¹ Hai iko, ulun-ulun Galatia sa budu! Hie sa haut marayu iko Bakoikah gi muka mato ko Yesus Kristus na ite na balasangar gi muka umum? ² Erai hal sa sidi uki tunti hmpah iko, inunkah iko narime Roh ket manuruti Hukum Tauret, atawa ket nyonrongoi anri iman? ³ Miitu budunekah iko? ikohaut mamulai anri Roh inunkah iko tataha sidi mengakhirine anri daging? ⁴ Sia-sialeh iko rara kararaen sa miiro wahai iro amun memang iro kesia-siaan? ⁵ Jari, inunkah Io mengaruniakan Roh hmpah iko dan ngawi mukjizat gi padang ikam ket ikamnyanjalan Hukum Taurat, atawa ket ikam nyonrongoi anri iaman? ⁶ sameh kakala Abraham sa harap hmpah Allah hampe hal iro na reken hmpah iyo sebagai kabujuren. ⁷ Ket iro, kontoeleh bahwa ulun-ulun sa baimanleh sa na ontuh pea-pea Abraham. ⁸ Kitab Suci, sa haut kotoe sa metene bahwa Allah sagar ngampi uah ulun-ulun bakoi Yahudi ket iman, haut lewi pono nahampe Injil hmpah Abraham anri sawada,''Kahai bangsa sagar na berkati metah iko.'' ⁹ Jari, reo sa baiman sagar na berkati sameh-sameh Abraham, ulun sa harap iro. ¹⁰ Kahai ulun sa bagantung gi gawian Hukum Taurat duloi gi pida kutuk, sabab naan ta tulis: ''Terkutukleh setiapulun sa bakoi tunduk pah kahai inun la naan sa ta tulis huang Kitab Hukum Taurat dan ngulahne.'' ¹¹ Jari, jelasleh tataha bahwa bakoi oeng erangkaulun pun sa na ampi uah gi hadapan Allah et Hukum Taurat, sabab ''Ulun uah sagar wolum et iman''. ¹² Kode, Hukum Taurat bakoi ba dasar gi iman. Sebalikne, ''ulun sa ngulah Hukum Taurat sagar wolum etiyo''. ¹³ Kristus nowuh takam teke Hukum Taurat anri jari kutuk pah takam, sabab naan ta tulis,''Terkutukleh ulun sa nagantung gi kayu balasangar!'' ¹⁴ Anri naan huang Yesus Kristus, berkat Abraham iuh hampe hmpah ulun-ulun bakoi Yahudi hampe anri iman takam iuh narime Roh sa haut na janyi iro janyi Allah tala dan Hukum Taurat ¹⁵ Pulaksanai-pulaksanai, uki sagarngunru suntu teke pamolum tiap-tiap onro: amun perjanyian haut na sahkan, walaupun ekat kontrak antar murunsia, bakoi oeng ulun sa iuh ngampibatal atawa namoh inun pun huang perjanjian iro. ¹⁶ Tataha, ne'o perjanjiansa na tahampe Allahhmpah Abraham dan hmpah katurunan ne. Allah bakoi sawada,'' hmpah katurunanne ,''sanutui hmpah wahai katurunan. ''barati nutui hmpah erai ulun, yoiro Kristus. ¹⁷ Maksudku,Hukum Yaurat sa timul opat jatuh tolum pulu taun ( 430 tahun) ukah iyo bakoi iuh ngampibatal perjanjiansa haut na sahkan ulah Allah. Jari, perjanjian iro bakoi tau na ampibatal. ¹⁸ Apabila warisan na dasar gi Hukum Taurat, bulu warisan iro bakoi kia na dasar gi perjanjian. Kode,Allah menganugerahkanne hmpah Abraham metah erai perjanjian. ¹⁹ Jari, nakolo naan Hukum Taurat? Hukum Taurat na unru ket pelanggaran-pelanggaran, hampe katurunan iro hawi sa nakolo maksud perjanjian iro na ulah. Hukum Taurat naberlakukan metah kawan malaikat anri perantara. ²⁰ Kode, perantara bakoi pakai mawakili erai ulun, padahal Allah adalah erai. Tujuan Hukum Taurat ²¹ Amun miiro, inunkah Hukum Taurat balawanan anri perjanjian Allah? tantu ai bakoi! Sabab, amun Hukum Taurat na unru pakai iuh ngunru wolum, kabujuran pasti baasal teke Hukum Taurat. ²² Kode, Kitab Suci haut memenjarakan kahai inun la naan da kahai ulun gi pida dosa nampan perjanjian et iman huang Kristus Yesus iuh na unru hmpah reo sa harap. ²³ Samete iman hawi, takam na tawan gi pida Hukum Taurat, na tahan sebagai tawanan hampe iman sa sagar hawi na nyatakan. ²⁴ Anri mihie, Hukum Tauratadalah pengawas pah takam hampe Kristus hawi nampan takam iuh na ampi uah ulah iman. ²⁵ Tataha, iman iro haut hawi. Takam bakoi kia perlu Hukum Taurat sebagai pangawas takam. ²⁶ Huang Yesus Kristus, ikam kahai adalah pea-pea Allah metah iman. ²⁷ Ikam kahai sa haut na baptis huang Kristus haut nyui Kristus. ²⁸ Bakoi oeng kia ulun Yahudi atawa ulun Yunani, budak atawa ulun merdeka kawan upo atawa wawe ket ikam kahai erai huang Yesus Kristus. ²⁹ Amun ikam adalah milik Kristus ikam adalah katurunan-katurunan Abraham dan ahli-ahli waris sesuai anri perjanjian.