantu, yira nyime mukatji kavikorama muliuundu, yira yime wona mukatji kasiuunda sondjwi. Opo ngayendaura mo, uye ngava lyata no mpadi ntani nokuvatavaura ugcene-ugcene, ntani kapi ngapa kara mupopeli. ⁹ Mavoko woye ngava ayerura kuva nankore voye, ntani ngavi vadjonaura. ¹⁰ "Ngavishoroka muliyuva oyo"- mo ana kuamba Yahweh-" Ngani djonaura nkambe denu mukatji kenu ntani ngani djonaura turukara twenu. ¹¹ Ame ngani djonaura nkurumbara domulivu lyenu ntani ngani vukuma ma'ano enu. ¹² Ame ngani djonaura maurodi mumawoko enu, ntani kapi nka ngomupumbwa. ¹³ Ame ngani djonaura uvando wenu ntani no ngundi denu. Kapi nka ngomuyeyerepeka viruwana vyomavoko enu. ¹⁴ Ame ngani dura mukatji kenu ngudi dova Asherah ntani ngani djonaura nkurumbara denu. ¹⁵ Ame ngani upapo ugara wounankore ntani ugura wounene mudimuhoko dokupira kuteerera."