¹ Ampat balas tau kamulek, uki mulek kia pah kota Yerusalem anri Barnabas dan ngoit Titus baya uki. ² Uki tulak ket erai penyataan dan menjelas hmpah reo ne'o Injil sa uki tahampe gi padang ulun-ulun bakoi Yahudi. Kode, uki ngulahne huang pertemuan pribadi, iyoiro ekat anri reo sa bapangaruh pakai ngampipasti bahwa inun sa uki gawi dan sa haut uki gawi bakoi sia-sia. ³ Bahkan, Titus, sa baya uki, bakoi harus na sunat walaupun io adalah ulun Yahudi. ⁴ Hal itu terjadi ket naan pulaksanai-pulaksanai palsu sa suni-suni masuk dan manyusup pakai memata-matai kebebasan sa takam miliki huang Yesus Kristus nampan takam na oit mulek hmpahperbudakan. ⁵ Kode, kain bakoi hokun tunduk hmpah reo erang alik pun nampan kabujuren Injil tatap duloi huang iko. ⁶ Kode, teke ulun-ulun bapangaruh iro, sa kadudukanne bakoileh penting pah uki ket Allah bakoi membeda-bedakan, reo bakoi namoh inun-inun pah uki. ⁷ Sabalikne, reo nginte bahwa hmpah uki haut na harap Injil pakai ulun-ulun sa bakoi basunat, sameh kakala Petrus sa na harap Injil pakai ulun-ulun sa basunat. ⁸ Sabab, Io sa haut bagawi metah Petrus pakai jari rasul pah ulun-ulun basunat, Io pada bagawi metah uki pakai jari rasul pah ulun-ulun bakoi Yahudi ⁹ Ukah Yakobus, Petrus, dan Yohanes, sa na tantau sebagai saka guru pah jemaat manyadari anugerah sa na unru hmpahuki, reo ngunru longon kawanan persekutuan hmpah Barnabas dan hmpah uki nampan kain tulak hmpah ulun-ulun bakoi Yahudi, sadangkan reo tulak hmpah ulun-ulun basunat. ¹⁰ Reo ekat ilaku kain pakai ngitung hmpah ulun-ulun pa ua/susah, erai hal sa uki raerai tuu basamangat pakai ngulah ne Paulus Nutui Kahalaen Petrus ¹¹ Kode, hantek Kefas pah kota Antiokhia, uki terang-terangan manantangne ket jelas tuu io bahala. ¹² Ket samete ulun-ulun ta tantu teke kalangan Yakobus hawi, Kefas haut biasa kuman baya ulun-ulun bakoi Yahudi. Kode, hantek reo hawi, io mulai surui dan memisah diri ket takut hmpah kalompok ulun sa ba sunat. ¹³ Ulun-ulun Yahudi sa lain baya-baya bertindak munafik baya io, bahkan Barnabas pun taseret et kemunafikan reo. ¹⁴ Hantek uki nginte bahwa reo bertindak bakoi sejalan anri kabujuren Injil, bulu uki sawada hmpah Kefas gi muka kahai ulun, ''Amun iko ulun Yahudi wolum kakala ulun bakoi Yahudi,nakolo mungkin iko mamaksa ulun bakoi Yahudi pakai wolum kakala ulunYahudi?'' ¹⁵ Takam adalah ulun-ulun sa na kayaan sebagai bangsa Yahudi dan bakoi ulun-ulun badosa teke bangsa bakoi Yahudi. ¹⁶ Kode, takam kotoe bahwa bakoi erang kaulunpun na ampi uah ket ngulah Hukum Taurat, melain kan metah iman huang Yesus Kristus. bahkan, takam pada haut harap hmpah Yesus Kristus nampan takam na ampi uah et iman huang Kristus, bakoi ket ngulah Hukum Taurat. Sabab, bakoi erangkaulun pun na ampi uah ket nulah Hukum Taurat! ¹⁷ Kode, sementara takam bausaha pakai na ampi uah huang Kristus, takam kaiuh tonga takam pada pendosa, inunkah baarati Kristus adalah palayan dosa! ¹⁸ Amun uki membangun kamulek inun sa uki sanruntun, uki mambukti bahwa uki adalah erangkaulun pelanggar hukum. ¹⁹ Sabab,metah Hukum Taurat, uki haut mate pah HUkum Taurat nampan uki wolumpakai Allah tala. ²⁰ Uki haut na balanangar anri Kristus. Bakoi kia uki sa wolum, melainkan Kristus sa wolum huang uki. Wolum sa tataha itu uki nyamolum huang daging adalah wolum et iman huang Pea Allah, sa ngalelu uki dan haut ngunru tonga-Ne pakai uki. ²¹ Uki bakoi ngampibatal anugerah Allah ket amun kabujuren hawi metah Hukum Taurat, sia-sialeh pampate Kristus!