¹ Udah tuntung Yesus dengan semua pengajah Ia, Ia bandai ahung padak muhid Ia," ² Nuan ketau bahwa dua ahi lagik jekak ngehaya ahi Paskah, Anak Mensia jekak di enjuk pakai di salib." ³ Imam-imam kepala dengan padak tua-tua bansa Yahudi jekak bekumpul di istana imam besah yang nama ia Kayafas. ⁴ Sidak behencana jekak nangkap alu munuh Yesus secaha diam-diam. ⁵ Sidak bandai," Anang empak ahi Paskah, isak padak uhang nda tejadi husuh. ⁶ Waktu iyak Yesus agik di Bethania di humah Simon ya ng kenak kusta. ⁷ empak Ia besandah ke mija datang meh suhang betinak ahung Ia ngemaik kendi pualam yang penuh yang penuh dengan minyak yang pakai nguhap yang palin mahal alu nuang iya katas kepala Ia. ⁸ Seta padak nuhid Ia mantau hal baka iyak, sidak alu bihang sambil bandai," Apa alasan nuan huyal gilak? ⁹ Ituk tau di jual dengan hega mahal alu dibehik ahung uhang miskin." ¹⁰ Tapi Yesus ketau hal iyak, alu bandai ahung sidak," Ngapa dik kian nyusah betinak ituk? Kehena ia ngawai utan yang bait ahung Aku. ¹¹ Uhang miskin selalu behimbai kian, tapi Aku nda himbai kian nacah. ¹² Kehena empak ia nuang minyak ke tubuh Aku, ia bekeheja baka iyak pakai ngubuh Aku. ¹³ Sesungguh iya Aku bandai ahung nuan, kemena magang injil ituk di padah di seluhuh dunia, apa yang udah di keheja betinak iruk, akan dikisah pakai ngingat ia." ¹⁴ Alu suhang dahi sidak dua belas muhid yang nama iya Yudas Iskariot, datang ahung padak imam kepala alu bandai," ¹⁵ Apa yang kian behik ahung aku entik entik aku nyehah Ia ahung nuan?" Sidak mehik ia tiga puluh kipin duit pihak ahung ia, ¹⁶ Mulai dahi iyak meh ia ngegak caha pakai nyehah Yesus ahung padak imam kepala. ¹⁷ Ahi petama dahi ahi haya huti nda makai hagi, padak muhid datang ahung Yesus alu bandai,' Dimena yang di kemauk Nuan kami nyiap makan ahi paska pakai Nua? ¹⁸ Ia nyaut," Angkat meh ke kuta yang udah Aku pilih, padah ahung ia, " Jekuk guhu," Waktu Aku udah datang, Aku jekak ngehaya Paska di humah nuan behimbai dengan padak muhid Aku." ¹⁹ Muhid-muhid ngeheja pehesis baka yang udah di padah Yesus, sidak alu nyiap pakai bejamu ahi Paska. ²⁰ Seta ahi udah malam, Ia duduk behimbai denga ke dua belas muhid. ²¹ Waktu sidak agik tengah makan, Ia bandai," Aku bandai ahung nuan sesungguh iya suhang dahi entaha kian jekak ngehianat Aku." ²² Pehasa sidak alu nda nyaman, sidak betanyak ahung Yesus," Pasti ukan aku, Tuhan?" ²³ Yesus nyaut, uhang yang nyelup tangan iya besama dengan Aku kalam pinggan iyak meh yang jekak ngehianat Aku. ²⁴ Anak Mensia jekak angkat, baka yang udah ditulis tentang Ia. Tapi celaka meh ia yang nyehah Anak Menasia! lebih bait kalau ia nda dikeluah kalam dunia ituk. ²⁵ Yudas yang jekak ngehianat Yesus bandai," Apa iyak aku, Habi?" Yesus nyaut ia," Nuan kedihik yang udah bandai baka iyak." ²⁶ Pas sidak agik tengah makan, Yesus ngambik huti, mehekat iya alu di pecah-pecah. Ia behik huti iyak ahung padak muhid Ia sambil bandai," Ambik meh, makan makan meh. Ituk meh tubuh Aku." ²⁷ Ia alu ngambik cawan alu besukuh, mehik iya ahung sidak sambil bandai," Minum