¹ Macam ikau serayok, dah mati dalam'p pelanga-pelanga dan't doso-doso. ² Kereno iyoklh ikau peronah idup nurot ato duniowi. Ikau idup nurot penguaso otoritas da'ri angen. Iyoklah roh yang'kbekuaso di dalam'p anak-anak durhako. ³ Kito semuo peronah ado di antaro urang'k-urang'k yang'k bont pecayok yok. Kito bebuat sesuai dongan't kengunak Iblis yang'k ado pado dagin kito. Kito ngelakuke kengunak dagin dan't pemike jahat. Kito anak-anak kenturon't kemarahan't macam yang'k laen. ⁴ Tapi Allah kayo dongan't bolas kaseh kereno kaseh-Nyo yang'k besa yang'k udah ngaseh kito. ⁵ Sewaktu kito mati dalam'p pelanga-pelanga, io udah maik kito ke idup yang'k baru besamo Kristus uleh anugerah ikau udah diselamatke. ⁶ Allah mangketke kito besamo-samo dan't nudokke kito besamo-samo di serugo di dalam'p Kristus Yesus, ⁷ sak pado maso yang'k akant datan'k Io nunyok ke kito kekayo anugerahNyo yang'k bon't teringo dinyatoke ngelalu kebaekan'e teradap kito di dalam'p Kristus Yesus. ⁸ Uleh anugerah ikau udah diselamatke ngelalu iman. Dan't ituk abon't datatang'k da'ri kito. Ituk hadiah da'ri Allah, bukan't da'ri pekerjaan-pekerjaan, sak supayo abon't sikukpe nyadi somong. ¹⁰ Kereno kito adolah pemulah Allah, diciptoke dalam'p Kristus yesus untok ngelakuke pekerjaan-pekerjaan baet, yang'k direncanoke Allah da'ri serayok bagi kito untok bejalan't dalam'pnyo. ¹¹ Oleh Kerenno iyok ingatlah bahwo serayok ikau adolah urang'k-urang'k bukan Yahudi dalam'p dagin. Ikau disobot "bon't besunat" oleh sidok yang'k disobot "besunat" dalam'p dagin pemulah jari mensio. ¹² Kereno pado waktu iyok ikau udah tepisahke da'ri Kristus. Ikau urang'k-urang'k asing da'ri banso Israel. Ikau urang'k-urang'k asing sesuai dongan't janji dalam'p pesetujuan. Ikau bontsik kepastian maso depan. Ikau tanpo Allah didunio. ¹³ Tapi bituk di dalam'p Kristus Yesus, ikau yang'k serayok deh jaoh da'ri Allah udah dibaik mendekat ke Allah oleh darah Kristus. ¹⁴ Kereno Io adolah damai kito. Io nyadike keduo e nyadi satu. Oleh daginNyo Io udah ngancoke temok pemisah yang'k memisahke kito, yaitu pemusohan't. ¹⁵ bahwo, io udah memusnahke hukum Taurat dan't perato-perato sak io panai nyiptoke sikuk mensio baru dalam'p derikNyo. Io mulah damai. ¹⁶ Kristus mendamaike keduo banso nyadi sutik tuboh bagi Allah ngelalu saleb, motike pemusohan. ¹⁷ Yesus datang'k memproklamasike damai bagi ikau yang'k jaoh dan't damai bagi sidok yang'k dampin. ¹⁸ Kereno ngelalu Yesus kito semuo memperoleh jalan't masok dalam'p sutik Roh kepado Bapa. ¹⁹ Jadi ikau urang'k-urang'k bukan't Yahudi bukan't lagik sebagai urang'k bon't dikenal dan't urang'k asing. melaenke sesamo wargo dongan't sidok yang'k udah dipisahke untok Allah dan't nyadi anggota keluarga Allah. ²⁰ Ikau udah dibangon di atas dasa rsol-rasol dan't nabi-nabi. Derik Kristus yesus sebagai batu penyuru. ²¹ Di dalam'p Io seluroh bangunan cucok satu dongant yang'k laen dan't tumoh sebagai baet Allah di dalam'p Tuhan't. ²² Di dalam'p Iolah gam ikau udah di bangon besamo sebagai tompat kediam Allah di dalam'p Roh