¹ Ame ani aambasi," Weno teerera, anwe vampititi vaJacob na vapangeli vandjuwo yaIsrael: Kapisi viwa koye kuyiva vipango? ² Ove wanyengo uwa nakuhora udona, ove wapapaurangoko sipapa savo, nyama yavo yitunde kuvifupa vyavo- ³ Ove nove walyango nyama yavantu vande, nakupapaura sipapa savo, kutjora vifupa vyavo, nakuvatetaura mumaruha, yira nyama mupoto, yira nyama musifoyo. ⁴ Makura anwe vapangeli ngamulira kwaYahweh, ene ngoli kapi ngamulimburura anwe. Uye ngavanda kusipara senu owo mayuva, mukondasi anwe muruwana vyovidona. ⁵ Yahweh aviambiro vino," Vaporofeteko ovo vapukitango vantu vande, ntjene mpwali owo avapango vyokulya, vavo kutokora mpora,' mpora.' ⁶ Ne ngoli ntjene kwato ovyo vatura mutunwa twavo, vavo kukutapa naumwavo nakutameka vita kwendi. Makura ngoli, ngalitoka koye na ndjodi kwato kukoye; ngapa kara mundema mposi kapisi ngauwane ukenu. liyuva ngalitoka kuvaporofete, ntani liyuva lyavo ngalikara mundema kwavo. ⁷ Vapumbwi ngavava fita ntjoni, ntani vampititi ngavavaswaukita. Navantjeya ngava kukwata kutunwa twavo, mukondasi kwato lilimbururo ngalitundo kwande." ⁸ Ene ngoli ameko, nayura nkondo ya Mpepo yakupongoka yaYahweh, ntani ame nayura uhungami no nkondo, nakutokora kwaJacob kundjo, ntani kwaIsrael kundjo. ⁹ Weno teerera kovino, anwe vampititi vandjuwo yaJacob, ntani novapangeli vondjuwo yaIsrael, anwe mwanyengo mpanguro, nakukonga kapisi vikare muuhunga. ¹⁰ Ove kwadika Zion no honde ntani Jerusalem muudona. ¹¹ Vapititi voye kupangulira vavake, varuti kusonga no mfuto, ntani vaporofete voye kupumbwa vimaliva. Simpe ove kuhuguvara kwaYahweh no kuaamba, " kapisi Yahweh natwe anakara? Kwato udona owo ngautuyero atwe." ¹² Makura ngoli, mukonda yoye, Zion ngayikara lifuva lyokulimina, Jerusalem ngayikara mawe andjuwo akudjonauka kare amayingi, ntani ndundu kuntembeli ngayikara livango lyakuyeruka lyo kupata.