meh kian semua dahi cawan iyak. ²⁸ Kehena ituk meh dahah pejanji Aku yang ditumpah pakai ngampun dosa-dosa. ²⁹ Tapi Aku bandai ahung nuan, Aku nda akan lagik minum dahi aik angguh ituk sampai ahi Aku ngeminum minuman yang bahu besama nuan alam Kehajaan Bapak Aku." ³⁰ Empak sidak benyanyi muji Tuhan, sidak angkat ke bukit Zaitun. ³¹ Yesus alu bandai ahung sidak," Kian semua akan nudi Aku malam ituk empadai Aku, kehena bisik di tulis, Aku akan ngehantam gembala iya seta pada dumba iya akan kiak kituk. ³² Tapi udah Aku di bangkit, Aku akan angkat duluk dahi kian ke Galilea." ³³ Tapi Petrus bandai ahung Ia," Walaupun sidak semua nudi Nuan, aku sama sekali nda akan nudi Nuan," ³⁴ Yesus nyaut Petrus," Aku bandai ahung nuan, sesungguh iya malam ituk sanapan manuk sebung engkokok, nuan udah nyangkal Aku tiga kali." ³⁵ Jekuk Petrus," Walau aku ahus mati besama dengan Nuan, aku nda akan nyangkal Nuan." Padak muhid Ia pun bandai baka iyak ugak. ³⁶ Yesus alu bejalan himbai sidak ahung yang nama iya Getsemani, Ia bandai ahung sidak," Duduk magang kian dituk, Aku jekak kiak pakai bedoa." ³⁷ Yesus ngemaik Petrus dengan kedua anak Zebedeus, Ia pun mulai tehada sedih seta susah ati. ³⁸ Ia pun alu bandai ahung sidak," Jiwa Aku beduka asa mauk mati. Kian dituk magang, bejaga-jaga meh behimbai dengan Aku." ³⁹ Yesus ngejauh dihik sikit dahi iyak, Ia tesungkuh sambil bedoa, Jekuk Ia," Bapak Aku, entik talah isak meh cawan ituk belalu dahi Aku. Walaupun baka iyak, ukan meh kemauk Aku tapi kemauk Nuan meh yang tejadi." ⁴⁰ Yesus datang ahung padak muhid Ia mantau sidak lagik tengah tetiduh, Ia alu bandai ahung Petrus," Nda tau meh nuan bejaga-jaga dengan Aku sejam magang? ⁴¹ Bejaga-jaga dengan bedoa meh sepaya nuan nda kenak cuba. Ruh saja penuhut tapi dagin lemah." ⁴² Yesus angkat lagik yang kedua kali pakai bedoa, Jekuk Ia," Bapak Aku, entik cawan ituk nda talah lalu Aku, kecuali Aku minum iya, isak meh apa yang di kemauk Nuan yang tejadi." ⁴³ Yesus bebalit lagik, mantau sidak lagik tengah tiduh, kehena mata sidak udah ngantuk benah. ⁴⁴ Yesus alu angkat dahi iyak. Yesus bedoa yang ketiga kali iya, baka doa iyak tedik. ⁴⁵ Yesus alu datang ahung padak muhid Ia sambil bandai," Apa kian lagik tiduh sambil belepa? Pantau, waktu iya udah datang, Anak Mensia jekak di enjuk ke tangan uhang-uhang bedosa. ⁴⁶ Uas meh, aboh kita angkat. Pantau, uhang yang ngehianat Aku udah dampin," ⁴⁷ Sementaha Yesus bandai,Yudas, suhang dahi kedua belas muhid Ia datang.Sekumpulan uhang banyak ngimbai ia, sidak iyak padak imam kepala seta padak tua-tua bansa Yahudi, Sidak datang ngemaik pedang dengan tungkat kayu. ⁴⁸ Mensia yang ngehianat Yesus mehik tanda ahung sidak, jekuk ia," Uhang yan aku sium, iyak meh Ia, Tangkap Ia." ⁴⁹ Ia alu datang kuang Yesus sambil bandai," Salam, habi!" ia alu nyium Yesus. ⁵⁰ Yesus bandai ahung ia," Kaban, keheja meh apa yang jekak nua keheja." Sidak pun alu datang nangkap Ia. ⁵¹ Suhang dahi sidak yang ngimbai Yesus, alu ngambik pedang sidak diak, alu mantap kenak kelindang pemantuk