¹ Sa uki maksud, sauhang ahli waris iro magon kanapea, io bakoi oeng bedane anri budak walaupun io adalah pemilik kahai inun la naan. ² Io duloi gi pida kuasa pengawas dan pengurus lowu rean hampe waktu sa haut na impeh ulah umane. ³ Mihie pada takam hantek magon kanapea, takam na perbudak ulah roh-eoh dunia itu. ⁴ Kode, hantek onro pangganapan tiba, Allah ngutus Pea-Ne, sa kayaan teke erangkaulun wawe da kayaan gi pida Hukum Taurat, ⁵ pakai nowuh reo sa naan gi pida Hukum Taurat nampan takam iuh narime pangengkatan sebagai pea-pea-Ne. ⁶ Ket iko adalah pea-pea-Ne, Allah haut ngutus Roh Pea-Ne pah huang ate takam, sa mowa, ''Abba, Uma.'' ⁷ Jari, iko bakoi kia budak, kode napea. Amun iko adalah pea Allah nynyari iko ahli waris metah Kristus. Ada Na perbudak kia ulah Roh-Roh Dunia ⁸ Pono, hantek iokbakoi mantaru Allah, iko adalah budak teke hal-hal sa pada dasar ne bakoi Allah. ⁹ Kode, tataha, ukah iko mantaru Allah atawa lewi uahne na pantaru ulah Allah, nakolo mungkin iko babalik kia hmpah roh-rohj dunia sa moloma dan bakoi bariran? Inunkah iko sidi na perbudak kia? ¹⁰ Iko nyanjalan perayaan bawo onro-onro, wulan-wulan, musim-musim, dan taun-taun! ¹¹ Uki takut ada-ada kauyuhen ku sa haut kluulah pakai ko jari sia-sia. ¹² Uki ilaku hmpah iko, Pulaksanai-pulaksanai, jarileh kakala uki ket uki pada haut jari kakala iko. iko bakoi bahala hm,pah uki. ¹³ Iko kotoe gi awal mulane uki nahampe Injil hmpah ikoket sakit tonga sa uki alami. ¹⁴ Waslaupun kondisi tongaku merupakan ujianpah iko, iko bakoi menghina atawa manulak uki. Sabalikne, iko nyamut uki seolah-olah uki itu maslaikat Allah, kakala seakan-akan uki itu Yesus Kristus iro raerai! ¹⁵ Nakolo anri berkat sa iko ingkam iro tataha? Sabab, uki tau basaksi ne'o iko pono, amun mungkin, nguit mato ko dan ngunrune hmpah ukipuniko rela. ¹⁶ Inunkah tataha uki jari musuh ko ket nutui kabujuren hmpah iko? ¹⁷ Ulun-ulun iro bausaha kahaba iko, kode bakoi anri maksud sa maasus. Reo sidi mengasingkan iko sagar ngeto reo. ¹⁸ Memang maasus amun saratang ba semangat ngulah hal-hal sa batujuan maasus, dan bakoi ekat hantek uki baya iko. ¹⁹ Pea-pea ku, demi iko,uki rela tuu kia nagung sakit ngayaan hampe Kristus na nyatakan huang iko. ²⁰ Uki baharap, uki tau baya iko tataha dan ngubahnada lenganku ket uki awis akal mahadapi iko. Hagar dan sara sebagai Suntu ²¹ Wada pah uki, hai iko sa sidi wolum gi pida Hukum Taurat, inunkah iko bakoi nyonromgoi Hukum Taurat? ²² Ket naanta tulis, Abraham ngompun ruo pea upo; erai kayaan teke erangkaulun budak wawe, dan sa erai kia teke erangkaulun wawe merdeka. ²³ Kode, pea teke budak wawe iro na kayaan manurut daging, sadangkan pea sa teke wawe merdeka nakayaan metah perjanjian. ²⁴ Iteleh sarita itu sebagai lambang ket ruo wawe itu melambangkan ruo perjanjian. Erai adalah perjanjian teke Gunung Sinai dan ngayaan pea-pea perbudakan. Iyo adalah Hagar. ²⁵ Tataha, Hagar melambangkan Gunung Sinaigi tana Arab, sameh kakala Yerusalem tawuk itu ket io wolum huang perbudakan baya pea-peane. ²⁶ Kode, Yerusalem sa gi bawo adalah wawe sa merdeka, dan iyo adalah ine takam. ²⁷ Ket naan ta tulis, ''Baaraileh, hai wawe sa tamanang, sa bakoi ngayaan. Sawada dan bersorak leh, hai iko kaingkam mahanang ngayaan. Sabab, lewi wahai pea teke wawe sa raerai teke wawe sa ngompun hong.'' ²⁸ Pulaksanai-pulaksanai, iko adalah pea-pea perjanjian kakala Ishak . ²⁹ Gi tawuk iro, napea sa kayaan manurut daging menganiaya pea sa kayaan manurut Roh, kakala sa terjadi tataha itu. ³⁰ Kode, inun sa Kitab Suci wada? '' Usirleh budak wawe iro amput peane ket pea budak wawe iro bakoi sagar jari ahli waris baya anri pea wawe merdek.'' ³¹ Ket iro, Pulaksanai-pulaksanai, takam bakoileh poea-pea teke budak wawe, kode teke wawe merdeka.