¹ Pakai alasan ituleh, uki, Paulus na penjara ket Yesus Kristus demi iko, ulun-ulun kafir. ² Iko pasti haut nyonrongoi ne'o tugas penata layanan anugerah Allah tala sa na unru hmpah iko pakai ko, ³ bahwa anri penyataan rahasia iro na bara hmpah iko kakala sa haut tatulis secara singkat sa mete ne. ⁴ Tawuk mamabasa itu, iko kaiuh memahami pangataruen mengenairahasia Kristus, ⁵ sa bakoi na bara hmpah ulun-ulun teke generasi lain, kode sa tataha nanyatakan hmpah kawan rasul baya kawan nabi-Ne sa barasis ulah roh barasis. ⁶ Rahasia iro adalah metah Injil ulun-ulun kafir jari sasameh ahli waris, sasameh anggota teke erai tubuh, dan sameh-sameh ngepo bagian teke janyi huiang Yesus Kristus. ⁷ Uki jari palayan Injil sesuai anri karunia teke anugerah Allah, sa na unru hmpah iko manurut gawian kuasa-Ne. ⁸ Hmpah uki, sa paling hina gi padang ulun kudus, anugerah itu na unru pakai na bara hmpah ulun-ulun kafir katatauen Kristus sa baakoi na johor, ⁹ dan ngoit mai hmpah setiap ulun ne'o rahasia sa tadina sa uhang ba abad-abad huang Allah,sa mencipta segala hal. ¹⁰ Anri mihie,metah jemaat, babagi hikmat Allah tataha na bara hmpah kawan pamarentah baya penguasa gi duoi surgawi. ¹¹ Itu sesuai anri ransana kekal sa na nyatakan huang Yesus Kristus, Tuhan takam, ¹² sa huang Iyo, takam kaiuh koronuan dan lalan masuk hmpah Allah anri yakin ket kesetiaan Kristus. ¹³ Ket iro,uki laku hmpah iko nampan ada putus asa nginte penderitaan sa uki ingkam demi iko. Penderitaan iro adalah kemuliaan ko. Doa Paulus pakai jemaat Efesus ¹⁴ Pakai alasan ituleh uki nepet ulok katuk gi hadapan Uma. ¹⁵ Teke Iyoleh, setiap keluarga gi surga dan gi tana narime ngaranne. ¹⁶ Uki badoa nampan sesuai anri katatauen kemuliaan-Ne, Io berkenan mengaruniakan hmpah iko kakuaten gi huang batinko, anri kuasa Roh-Ne, ¹⁷ hampe Kristus berkenan duloi gi huang ate ko metah iman hampe iko rakit dan berdasarkan huang ahi lelu ¹⁸ dan nampan ikam baya kahai ulun kudus kiuh memahami miiro buka, dan obo, dan obo, baya huangne ahi lelu Kristus ¹⁹ Anri mihie, iko kaiuh mantaru ahi lelu Kristus sa metah pangantoean hampe iko na tamponu anri kahai kaponuan Allah tala. ²⁰ Bagi Iyo, sa sanggup ngulah oro lewi ponu teke kahai sa takam laku atawa takam pikir, sesuai anri kuasa sa bagawi gi huang takam. ²¹ Bagi Iyoleh kemuliaan huang jemaat dan huang Yesus Kristus pah kahai genersi hampe sa uhang-uhangne.