¹ Ulek kereno yok aku, Paulus, urang'k yang'k dipenyaro kereno Kristus Yesus bagikau urang'k-urang'k bukan't Yahudi. ² Ntik ikau udah ningo tontang'k pengelolaan kaseh karunio da'ri Allah yang'k udah diborik ke aku kereno ikau, ³ bedasake wahyu yang'k dinyatoke ke aku, kebenaran yang'k tepokam yang'k udah kutuliske secaro singkat dalam'p surat yang'k laen. ⁴ Wa'tu ikau maco bereno tuk, ikau akan panai ngeroti pandanganku dalam'p hal tuk tontang'k kebenaran't yang'k tesembunyi tontang'k Kristus. ⁵ Di generasi-generasi umat mensio yang'k laen bon't dikenal, tapi yang'k bituk udah di bebaskeoleh Roh kepado sidok Rasul dan Nabi e yang'k kudus. ⁶ Kebenaran't yang'k tesembunyi ituk bahwo orang'k-orang'k bukan't Yahudi adalas kawan't pewaris dan't anggoto da'ri tuboh dan't napat bag pejanyi dalam Kristus Yesus ngelalu pemerito injil. ⁷ Oleh sebab yok aku udah nyadi pelayan nyadi anugerah pemorik Allah keaku ngelalu kerejo oleh kuasoNyo. ⁸ Allah morik ke anugerah tuk ke aku, biape aku yang'k palin hino da'ripado sidok udah napat pemagi bagi Allah untok morik berito injil kepado urang'k-urang' bukan't Yahudi da'ri kekayaan Kristus yang'k abon't teringo, ⁹ dan't maik setiap orang'k ke dalam'p torang'k dan't ngaba ke ke sidok tontang'k rahasio rencano Allah. Ituk lah rencanabahwo Allah yang'k udah tepokamda'ri seupan e, yang'k nyipto ke segalo bereno. ¹⁰ Tujuan maik seiap orang'k ke dalam'p torang'k adolah, ngelalu, perato-perato dan kekuasaan di dalam'p serugo akan't dikeponai dongan't banyak caro secaro alami bedasa ke hikmat Allah. ¹¹ bedasa ke rencano kokal yang'k udah disemperunakan di dalam'p Yesus Kristus Tuhan't kito. ¹² Kareno di dalam'p Kristus kito udah berani dan't ado jalan't dongan yaken ponoh ke uleh iman kito di dalam'p Io. ¹³ oleh sebab yok aku mintok ke ikau sak unang bekenek ati kareno pemodehku untok ikau. Yang monai untok kemuliaan ikau. ¹⁴ Kareno hal ituk aku besujod kepado Bapa, ¹⁵ yang'k namo E di odap setiap keturonanan dalam'p serugo dan't di atas dunio disobotke. ¹⁶ Aku bedo'o kiro e Io akan't mengaruniokan ke ikau, bedaske kekayo kemulyaan E, untok nguatke dongan't kuaso Roh E, yang'k berado di dalam'p ikau. ¹⁷ Aku bedo'o supayo Kristus idup didalam'p ati kau ngelalui iman, bahwo ikau akan't beraka dan't tumoh didalam'p kaseh E. ¹⁸ Semogo ikau ado kekuatan sehingo ikau panai ngereti, besamo dongan't semuo urang'k yang'k pecayok, melanga lua, panyang, tingik, dan't dalap'm, ¹⁹ dan't supayo ikau panai ngeponai kaseh Kristus yok, yang'k melobeh sari keponao, dan't supayo ikau panai diponohke dongan segalo berekat Allah. ²⁰ Bagi Iolah yang'k sangup negalakuke segalo bereno jaoh melobeh semuo yang'k kito mintok atau pike menurotke kuaso E uang'k bekerejo didalam'p kito, ²¹ bagi Iolah kemuliaan dalam'p jemaat dan't didalam'p Krostus Yesus da'ri segalo keturon sampai pagi ne. Amin.