imam besah. ⁵² Yesus bandai ahung ia," Tapuk kalam sahung lagik pedang nuan, kehena uhang yang ngangkat pedagang ⁵³ akan mati kenak pedang. Nuan pikih Aku nda tau ningkau Bapak Aku, Ia akan ngihin lebih dahi dua belas pasukan malaikat ahung Aku? ⁵⁴ Entik baka iyak, kati baka kitab suci tau di genap, kalau ituk ahus tejadi?" ⁵⁵ Waktu iyak Yesus bandai ahung uhang banyak," Ahus meh nuan datang ahung Aku makai pedang dengan tungkat kayu pakai nangkap Aku baka nangkap penyamun? Tiap ahi Aku duduk alam bait Allah pakai ngajah, kian nda nangkap Aku. ⁵⁶ Tapi semua ituk ahus tejadi pakai ngenap apa yang udah tetulis ulih padak nabi." Semua muhid alu ngehahi dihik nudi Ia diak. ⁵⁷ Sidak yang nangkap Yesus alu ngemaik Ia ahung imam besah yang nama ia Kayafas, ahung sidak padak ahli Taurat dengan padak tua-tua bansa Yahudi bekumpul. ⁵⁸ Petrus ngimbai Ia dahi jauh sampai ke laman imam besah. Ia tamak kedalam alu duduk himbai padak penyaga pakai ngeliat apa yang tejadi. ⁵⁹ Padak imam kepala dengan semua Mahkamah Agama ngegak kesaksian yang nda benah nentang Yesus, sepaya sidak tau ngukum mati Yesus. ⁶⁰ Sidak nda nemu iya walau banyak saksi yang nda benah maju. Nda lamak maju meh dua uhang alu bandai," ⁶¹ Uhang ituk bandai," Aku mampu ngancuh bait Allah alu ngawai iya lagik alam tiga ahi." ⁶² Imam besah bedihi, bandai ahung Yesus," Apa Nuan nisik utan pakai nyawab atas semua yang sidak tuduh ahung Nuan? ⁶³ Tapi Yesus nda bebingan. Imam besah bandai ahung Ia," Aku mehintah Nuan, demi Allah yang idup, apa Nuan ituk Kristus, Anak Allah." ⁶⁴ Yesus nyaut ia," Nuan kedihik yang bandai baka iyak. Tapi Aku bandai ahung nuan, mulai pituk nuan nda akan mantau Anak Mensia yang jekak duduk di sepiak kanan Yang Mahakuasa yang jekak datang datas awan-awan di langit." ⁶⁵ Imam besaha alu ngehansik baju Ia sambil bandai," Ia udah ngehujat Allah, ngapa kita mehelu saksi? Pantau, pituk nuan udah ninga hujatan. ⁶⁶ Apa pendapat nuan?" Sidak nyaut," Ia pantas di ukum mati." ⁶⁷ Sidak alu nampah mua Ia seta melasah Ia makai tapak tangan sidak sambil bandai," ⁶⁸ Padah ahung kami, Nuan Mesias, Sepa yang melasah Nuan?" ⁶⁹ Empak Petrus duduk di luah laman imam besah, datang meh pelayan betinak ahung ia alu betanyak," Nuan selalu behimbai dengan Yesus uhang Galilea iyak kan? ⁷⁰ Tapi ia nda ngakuk dadap sidak semua alu bandai," Aku nda ngeheti apa yang kian umung." ⁷¹ Empak ia keluah, bisik suhang pemantuk betinak mantau ia alu madah ahung sidak yang ada diak," Uhang ituk meh yang selalu ngimbai Yesus uhang Nazaret iyak." ⁷² Ia pun nda ngakuk lagik," Sumpah, aku nda ngelalak uhang iyak," ⁷³ Nda lamak abis iyak padak uhang yang bedihi diak datang nampin Petrus alu bandai," Nuan pasti suhang dahi sidak, kehena dahi lugat nuan kami udah ketau." ⁷⁴ Ia pun alu mumut sambil besumpah," Aku nda ngelalak uhang iyak, Nda lamak manuk sebung alu engkokok. ⁷⁵ Petrus alu ingat apa yang udah di umung Yesus ahhng ia," Senapan manuk sabung engkokok, nuan udah nyangkal Aku tiga kali." Alu angkat meh Petrus dahi iyak sambil nangis.