¹ Ulah ket iro, uki, ulun sa napenjara ket Tuhan, nyurung iko pakai wolum sepadan anri wowaan sa haut iko tarime. ² Anri kahai kiidokan ate baya ahi lelu, anri kasabaren, saling nangung beban huang ehi lelu ³ Bausahaleh sekuat tenaga pakai memelihara kesatuan Roh huang surukan damai Sejahtera. ⁴ Ekat naan erai tubuh baya erai Roh, sameh halne hantek iko na wowa hmpah erai kaharapen teke wowaanko, ⁵ erai Tuhan, erai iman, dan erai babtisan, ⁶ erai Allah dan erai Uma teke kahai, sa gi bawo kahaine,metah kahaine dan huang kahaine. ⁷ Kode, hmpah takam masing-masing na unru anugerah sesuai anri ukuran karunia Kristus ⁸ Iroleh Io ngabai pah duoi obo, Io nyamma ulun-ulun sa na tawan, baya ngunru karunia hmpah murunsia.'' ⁹ Hantek na wada, ''Io ngabai,'' bakoikah iro baarati Io pada haut dolui pah hila pida tana? ¹⁰ Io, sa dolui, Iyo padaleh sa ngabai lewi obo teke kahai langit nampan Io namponu kahai ne ¹¹ Iyoleh sa ngunru,maasus kawan rasul-rasul, nabi-nabi, pemberita-pemberita Injil, pakatik-pakatik mau pun pengajar-pengajar, ¹² pakai ngampilengkap ulun-ulun barasis huang gawian pelayanan pah pembangunan tubuh Kristus, ¹³ hampe takam kahai mencapai kesatuan iman baya pangantoean pah Pea Allah , yoiro murunsia dewasa, manurut ukuran tingkat patumuan sa sesuai anri kaponuan Kristus. ¹⁴ Anri mihie, takam bakoi kia pea-pea sa naombang-ambingkan ulah galumang dan naoit paaru paanan ulah ba masamriwut pangajaran, ulah tipu daya murunsia, ulah kecerdikan teke panipuan sa licik. ¹⁵ Sabalikne, nyawada kabujuren huang ahi lelu takam sagar tummu huang kajai hal hmpah Iyo,sa adalah Kepala, yoiro Kristus. ¹⁶ Teke Iyo kahai tubuh ta susun palus na suruk sameh-sameh jari erai metah karawahen setiap sendi. amun masing-masing ngulah bagian ne tubuh sagar tumu hampe membangun tonga ne raerai huang ahi lelu Sara Wolum sa Uah huang Kristus ¹⁷ Ket iro, uki wada dan ngampitegas huang Tuhan, ada kia iko wolum kakala ulun-ulun sa bakoi harap, sa wolum anri pikiran sia-sia. ¹⁸ Pangataruen reo jari sirom dan tapisah teke pamolum Allah ket kabuduen sa naan huang tonga reo sa panyabab ulah kakarasen ate. ¹⁹ Perasaan reo haut jari tumpul dan reo manyarah tonga hmpah hawa nafsu pakai ngulah bamasam kecemaran anri keserakahan. ²⁰ Kode, bakoi sara iro iko pahajar ne'o Kristus. ²¹ Saumpama ne iko memang haut nyonrongoi ne'o Iyo dan na ajar huang Iyo, sanakolo kabujuren sa naan huang Yesus, ²² umpe leh murunsia uhangko sa iko iuh teke sara wolum sa uhang, sa rahat na tanrusak ulah hawa nafsu sa menipu. ²³ Ampiwayuleh roh pikiran ko. ²⁴ Ampiuahleh murunsia sa wayu, sa nacipta huang rupa Allah huang keadilan dan huang kekudusan sa sejati. ²⁵ Ulah ket iro, anri ngumpe kepalsuan, hayuleh setiap ikam basurah ne'o kabujuren hmpah sasameh ikam ket takam sameh-sameh anggota teke erai tubuh. ²⁶ Sangitleh dan ada ngulah dosa. Ada ngaret mato onro lotong huang kasangitenko. ²⁷ Ada ngunru kesempatanhmpah setan. ²⁸ Ulah sa haut ngalat kia. lewi amun io bagawi karas palus ngulah gawian sa maasus anri longonne raerai hampe io memiliki kahaine pakai na bagi hmpah ulun sa perlu tuu. ²⁹ Ada ngaret papaneran beleoh kaluar teke mulutko, kode ekat papaneran maasus sa membangun ulun sa perlu tuu hampe papaneran ko iro ngunru berkat pah reo sa nyonrongoi ne ³⁰ Ada ngampiharung Roh kudus Allah, sabab ulah ket Iyo iko na meteraikan pakai onro panowuhan. ³¹ Umpeleh segala masam kaampitan,kegeraman ,kasangiten, pertikaian dan papaneran fitnah, pada kahai kejahatan,tangkoroleh iro teke iko ³² Basikapleh ramah erai anri sa lain miliki leh ate sa ponu ahi lelu, dan saling mengampuni, sanakolo Allah huang Kristus pada mengampuni iko.