¹ Paulus, rasol Yesus Kristus ngelalu kemauk Allah, kepado sidok yang'k dipisahke untok Allah di Efesus dan't yang'k setio di dalam'p Yesus Kristus. Kiro e anugerah dan't damai sejahtero da'ri Allah Bapa kitodan't Tuhan't Yesus Kristus beseroto iken. ³ Kiro e Allah dan't Bapa Tuhan't kito Yesus Kristus dipuji. Kareno Allahlah yang'k udah memberekati kiti dongan't segalo berekat rohani di serugo di dalalm;p kristus. ⁴ se'upan dunio dipulah, Allah udah mileh kito yang'k pecayok di dalam'p kristus. io udah mileh kito sehingo kito panai nyadi kudus dan't abon't cacat di odap Io. ⁵ Di dalam'p kaseh, Allah udah nakde ke kito untok diamik menyadi anak-anak e ngelalu Yesus Kristus. Io udah ngelaku ke ituk kareno Io bekenan untok ngelaku ke apai yang'k dikengunakNyo. ⁶ Sehingo Allah dipuji untok kemuliaan anugerah-Nyo. Ituk am yang'k udah diborikanNyo ke kito secaro cumo-cumo ngelalu putraNyo yang'k tekoseh. ⁷ Kareno di dalam'p putraNyo, kito buleh penobusan't ngelalu darahNyo, yaitu pengamponan't doso-doso. Kito buleh bereno tuk kareno kekayo anugerahNyo. ⁸ Io nyadike anugerah yok belimpah bagi kito dalam'p semuo hikmat dan't pengretian. ⁹ Allah ngatoh kito panai kebena yang'k bon't dikeponai da'ri rencanoNyo, sesuai kengunakNyo yang'k udah dipetunyok di dalam'p Kristus. ¹⁰ Ketik waktu e udh digonap ke untok nyelesaike rencanoNyo, Allah akan nyatuke segalo e yang'k di dalam'p serugo dan't di dunio di dalam'p Kristus. ¹¹ Di dalam'p Kristus kito udah dipileh dan't ditotapke se'upan e sebagai warisan Allah. Ituk sesuai dongan't rencano da'ri Io Yang'k ngelakuke segalo e sesuai dongan't maksd dan't tujuanNyo. ¹² Allah ngelakuk ehal tuk supayo kito panai idup untok memuji kemuliaanNyo. Kito adolah yang'k petamo ado kyakenan't di dalam'p Kristus. ¹³ Dalam'p Kristus, ikau gam, ketiko ikau udah ningo firman kebenaran't, injil keselamata't kau, ikau udah pecayok di dalam'p Io dan't di meteraikan dongan't Roh Kudus yang'k udah dijanyike, ¹⁴ yang'k adolah jaminan warisan kito sampai kepemilikan't udah di dapat, sebagai pujian kemuliaanNyo ¹⁵ Karena hal nyok, da'ri petamo kali aku ningo tontang'k imankau di dalam'p Tuhan't Yesus dan't tontang'k kasehkau ke semuo urang'k yang'k dipisahke untokNyo, 6 aku abon't beronti beterimok kaseh ke Allah untok kau dan't nyobotke ikau di dalam'p do'o-do'oku. ¹⁷ aku bedo'o bahwo Allah kito tuhan't yesus kristus, Bapa kemuliaan, morikke kepadokau Roh kebijaksanaan dan't nubuat tontang'k pemanaiNyo. ¹⁸ Aku bedo'o sak mato atikau akan nydi cerahbagikauu, untok ngeponai apai yang'k ngatoh kito yaken ke poangelan kito dan't kekayo kemuliaan't warisannyo di antaro semua umat kudus Allah. ¹⁹ aku bedo'o supayo ikau ngeponai kemegah kuasoNyo yang'k lua biaso di dalam'p kito yang;k pecayok. Kemegah tuk bedasa pekerejo Da'ri kekuat kuasoNyo. ²⁰ Ituklah kuaso yang'k bekerejo di dalam'p Kristus ketiko Allah mangketke Io Da'ri kematiaan'e dan't nudokke Io di sisi jari kananNyo di serugo. ²¹ Io nudokke Kristus di atas segalo perato, wewenang, kuaso, pemerintahan, dan't setiap namo yang'k di sobotke. Io nudokke Kristus bukan't ongkah pado maso bituk, tapi untok pagi gam. ²² Allah udah ngelotakke segalo bereno di bawah kaki Kristus dan't nyadike io sebagai kepalo atas segalo bereno dalam'p jemaat. ²³ Jemaat iyoklah sebagai tubohNyo, kepononanNyo yang'k monohke segalo bereno didalam'p segalo caro.