¹ Ene ngoli mumayuva akuhulilira ngapa kara si ndundu do ndjuwo yaYahweh ngava ditateka si ndo nkurundundu kupitakana ndundu nadintjeya. Ngava diyerura kuwiru yo yovituntura ntani vantu ngav vura kumona kumona kwado. ² Uyingi wodimuhoko ngavayenda nakuambasi," Yenu, tokwenu tuyende kundundu yaYahweh, kundjuwo yaHompa waJacob. Uye ngaturonga ndjira dendi, ntani ngatuyenda mumpitito ndjira dendi."Zion yayoko vipangera ngavitundapo, ntani nkango yaYahweh yitunde muJerusalem. ³ Uye ngapangura pakatji kovantu vovayingi na nakutokora kuhamena uyingi wodimuhoko. Ngava puma ngumba davo mumarufuro ntani namarufuro avo muvitondo vyakukupeteka. Dimuhoko kapi ngadirwa nadimuhoko unyado, ndi nakukuyombilita vita kapi ngavisoroka nka. ⁴ Ene ngoli, kehe muntu nga sungira muvitondo vyomandjembere na vitondo vyoukuyu. Kwato owo ngava renkito vakare nowoma, kanwa kaYahweh vaviturapo kare ana aamba. ⁵ Ruyendo ro vantu navantje, kehe uno, mulidina lyaHompa wavo. Ene ngoli ngava yenda mulidina lyaYahweh Hompa wetu nanaruntje nanaruntje. ⁶ "Olyo liyuva "-ndyo litokoro lyaYahweh- "Ame ngani kara nombunga yovadinikaro ntani ngani pongeka ovo vatjwaura, ovo ko nasuvilira. ⁷ Ame ngani tura vantu ovo vadiro kupura mulidjonauko, novo vatjida mumuhoko wonkondo, makura me, Yahweh, ngani kara napantjeya pavo mundundu yaZion, weno nanaruntje. ⁸ Ove ko, mukengeli ure wombunga, unankondo womona wamukadona waZion-koye ngaviya, siruwo pita soye sompangero ngava siwapukurura, nkurumbara oyo aweka mona womukadi yaJerusalem. ⁹ Weno, moranke wayiyiranga unene? Pato Hompa pakatji kenu ndi? Mupopeli mwenyo woye afa ndi? Ovino mbyo twa yuviranga tjutju nokudidimika ngoli yira mukamali musisampurukiro? ¹⁰ Kara no tjutju nasiruwo sokusampuruka, mona womukado waZion, yira mukamali musisampurukiro. Weno ko ngautundamo munkurumbara, parukira mulifuva, na kuyenda kuBabylon. Oko nko ngavakupopera. Oko Yahweh nga kupopera ove kumawoko wovana nkore voye. ¹¹ Weno dimuhoko dadiyingi dina kupongeke vakukananite ko ve; ava aamba,' Musuvenu anyate; suvenu mantjo eetu akengere mwaZion.' ¹² Vavoko kapi vayiva mwaayaro aYahweh, ndipo kuyuva maano eendi, uye apongeka yira mantuku avilya vana wapayiki parupare. ¹³ Sapuka na nakukuupako, mona Zion womukadona, ameko ngani renka mbinga doye dikare dasikuwo, ntani ameko ngani renkita likondo likare ngoporo. Ngau djonaura vantu vavangi ntani ngau mina nakutepura ungawo wavo kwaYahweh, ungawo wavo kwaHompa waudjuni.